WI vs IND: బాబర్ అజామ్ రికార్డును బద్దలు కొట్టిన గిల్

New Web Story Copy 2023 07 31t130431.874

WI vs IND: వెస్టిండీస్‌తో జరుగుతున్న రెండో వన్డేలో భారత యువ ఓపెనర్ శుభ్‌మన్ గిల్ ఖాతాలో రికార్డ్ నమోదు చేశాడు. రెండో వన్డేలో గిల్ 34 పరుగులు చేసి పాక్ కెప్టెన్ బాబర్ అజామ్ రికార్డును బద్దలు కొట్టాడు. వన్డే క్రికెట్‌లో తొలి 26 ఇన్నింగ్స్‌ల్లో అత్యధిక పరుగులు చేసిన బ్యాట్స్‌మెన్‌గా శుభ్‌మన్ గిల్ నిలిచాడు. గిల్ 26 వన్డే ఇన్నింగ్స్‌ల్లో 1352 పరుగులు చేశాడు. గిల్ కంటే ముందు 26 వన్డే ఇన్నింగ్స్‌లలో 1322 పరుగులు చేసిన బాబర్ ఆజం పేరిట ఈ రికార్డు నమోదైంది. ఇంగ్లండ్ మాజీ బ్యాట్స్‌మెన్ జోనాథన్ ట్రాట్ వన్డే క్రికెట్‌లోని మొదటి 26 ఇన్నింగ్స్‌లలో అత్యధిక పరుగులు చేసిన పరంగా మూడో స్థానంలో నిలిచాడు. ట్రాట్ 1303 పరుగులు చేశాడు. పాకిస్థాన్ అనుభవజ్ఞుడైన బ్యాట్స్‌మెన్ ఫఖర్ జమాన్ (1275) నాలుగో స్థానంలో ఉన్నాడు. దక్షిణాఫ్రికాకు చెందిన రాసి వాన్ డెర్ డస్సెన్ (1267) టాప్-5 జాబితాలో ఉన్నాడు.

రెండో వన్డేలో వెస్టిండీస్ చేతిలో భారత జట్టు మరో 80 బంతులు మిగిలి ఉండగానే 6 వికెట్ల తేడాతో ఓటమి పాలైంది. తొలుత బ్యాటింగ్ చేసిన భారత్ 181 పరుగులకు ఆలౌటైంది. వెస్టిండీస్ జట్టు 36.4 ఓవర్లలో 4 వికెట్లు కోల్పోయి లక్ష్యాన్ని ఛేదించింది. దీంతో మూడు మ్యాచ్‌ల సిరీస్‌ని వెస్టిండీస్ 1-1తో సమం చేసింది. తొలి మ్యాచ్‌లో టీమిండియా 5 వికెట్ల తేడాతో గెలుపొందగా, రెండో వన్డేలో కరీబియన్ జట్టు 6 వికెట్ల తేడాతో ఘన విజయం సాధించింది. ఇప్పుడు ఇరు జట్ల మధ్య సిరీస్‌లో చివరిదైన మూడో వన్డే మంగళవారం జరగనుంది. రెండు జట్లూ సిరీస్‌ను కైవసం చేసుకునేందుకు బరిలోకి దిగనున్నాయి.

Also Read: 9 Killed: రోడ్డు టెర్రర్.. వేర్వేరు రోడ్డు ప్రమాదాల్లో 9 మంది దుర్మరణం

Follow us