India Squad For South Africa: దక్షిణాఫ్రికాతో టీ20 సిరీస్.. టీమిండియాను ప్ర‌క‌టించిన బీసీసీఐ!
సౌతాఫ్రికాతో 4 మ్యాచ్‌ల టీ20 సిరీస్ నవంబర్‌లో దక్షిణాఫ్రికాలో వివిధ వేదికలపై జరగనుంది. నవంబర్ 8 నుంచి సిరీస్ ప్రారంభం కానుంది. రెండో మ్యాచ్ నవంబర్ 10న, మూడో మ్యాచ్ నవంబర్ 13న, నాలుగో మ్యాచ్ నవంబర్ 15న జరగనుంది.
- By Gopichand Published Date - 11:16 AM, Sat - 26 October 24
India Squad For South Africa: దక్షిణాఫ్రికాతో 4 మ్యాచ్‌ల టీ20 సిరీస్‌కు టీమిండియాను (India Squad For South Africa) ప్రకటించారు. టీమిండియా కెప్టెన్సీని సూర్యకుమార్ యాదవ్‌కు అప్పగించారు. టీమ్ ఇండియాలో ఇండియా ఎలో భాగమైన చాలా మంది ఆటగాళ్లకు అవకాశం లభించింది. వికెట్ కీపర్‌లుగా సంజూ శాంసన్, జితేష్ శర్మలకు అవకాశం ఇవ్వగా, రింకూ సింగ్, తిలక్ వర్మ, రమణదీప్ సింగ్, వరుణ్ చక్రవర్తి, విజయ్‌కుమార్ విశాక్, యశ్ దయాల్‌లకు చోటు దక్కింది. హార్దిక్ పాండ్యా కూడా జట్టులోకి వచ్చాడు.
అయితే నితీష్ కుమార్ రెడ్డిని జట్టులో చేర్చలేదు. నితీష్ బంగ్లాదేశ్‌తో టీ-20 సిరీస్‌లో పాల్గొన్నాడు. బదులుగా అతను బోర్డర్-గవాస్కర్ ట్రోఫీ కోసం ఆస్ట్రేలియా పర్యటనలో టెస్ట్ జట్టులో చోటు సంపాదించాడు. పలువురు యువ ఆటగాళ్లకు టీ-20 సిరీస్‌లో అవకాశం లభించింది. అయితే బీసీసీఐ ప్ర‌క‌టించిన ఈ జట్టులో కేవ‌లం న‌లుగురు ఆట‌గాళ్లు మాత్ర‌మే అనుభ‌వ‌జ్ఞులు ఉన్నారు. మిగిలిన వారంతా యువ ఆట‌గాళ్లే ఉన్నారు.
Also Read: MS Dhoni : జార్ఖండ్ అసెంబ్లీ పోల్స్‌కు బ్రాండ్ అంబాసిడర్‌గా ధోనీ
షెడ్యూల్ ఇదే!
సౌతాఫ్రికాతో 4 మ్యాచ్‌ల టీ20 సిరీస్ నవంబర్‌లో దక్షిణాఫ్రికాలో వివిధ వేదికలపై జరగనుంది. నవంబర్ 8 నుంచి సిరీస్ ప్రారంభం కానుంది. రెండో మ్యాచ్ నవంబర్ 10న, మూడో మ్యాచ్ నవంబర్ 13న, నాలుగో మ్యాచ్ నవంబర్ 15న జరగనుంది. దీని తర్వాత బోర్డర్-గవాస్కర్ ట్రోఫీ కోసం టీమిండియా ఆస్ట్రేలియా వెళ్లనుంది. బోర్డర్-గవాస్కర్ ట్రోఫీ నవంబర్ 22 నుంచి ప్రారంభం కానుంది. ఇక్కడ టీం ఇండియా 5 టెస్టు మ్యాచ్‌లు ఆడనుంది.
సౌతాఫ్రికాతో టీ-20 సిరీస్ కోసం భారత జట్టు
సూర్యకుమార్ యాదవ్ (కెప్టెన్), అభిషేక్ శర్మ, సంజూ శాంసన్ (వికెట్ కీపర్), రింకూ సింగ్, తిలక్ వర్మ, జితేష్ శర్మ (వికెట్ కీపర్), హార్దిక్ పాండ్యా, అక్షర్ పటేల్, రమణదీప్ సింగ్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్, విజయ్‌కుమార్ విశాక్, అవేశ్ ఖాన్, యష్ దయాళ్.
