కొత్త ఏడాది.. హ్యాంగోవర్ తగ్గించుకోవడానికి చిట్కాలీవే!

Hangover

Hangover: కొత్త ఏడాది వేడుకల్లో భాగంగా చాలామంది ఆల్కహాల్ సేవించడం సహజం. ఆ సమయంలో పార్టీ సరదాగా అనిపించినా మరుసటి రోజు ఉదయం హ్యాంగోవర్ వల్ల తీవ్రమైన తలనొప్పి, ఒళ్లు నొప్పులు, నోరు ఎండిపోవడం, వాంతులు వచ్చినట్లు అనిపిస్తుంది. ఒకవేళ మీరు కూడా హ్యాంగోవర్‌తో ఇబ్బంది పడుతుంటే దాని నుండి బయటపడటానికి కొన్ని ఇంటి నివారణలు, చిట్కాలు ఇక్కడ ఉన్నాయి.

హ్యాంగోవర్ తగ్గించుకోవడానికి ఇంటి చిట్కాలు

నిమ్మరసం: హ్యాంగోవర్‌పై నిమ్మరసం అద్భుతంగా పనిచేస్తుంది. చల్లని నీటికి బదులుగా ఒక గ్లాసు గోరువెచ్చని నీటిలో అర చెక్క నిమ్మరసం కలుపుకుని తాగాలి. ఇది శరీరంలోని విషపూరిత పదార్థాలను బయటకు పంపి, హ్యాంగోవర్ దిగడానికి సహాయపడుతుంది.

అల్లం నీరు: ఒక గ్లాసు నీటిలో చిన్న అల్లం ముక్క వేసి బాగా మరిగించాలి. ఆ తర్వాత ఆ నీటిని వడకట్టి తాగితే హ్యాంగోవర్ నుండి ఉపశమనం లభిస్తుంది.

అరటిపండు: ఆల్కహాల్ సేవించడం వల్ల శరీరంలో పొటాషియం తగ్గుతుంది. అరటిపండు తినడం వల్ల శరీరానికి అవసరమైన పొటాషియం అందుతుంది.

కొబ్బరి నీళ్లు: హ్యాంగోవర్ తగ్గాలంటే శరీరం హైడ్రేటెడ్‌గా ఉండటం ముఖ్యం. కొబ్బరి నీళ్లు తాగడం వల్ల శరీరానికి అవసరమైన ఎలక్ట్రోలైట్స్ తిరిగి అందుతాయి.

Also Read: వాళ్లు ఫలితం అనుభవిస్తున్నారు.. కొడాలి నాని, వంశీ పై టీడీపీ సీనియర్ లీడర్ ఫైర్

హ్యాంగోవర్ ఎందుకు వస్తుంది?

హ్యాంగోవర్ రావడానికి ప్రధాన కారణాలు ఇవే

డీహైడ్రేషన్: శరీరంలో నీటి శాతం అకస్మాత్తుగా తగ్గిపోవడం వల్ల తీవ్రమైన దాహం, తలనొప్పి వస్తుంది.

టాక్సిన్స్: కాలేయం ఆల్కహాల్‌ను విషపూరిత పదార్థంగా మారుస్తుంది. దీనివల్ల శరీరంలో మంట ఏర్పడి అనారోగ్యంగా అనిపిస్తుంది.

కడుపులో అసౌకర్యం: కడుపులో యాసిడ్ స్థాయిలు పెరిగి జీర్ణాశయం ఇబ్బందికి గురవుతుంది. దీనివల్ల వికారం, కడుపునొప్పి లేదా వాంతులు అవుతాయి.

తక్కువ బ్లడ్ షుగర్: ఆల్కహాల్ తాగిన తర్వాత రక్తంలో చక్కెర స్థాయిలు పడిపోతాయి. దీనివల్ల నీరసం, అలసట, మూడ్ మార్పులు వస్తాయి.

నిద్రలేమి: ఆల్కహాల్ ప్రభావం వల్ల నిద్ర సరిగ్గా పట్టదు. నిద్ర నాణ్యత తగ్గడం వల్ల హ్యాంగోవర్ ప్రభావం ఇంకా పెరుగుతుంది.

Follow us