Cheap Shopping Places: ఢిల్లీలోని సరసమైన షాపింగ్ ప్రదేశాలు
దేశ రాజధాని ఢిల్లీని సందర్శిస్తే కచ్చితంగా షాపింగ్ చేయాల్సిందే. ఎందుకంటే అక్కడ ఖరీదైన షాపింగ్ మాల్స్ కు ధీటుగా ఫ్రెండ్లీ షాపింగ్ స్పాట్స్ ఉన్నాయి.అంటే మనకు అందుబాటు ధరలలో వస్తువులను కొనుగోలు చేయవచ్చు.
- By Praveen Aluthuru Published Date - 05:17 PM, Sat - 20 April 24
![Cheap Shopping Places: ఢిల్లీలోని సరసమైన షాపింగ్ ప్రదేశాలు](https://d1x8bgrwj9curj.cloudfront.net/wp-content/uploads/2024/04/jpeg-optimizer_Janpath-Market.jpg)
Cheap Shopping Places: దేశ రాజధాని ఢిల్లీని సందర్శిస్తే కచ్చితంగా షాపింగ్ చేయాల్సిందే. ఎందుకంటే అక్కడ ఖరీదైన షాపింగ్ మాల్స్ కు ధీటుగా ఫ్రెండ్లీ షాపింగ్ స్పాట్స్ ఉన్నాయి.అంటే మనకు అందుబాటు ధరలలో వస్తువులను కొనుగోలు చేయవచ్చు. మీరు ఎప్పుడైనా ఢిల్లీని సందర్శిస్తే లజ్పత్, సరోజిని మార్కెట్ లేదా జన్పథ్ తదితర మార్కెట్లను తప్పకుండ సందర్శించాల్సిందే. మనం ఇతర ప్రపదేశాలకు వెళితే కచ్చితంగా గుర్తుంచుకోవాల్సింది బడ్జెట్ను దృష్టిలో ఉంచుకుని అందుకు తగిన విధంగా షాపింగ్ ని చేయాలి. మరి ఢిల్లీలో బడ్జెట్ షాపింగ్ ప్రదేశాలు, వాటి ప్రాముఖ్యతను గురించి తెలుసుకుందాం.
జనపథ్ మార్కెట్.. దీన్ని టిబెటన్ మార్కెట్ అని కూడా పిలుస్తారు. ఢిల్లీలోని పురాతన షాపింగ్ హబ్లలో జన్పథ్ ఒకటి. రంగురంగుల ఆభరణాలు, తోలు బూట్లు, బ్యాగులు, ఇత్తడి వస్తువులు, కాశ్మీరీ తివాచీలు, కళాత్మక అలంకరణలు మరియు టిబెటన్ పాతకాలపు వస్తువులు లభిస్థాయి. వేసవి కోసం సీజనల్ స్కర్ట్లు మరియు శీతాకాలం కోసం జాకెట్లు, స్కార్ఫ్లు దొరుకుతాయి. వారాంతాల్లో మార్కెట్ను సందర్శించకపోవడం ఉత్తమం. ఎందుకంటే వీకెండ్స్ లో ఈ ప్రదేశం చాలా రద్దీగా ఉంటుంది.
చిరునామా – జనపథ్ రోడ్, జనపథ్, కన్నాట్ ప్లేస్, న్యూఢిల్లీ, ఢిల్లీ 110001
సమయం – సోమవారం నుండి శనివారం వరకు ఉదయం 10 నుండి రాత్రి 9 గంటల వరకు మరియు ఆదివారం ఉదయం 11 నుండి రాత్రి 8 గంటల వరకు.
ప్రత్యేకత – కృత్రిమ ఆభరణాలు, పాశ్చాత్య దుస్తులు, పాదరక్షలు, పురాతన వస్తువులు, హస్తకళలు, పెయింటింగ్లు మరియు తోలు వస్తువులు.
ధర పరిధి – వస్తువులు ఇక్కడ 150 నుండి ప్రారంభమవుతాయి మరియు 1500 వరకు ఉంటాయి.
కరోల్ బాగ్: ఈ మార్కెట్లో సరసమైన సాంప్రదాయ దుస్తులు లభిస్తాయి. దుస్తులు, కాస్ట్యూమ్ ఆభరణాలు మరియు బ్యాగ్లతో పాటు, మార్కెట్లో ఆహారాన్ని అందించే రెస్టారెంట్లు ఉన్నాయి. వివాహ దుస్తులను కొనుగోలు చేయాలనుకుంటే ఇది సరైన ప్రదేశం. మార్కెట్లో ఫ్యాన్సీ లెహంగాలు మరియు భారతీయ దుస్తులు విక్రయించే దుకాణాలు పుష్కలంగా ఉన్నాయి. మార్కెట్ సరసమైన పురుషుల దుస్తులను కూడా అందిస్తుంది. ఇది కాకుండా మార్కెట్లో పుస్తకాలు మరియు ఎలక్ట్రానిక్ వస్తువులు లభిస్తాయి.
చిరునామా – బ్లాక్ 1, WEA, కరోల్ బాగ్, న్యూఢిల్లీ, ఢిల్లీ 110060
సమయాలు – సోమవారం తప్ప ప్రతిరోజూ ఉదయం 10 నుండి సాయంత్రం 8:00 వరకు తెరిచి ఉంటాయి.
ప్రత్యేకతలు – సాంప్రదాయ దుస్తులు, ఎలక్ట్రానిక్స్, సౌందర్య సాధనాలు, పెళ్లి దుస్తులు, గాడ్జెట్లు మరియు పుస్తకాలు.
ధర పరిధి – 500 నుండి ప్రారంభం అవుతుంది.
ఢిల్లీలోని మరొక షాపింగ్ హబ్ పాలికా బజార్, ఇక్కడ మీరు ప్రత్యేకమైన వస్తువులను కొనుగోలు చేయవచ్చు. ఇది ఎయిర్ కండిషన్డ్ మార్కెట్ అయినందున పెద్దగా ఉక్కపోత ఉండదు. మీకు బేరం చేసే టాలెంట్ ఉండాలే కానీ ఉత్తమ ధరకు వస్తువులతో బయటికి వెళ్తారు.
చిరునామా – పాలికా బజార్, కన్నాట్ ప్లేస్, న్యూఢిల్లీ, ఢిల్లీ 110001
సమయాలు – సోమవారం తప్ప ప్రతిరోజూ ఉదయం 10:00 – సాయంత్రం 7:00 వరకు తెరిచి ఉంటుంది.
ప్రత్యేకతలు – సీడీలు, బట్టలు, పరిమళ ద్రవ్యాలు, పాదరక్షలు మరియు ఎలక్ట్రానిక్ వస్తువులు
ధర పరిధి – 600 నుండి 2000 వరకు
ఖాన్ మార్కెట్ ఢిల్లీలోని హై-ఎండ్ మార్కెట్లలో ఒకటి. ఇక్కడ మీరు లగ్జరీ బ్రాండ్లను కూడా కొనుగోలు చేయవచ్చు. ఖాన్ మార్కెట్లోని టైలర్ దుకాణాలు బాగా పాపులర్.అలాగే ఆయుర్వేద మందుల దుకాణాలు ఉన్నాయి. మీరు ఇక్కడ మంచి దుస్తులు మరియు కాస్మొటిక్ వస్తువులను కొనుగోలు చేయవచ్చు. ఇక్కడ బేరసారాల విషయానికి వస్తే కొంచెం గమ్మత్తైనది. ఎందుకంటే వినియోగదారుడును రాజుగా భావిస్తారు. కాబట్టి రాజులు బేరం చేయరు అనే నినాదాన్ని నమ్ముతారు.
చిరునామా – 61A, ఖాన్ మార్కెట్, రవీంద్ర నగర్, న్యూఢిల్లీ, ఢిల్లీ 110003
సమయాలు – ఆదివారం మినహా వారంలోని అన్ని రోజులలో ఉదయం 10:00నుండి రాత్రి 11:00 వరకు తెరిచి ఉంటుంది
ప్రత్యేకతలు – వస్త్రాలు, పుస్తకాలు, జీవనశైలి వస్తువులు, సౌందర్య సాధనాలు, మందులు.
ధర పరిధి – ధర 2000 నుండి ప్రారంభమవుతుంది
ఢిల్లీలోని పురాతన షాపింగ్ ప్రాంతాలలో ఒకటైన చాందినీ చౌక్ ప్రసిద్ధి చెందింది. రంగు రంగుల దుకాణాలతో నిండిన ఇరుకైన వీధుల గుండా నడుస్తున్నప్పుడు షాపింగ్ ని బాగా ఎంజాయ్ చేస్తారు. పుస్తకాల నుండి వెడ్డింగ్ లెహంగాల వరకు, వివిధ షాపింగ్ మెటీరియల్ల కోసం ఒక్కో విభాగం కేటాయించబడింది మరియు ఢిల్లీలో షాపింగ్ చేయడానికి అత్యంత ప్రసిద్ధ చౌకైన ప్రదేశాలలో ఇది ఒకటి.
We’re now on WhatsApp. Click to Join
చిరునామా – 2573, నై సరక్, రఘు గంజ్, రోషన్పురా, పాత ఢిల్లీ, న్యూఢిల్లీ, ఢిల్లీ 110006
సమయాలు – ఆదివారం మినహా వారంలోని అన్ని రోజులు ఉదయం 10 గంటల నుండి తెరిచి ఉంటుంది
ప్రత్యేకతలు – ఎంబ్రాయిడరీ బ్యాగులు, సెమీ విలువైన నగలు, పట్టు మరియు కాటన్ బట్టలు, పుస్తకాలు, వివాహ లెహంగాలు మరియు ఎలక్ట్రానిక్ ఉత్పత్తులు.
ధర పరిధి – 500 నుండి 1500 వరకు ఉంటుంది. వివాహ లెహెంగా ధరలు 3000 నుండి ప్రారంభమవుతాయి
ఢిల్లీలోని షాపింగ్ హబ్లలో కుతుబ్ ప్లాజా ఒకటి. ఇక్కడ వివిధ రకాల సరసమైన దుస్తులు, కిరాణా సామాగ్రి, బొమ్మలను కొనుగోలు చేయవచ్చు. ఫిట్టింగ్ కోసం ఇక్కడ చాలా టైలరింగ్ దుకాణాలు ఉన్నాయి. ఈ ప్రదేశాన్ని సందర్శిస్తే రెస్టారెంట్లు మరియు ఫుడ్ స్టాల్స్ అందించే విభిన్న వంటకాలను ఆస్వాదించడం మర్చిపోవద్దు.
సమయం- ఉదయం 9:00 నుండి రాత్రి 8:30 వరకు తెరిచి ఉంటుంది.
Also Read: Yogi: సనాతన ధర్మాన్ని దెబ్బతీసేందుకు కుట్ర.. యోగి ఆగ్రహం
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Tags
Related News
![Waqf Board Case: ఆప్ ఎమ్మెల్యేని అరెస్ట్ చేసిన ఈడీ](https://d1x8bgrwj9curj.cloudfront.net/wp-content/uploads/2024/09/109410843.jpg)
Waqf Board Case: ఆప్ ఎమ్మెల్యేని అరెస్ట్ చేసిన ఈడీ
తెల్లవారుజామున ఈడీ ఆప్ ఎమ్మెల్యే అమానతుల్లా ఇంటికి చేరుకుని దాడులు చేసింది. ఏజెన్సీ అధికారులను తొలుత ఇంట్లోకి రానివ్వలేదు. ఎమ్మెల్యే, అధికారుల మధ్య చాలాసేపు హైవోల్టేజీ డ్రామా కొనసాగింది. దీనికి సంబంధించిన వీడియో కూడా సోషల్ మీడియాలో వైరల్ అవుతోంది. అయితే స్థానిక పోలీసుల సహాయంతో ఈడీ ఎమ్మెల్యేను అరెస్టు చేసింది.