Sleep Disturbance: నిద్రలో ఎక్కువ సార్లు మేల్కుంటున్నారా.. ఇది మీకోసమే..!
- Author : Vamsi Chowdary Korata
Date : 03-06-2026 - 12:34 IST
Published By : Hashtagu Telugu Desk
మనిషికి నిద్ర అనేది ఎంత అవసరమో అందరికీ తెలిసిందే. అసలు సగం వ్యాధులకు కారణం సరైన నిద్ర లేకపోవడమే అని అంటుంటారు. మనకున్న ప్రతి సమస్య గురించి అదే పనిగా ఆలోచిస్తూ నిద్రను పాడు చేసుకుంటాం. ప్రపంచవ్యాప్తంగా నిద్ర సమస్యలతో బాధపడే వారి సంఖ్య చాలా ఎక్కువగా ఉంది. చిన్న పిల్లల నుంచి ముసలి వారి దాకా నిద్రలేమి సమస్య (Sleep Disorder) బాధిస్తుంది.
శరీరానికి సరైన నిద్ర అనగా విశ్రాంతి ఇవ్వడం వల్ల కొన్ని అనారోగ్యాల నుంచి మనల్ని మనం కాపాడుకునే అవకాశం ఉంది. నిద్ర సరిగా లేకపోవడం వల్ల (Sleep Disorder) జ్ఞాపకశక్తి తగ్గుతుంది. ఏ పని మీద ఏకాగ్రత ఉండదు.
రక్తపోటు, గుండె సమస్యలతో పాటుగా జీర్ణ సమస్యలు, మధుమేహం లాంటి సమస్యలు వస్తాయి. ఆరోగ్యంగా ఉండటానికి సరైన జీవన విధానంలో సరైన నిద్ర కూడా ముఖ్య పాత్ర పోషిస్తుంది. అయితే నిద్రపోవడం వరకు ఓకే కానీ, జీవనశైలిలోని మార్పుల వల్ల నిద్రలో ఎక్కువసార్లు మెలకువ వచ్చినట్లు అవుతుంది.
టీ, కాఫీలు ఎక్కువ తాగడం వల్ల నిద్ర నుంచి త్వరగా మెలకువ వచ్చే అవకాశం ఉంది. అంతేకాదు, రోజు వ్యాయామం చేసి శరీరానికి అలసట కలిగించకపోతే, అలా చేయకుండా ఉన్నా కూడా నిద్రలో ఊరికే మెలకువ వచ్చి మళ్లీ నిద్ర పట్టకుండా చేస్తుంది. నిత్యం వ్యాయామం చేయడం వల్ల నిద్రకు ఎలాంటి ఇబ్బంది ఉండదు.
Follow us
