ప్ర‌ముఖ గాయ‌ని క‌న్నుమూత‌!

Asha Bhosle

Asha Bhosle: మహోన్నత గాయని ఆశా భోస్లే ఈ లోకాన్ని విడిచి వెళ్ళారు. 92 ఏళ్ల వయసులో ఆమె తుదిశ్వాస విడిచారు. దాదాపు ఏడు దశాబ్దాల పాటు సినీ ప్రపంచంలో తన మధురమైన గొంతుతో మంత్రముగ్ధులను చేసిన ఆమె శనివారం అనారోగ్యానికి గురవ్వడంతో ఆసుపత్రిలో చేరారు. ముంబైలోని బ్రీచ్ కాండీ ఆసుపత్రిలోని ఎమర్జెన్సీ మెడికల్ సర్వీసెస్ యూనిట్‌లో ఆమెకు చికిత్స అందించారు. ప్రపంచవ్యాప్తంగా ఉన్న ఆమె అభిమానులు కోలుకోవాలని ప్రార్థించినప్పటికీ, ఆదివారం ఆమె కన్నుమూశారు.

Also Read: Ranveer-Deepika : రూ. 119 కోట్లతో కొత్త ఇళ్లు కొనుగోలు చేసిన రణ్వీర్-దీపిక

అవార్డులు- గౌరవాలు

భారతీయ సంగీత రంగంలో ఒక ధ్రువతారగా వెలుగొందిన ఆశా భోస్లే తన 7 దశాబ్దాల సుదీర్ఘ కెరీర్‌లో ఎన్నో అత్యున్నత పురస్కారాలను అందుకున్నారు. వీటిలో దాదాసాహెబ్ ఫాల్కే అవార్డు, పద్మ విభూషణ్ వంటి గౌరవాలు ఉన్నాయి. ‘ఉమ్రావ్ జాన్’, ‘ఇజాజత్’ వంటి చిత్రాలకు ఆమె జాతీయ చలనచిత్ర అవార్డులను కూడా గెలుచుకున్నారు. కోట్ల సంఖ్యలో ఉన్న ఆమె అభిమానులు ఆశా భోస్లే మ‌ర‌ణ వార్త విని తీవ్ర విచారం వ్య‌క్తం చేస్తున్నారు.

ఆసుపత్రిలో చేరిన గాయని

ఆశా భోస్లే ఛాతీ ఇన్ఫెక్షన్‌ (సీనే ఇన్‌ఫెక్షన్) కారణంగా నిన్న ముంబైలోని బ్రీచ్ క్యాండీ ఆసుపత్రిలో చేరారు. దీంతో ఆమె అభిమానుల్లో ఆందోళన పెరిగింది. ఈ క్రమంలో అభిమానుల ఆందోళనను గమనించిన ఆశా భోస్లే మనవరాలు జనాయ్ భోస్లే ఆమె ఆరోగ్య పరిస్థితిపై అప్‌డేట్ ఇచ్చారు. ప్రస్తుతం ఆమెకు చికిత్స జరుగుతోందని నిన్న సాయంత్రం జనాయ్ తెలిపారు. అయితే ఆ అప్‌డేట్ వచ్చిన కొద్దిసేపటికే ఇప్పుడు సింగర్ కన్నుమూశారనే వార్త వెలువడింది.

ఆశా భోస్లే తొలి కెరీర్

ఆశా భోస్లే తన కెరీర్‌ను 1948లో ‘సావన్ ఆయా’ అనే పాటతో ప్రారంభించారు. ఈ పాటను ప్రజలు ఎంతో ఆదరించారు. ఆమె తన సుదీర్ఘ కెరీర్‌లో ఇప్పటివరకు దాదాపు 16,000 పాటలు పాడారు. విశేషమేమిటంటే.. ఆమె హిందీతో పాటు మరాఠీ, బెంగాలీ, తమిళం, రష్యన్ వంటి అనేక భాషలలో తన గాత్రాన్ని అందించారు. పాత కాలంలో ఆమె మధురమైన గొంతు లేకుండా సినిమాలు అసంపూర్ణంగా భావించేవారు.

Follow us