8th Pay Commission: కేంద్రం నుండి ప్రభుత్వ ఉద్యోగులు ఏం కోరుతున్నారు?
పార్లమెంట్లో అడిగిన ప్రశ్నల్లో కేంద్ర ప్రభుత్వ ఉద్యోగులు, పెన్షనర్లు మూడు దశాబ్దాలలో ఎన్నడూ లేనంత ఎక్కువ ద్రవ్యోల్బణంతో పోరాడుతున్నారని పేర్కొన్నారు.
- By Gopichand Published Date - 04:30 PM, Tue - 2 December 25
8th Pay Commission: 8వ సెంట్రల్ పే కమిషన్ (8th Pay Commission) గురించి పెరుగుతున్న ఊహాగానాల మధ్య కేంద్ర ప్రభుత్వం ఒక విషయాన్ని స్పష్టం చేసింది. కేంద్ర ప్రభుత్వ ఉద్యోగులకు ఎటువంటి మధ్యంతర ఉపశమనం ఇవ్వడానికి సంబంధించిన ఏ ప్రతిపాదనను ప్రభుత్వం ప్రస్తుతం పరిగణించడం లేదని తెలిపింది. సోమవారం లోక్సభలో ఒక లిఖితపూర్వక ప్రశ్నకు సమాధానం ఇస్తూ కేంద్ర ఆర్థిక శాఖ సహాయ మంత్రి పంకజ్ చౌదరి కేంద్ర ఉద్యోగుల కరువు భత్యం (DA)ను బేసిక్ శాలరీలో విలీనం చేసే ప్రతిపాదనను ప్రభుత్వం పరిశీలించడం లేదని పార్లమెంటుకు తెలియజేశారు. 8వ వేతన సంఘం ఏర్పాటుకు కొన్ని నెలలు గడిచిపోయిన నేపథ్యంలో కేంద్ర ఉద్యోగుల సంఘం చాలా కాలంగా కరువు భత్యాన్ని బేసిక్ జీతంలో కలపాలని డిమాండ్ చేస్తోంది.
కేంద్ర ప్రభుత్వ ఉద్యోగులు ఏం కోరుతున్నారు?
పార్లమెంట్లో అడిగిన ప్రశ్నల్లో కేంద్ర ప్రభుత్వ ఉద్యోగులు, పెన్షనర్లు మూడు దశాబ్దాలలో ఎన్నడూ లేనంత ఎక్కువ ద్రవ్యోల్బణంతో పోరాడుతున్నారని పేర్కొన్నారు. ప్రస్తుత రిటైల్ ద్రవ్యోల్బణానికి అనుగుణంగా DA, DR (డీయర్నెస్ రిలీఫ్) మార్పులు లేవని వారు వాదిస్తున్నారు. దీనిని దృష్టిలో ఉంచుకుని ఉద్యోగుల యూనియన్ ప్రభుత్వం నుండి 50 శాతం DAను బేసిక్ శాలరీలో విలీనం చేయాలని డిమాండ్ చేసింది. ముఖ్యంగా ప్రభుత్వం నవంబర్లో 8వ CPC కోసం టర్మ్స్ ఆఫ్ రిఫరెన్స్ను ప్రకటించినప్పుడు ఈ డిమాండ్ తెరపైకి వచ్చింది.
Also Read: Imran Khan: ప్రస్తుతం ఇమ్రాన్ ఖాన్ ఎక్కడ ఉన్నారు?
ఆ మెసేజ్ను తోసిపుచ్చిన ప్రభుత్వం
మరోవైపు రిటైర్డ్ ప్రభుత్వ ఉద్యోగులకు ఆర్థిక చట్టం 2025 కింద కరువు భత్యం (DA) పెరుగుదల, భవిష్యత్తు వేతన సంఘం ప్రయోజనాలు అందడం ఆగిపోతాయని పేర్కొంటూ ఇటీవల వైరల్ అయిన సోషల్ మీడియా సందేశాన్ని ప్రభుత్వం తోసిపుచ్చింది.
ఈ వార్త నకిలీదని ప్రభుత్వం ‘X’ (గతంలో ట్విట్టర్) ప్లాట్ఫారమ్లో ఒక సోషల్ మీడియా పోస్ట్లో పేర్కొంది. CCS (పెన్షన్) రూల్స్, 2021లోని రూల్ 37లో మార్పు చేయబడింది. దీని ప్రకారం ఏదైనా ప్రభుత్వ రంగ సంస్థ (PSU) ఉద్యోగిని తప్పు చేసినందుకు ఉద్యోగం నుండి తొలగిస్తే వారి పదవీ విరమణ ప్రయోజనాలు జప్తు చేయబడతాయి. ఇటీవలి మార్పు CCS (పెన్షన్) రూల్స్, 2021 కింద ఒక చిన్న సమూహానికి మాత్రమే సంబంధించినది. ఇక్కడ డిపార్ట్మెంట్ ఆఫ్ పెన్షన్ అండ్ పెన్షనర్స్ వెల్ఫేర్, ఆర్థిక మంత్రిత్వ శాఖతో సంప్రదించిన తర్వాత రూల్ 37(29C)లో మార్పు చేయబడింది.
