Cars Expensive: పాకిస్థాన్‌లో సంక్షోభం.. భారత్‌లో రూ. 5 లక్షల కారు అక్కడ రూ. 32 లక్షలు!

November Car Sales

Cars Expensive: పాకిస్థాన్‌లో ఆటోమొబైల్ రంగం తీవ్రమైన ఇబ్బందులను ఎదుర్కొంటోంది. అక్కడ కార్ల ధరలు (Cars Expensive) విపరీతంగా పెరగడం వలన ఆ ధరలు విన్న భారతీయ కొనుగోలుదారులు సైతం ఆశ్చర్యపోవడం ఖాయం. పాకిస్థాన్‌లో కార్ల ధరలు పెరగడానికి అధిక పన్నులు, స్థానిక తయారీ లోపించడం, విదేశీ మారక ద్రవ్యం కొరత, పెరుగుతున్న ద్రవ్యోల్బణం, బలహీనమైన సరఫరా గొలుసు ప్ర‌ధాన కార‌ణాలు అని తెలుస్తోంది. ఈ కారణాల వల్ల, భారతదేశంలో రూ. 5-6 లక్షలకు లభించే కారు పాకిస్థాన్‌లో 30-40 లక్షల పాకిస్థానీ రూపాయలలో (PKR) అమ్ముడవుతోంది.

ధరల వ్యత్యాసం

భారతదేశంలో బడ్జెట్ సెగ్మెంట్‌లో లభించే కార్లు.. పాకిస్థాన్‌లో లగ్జరీ శ్రేణి వాహనాలకు సమానంగా పరిగణించబడుతున్నాయి. ఈ ధరలను చూస్తే సాధారణ పౌరులకు కారు కొనడం పెద్ద ఆర్థిక భారంగా మారిందని స్పష్టమవుతోంది.

Also Read: Chanakya Niti: భార్యాభర్తల బంధం.. ఈ 5 రహస్యాలు ఎవరికీ చెప్పకూడదు!

ప్రధాన మోడల్స్ ధరల పరిస్థితి

• మారుతి వ్యాగన్-ఆర్‌ భారతదేశంలో కేవలం రూ. 4.98 లక్షలకు అందుబాటులో ఉన్న ఈ పాపులర్ కారు పాకిస్థాన్‌లో 32 లక్షల PKRకు అమ్ముడవుతోంది.
• హోండా సిటీ Gen 4 భారతదేశంలో హోండా సిటీ సరసమైన ధర, నాణ్యతకు ప్రసిద్ధి. అయితే పాకిస్థాన్‌లో ఇప్పటికీ పాత Gen 4 మోడల్‌నే అమ్ముతున్నారు. దాని ధర 47.37 లక్షల PKR (భారతీయ రూపాయల్లో దాదాపు రూ. 14.75 లక్షలు). భారతదేశంలో ఇదే కారు కొత్త జనరేషన్ టాప్ మోడల్ రూ. 14.31 లక్షలకే లభిస్తుండగా అక్కడ పాత మోడల్ కూడా ఎక్కువ ధర పలుకుతోంది.
• టయోటా ఫార్ట్యూనర్ భారతదేశంలో ఫార్ట్యూనర్ ధర అధికంగా ఉన్నప్పటికీ పాకిస్థాన్‌లో దీని ప్రారంభ ధర ఏకంగా 1.49 కోట్ల PKR (భారతీయ కరెన్సీలో సుమారు రూ. 46 నుండి రూ. 47 లక్షలు) ఉంది.
• సుజుకి స్విఫ్ట్ Gen 3 భారతదేశంలో రూ. 5.37 లక్షల నుండి ప్రారంభమయ్యే చవకైన హ్యాచ్‌బ్యాక్ స్విఫ్ట్, పాకిస్థాన్‌లో పాత జనరేషన్ మోడల్‌కు 44.60 లక్షల PKR (సుమారు రూ. 13.89 లక్షలు) చెల్లించాల్సి వస్తోంది. ఇది భారతదేశంలోని చాలా కాంపాక్ట్ SUVల ధరల కంటే ఎక్కువ.
• టయోటా హిల్క్స్ భారతదేశంలో రూ. 28.02 లక్షలకు లభించే టయోటా హిల్క్స్ ‘రెవో’ వెర్షన్ పాకిస్థాన్‌లో 1.23 కోట్ల PKR (సుమారు రూ. 38 లక్షలు)గా ఉంది.

భారత్‌లో ధరలు తక్కువగా ఉండటానికి కారణం

ట్యాక్స్, దిగుమతిపై పాకిస్థాన్ ఆధారపడటం వలన ఈ ధరలు ఆకాశాన్నంటుతున్నాయి. దీనికి భిన్నంగా భారత ప్రభుత్వం ఇటీవల GST 2.0ను అమలు చేసింది. దీని తర్వాత వాహనాలపై పన్ను రేట్లు 18% నుండి 40% పరిధిలో ఏకీకృతం చేయబడ్డాయి. దీని వలన కార్ల ధరలపై సామాన్య ప్రజలకు ప్రత్యక్ష ప్రయోజనం కలుగుతోంది. అందుకే భారతదేశంలో కార్లు ఇప్పటికీ సరసమైన ధరలకు అందుబాటులో ఉన్నాయి.

Follow us