AP Minister : మంత్రి అమర్‎నాథ్‎కు నాన్ బెయిలబుల్ అరెస్ట్ వారెంట్ జారీ

ఏపీ పరిశ్రమల శాఖ మంత్రి గుడివాడ అమర్‎నాథ్‎ కు విశాఖ ఆరో మెట్రోపాలిటన్ మేజిస్ట్రేట్ కమ్ రైల్వే న్యాయస్థానం నాన్ బెయిలబుల్ అరెస్ట్ వారెంట్ జారీ చేసింది. రైల్వే స్టేషన్‎లోకి అనధికారికంగా ప్రవేశించారని ఐదేళ్ల కిందట అమర్‎నాథ్ పై కేసు నమోదైంది. 2018లో ప్రత్యేక హోదా, రైల్వే జోన్ డిమాండ్ చేస్తూ స్టేషన్‎లోకి అనధికార ప్రవేశం చేశారు. విశాఖ – పలాస ప్యాసింజర్‌ రైలును నిలిపేసి రైల్‌రోకో నిర్వహించారు. దీంతో గుడివాడ అమర్‎ తో పాటు పలువురు వైసీపీ నేతలు ఉన్నట్లు రైల్వే అధికారులు గుర్తించారు. విచారణ‎లో భాగంగా నిందితులు ఫిబ్రవరి 27న న్యాయ స్థానంలో హాజరు అవ్వాలి. కానీ..గుడివాడ అమర్‎నాథ్, జాన్ వెస్లీలు కోర్ట్‎కి హాజరు కాకపోవడంతో నాన్ బెయిల్ అరెస్ట్ వారంటీ జారీ కేసును మార్చి 7వ తేదీకి వాయిదా వేసింది. ఓ వైపు విశాఖ‌లో గ్లోబ‌ల్ సమ్మిట్ జ‌రుగుతున్న వేళ ప‌రిశ్ర‌మ‌ల శాఖ మంత్రికి నాన్‌బెయిల‌బుల్ వారెంట్ జారీ చేయ‌డం చర్చ‌నీయాంశంగా మారింది.