3rd Test: ఇంగ్లండ్తో జరిగే మూడో టెస్టు మ్యాచ్కు భారత్ జట్టు ఇదేనా..? ఈ ఆటగాళ్ల ఎంట్రీ ఖాయమా..?
భారత్, ఇంగ్లండ్ మధ్య ఐదు టెస్టు మ్యాచ్ల సిరీస్ జరుగుతోంది. ఈ సిరీస్లో మూడో మ్యాచ్ (3rd Test) ఫిబ్రవరి 15 నుంచి రాజ్కోట్లో జరగనుంది.
- By Gopichand Published Date - 12:15 PM, Thu - 8 February 24
![3rd Test: ఇంగ్లండ్తో జరిగే మూడో టెస్టు మ్యాచ్కు భారత్ జట్టు ఇదేనా..? ఈ ఆటగాళ్ల ఎంట్రీ ఖాయమా..?](https://d1x8bgrwj9curj.cloudfront.net/wp-content/uploads/2024/01/India-vs-South-Africa-Proba.jpg)
3rd Test: భారత్, ఇంగ్లండ్ మధ్య ఐదు టెస్టు మ్యాచ్ల సిరీస్ జరుగుతోంది. భారత్, ఇంగ్లండ్ జట్లు ఒక్కో మ్యాచ్లో గెలిచాయి. హైదరాబాద్ టెస్టులో భారత్ ఓటమిని చవిచూడాల్సి వచ్చింది. ఆ తర్వాత టీమిండియా పునరాగమనం చేసి విశాఖపట్నం టెస్టులో 106 పరుగుల తేడాతో ఇంగ్లాండ్ను ఓడించింది. ఇప్పుడు ఈ సిరీస్లో మూడో మ్యాచ్ (3rd Test) ఫిబ్రవరి 15 నుంచి రాజ్కోట్లో జరగనుంది. ఈ మ్యాచ్కు ముందు భారత జట్టు తదుపరి 3 టెస్టు మ్యాచ్లకు టీమిండియా జట్టును ప్రకటించాల్సి ఉంది. దీనికి సంబంధించి ఓ వార్త వైరల్ అవుతోంది. భారత్కు చెందిన ముగ్గురు స్టార్ ఆటగాళ్లు తదుపరి మ్యాచ్లో పునరాగమనం చేయనున్నారు. అదే సమయంలో ఇద్దరు ఆటగాళ్లను జట్టు నుండి తొలగించనున్నట్లు తెలుస్తోంది.
రాజ్కోట్ టెస్టుకు ముందు భారత జట్టుపై ఉత్కంఠ నెలకొంది. భారత దిగ్గజ బ్యాట్స్మెన్ విరాట్ కోహ్లీ తదుపరి మ్యాచ్ ఆడతాడా లేదా అన్నది అతిపెద్ద ఉత్కంఠ. ఇది కాకుండా KL రాహుల్ గాయం నుండి కోలుకున్నాడా..? తదుపరి మ్యాచ్లో తిరిగి రావడానికి సిద్ధంగా ఉన్నాడనేది తెలియాల్సి ఉంది. రవీంద్ర జడేజా తదుపరి టెస్టు మ్యాచ్ ఆడుతాడా లేదా అనే ఉత్కంఠ కొనసాగుతోంది. మరోవైపు భారత ఫాస్ట్ బౌలర్ జస్ప్రీత్ బుమ్రా మూడో టెస్టు నుంచి తప్పుకున్నట్లు వార్తలు వస్తున్నాయి. మూడో టెస్టుకు ముందు టీమ్ సెలక్టర్, భారత కెప్టెన్ రోహిత్ శర్మ తదుపరి టెస్టులో ఎవరిని ఆడించాలి, ఎవరిని ఆడించకూడదని ఆలోచిస్తున్నట్లు సమాచారం.
Also Read: Kohli Miss More Tests: మరో రెండు టెస్టు మ్యాచ్లకు విరాట్ కోహ్లీ దూరం..?
కింగ్ కోహ్లీ తిరిగి వస్తాడా?
కోహ్లీ ఎపిసోడ్లో బీసీసీఐ సోర్స్ ఈ ప్రశ్నలన్నింటికీ ఓ అప్డేట్ ఇచ్చింది. రెండో టెస్టు మ్యాచ్ ఆడలేకపోయిన ఇద్దరు ఆటగాళ్లు తదుపరి మ్యాచ్లో తిరిగి రాబోతున్నారని బీసీసీఐ వర్గాలు తెలిపాయి. విరాట్ కోహ్లి తదుపరి 2 మ్యాచ్లకు కూడా దూరంగా ఉండవచ్చని ఒక అప్డేట్ ఉందని మనకు తెలిసిందే. 3వ టెస్టులో కింగ్ పునరాగమనం చేస్తాడని ఊహాగానాలు వచ్చాయి. కానీ ఇప్పుడు 5వ టెస్టు మ్యాచ్లో పునరాగమనం చేయగలడని, అంతకంటే ముందు ఈ అనుభవజ్ఞుడు జట్టులోకి రావడం కష్టమని వార్తలు వస్తున్నాయి.
జస్ప్రీత్ బుమ్రాకు విశ్రాంతి లభించదు
అయితే భారత ఆల్రౌండర్ ఆటగాడు రవీంద్ర జడేజా గాయం నుండి ఇంకా కోలుకోలేదు. దీంతో జడేజా తదుపరి మ్యాచ్కు కూడా దూరం కాబోతున్నాడు. తొలి టెస్టు మ్యాచ్లో పరుగు తీస్తుండగా జడేజా గాయపడ్డాడు. ఇది కాకుండా భారత వికెట్ కీపర్ బ్యాట్స్మెన్ కేఎల్ రాహుల్ తదుపరి మ్యాచ్లో పునరాగమనం చేయబోతున్నట్లు తెలుస్తోంది. రాహుల్ వేలికి గాయం కావడంతో రెండో టెస్టు మ్యాచ్కు దూరమయ్యాడు. అయితే ఇప్పుడు అతను తదుపరి టెస్ట్ మ్యాచ్లో పునరాగమనం చేయబోతున్నాడని వార్తలు వస్తున్నాయి. జస్ప్రీత్ బుమ్రా మూడో టెస్టులో విశ్రాంతి తీసుకోవచ్చని వార్తలు వచ్చాయి. కానీ బుమ్రా తదుపరి టెస్టు మ్యాచ్లో కూడా ఆడతాడని బీసీసీఐ వర్గాలు తెలిపాయి.
We’re now on WhatsApp : Click to Join
ముఖేష్ కుమార్ జట్టుకు దూరమయ్యాడు
రెండో టెస్టులో భారత స్టార్ బ్యాట్స్మెన్ మహ్మద్ సిరాజ్కు విశ్రాంతినిచ్చి ఫాస్ట్ బౌలర్ ముఖేష్ కుమార్ను జట్టులోకి తీసుకున్నా ముఖేష్ తన ఆటతీరుతో జట్టును ఆకట్టుకోలేకపోయాడు. అందుకే ముఖేష్ కుమార్ మూడో టెస్టు నుంచి తప్పుకోనున్నట్లు సమాచారం. మహ్మద్ సిరాజ్ మరోసారి అతని స్థానంలో జట్టులోకి రావచ్చని తెలుస్తోంది.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Ravindra Jadeja Joins BJP: బీజేపీలో చేరిన టీమిండియా స్టార్ క్రికెటర్ జడేజా..!](https://d1x8bgrwj9curj.cloudfront.net/wp-content/uploads/2022/09/jadeja-ImResizer.jpg)
Ravindra Jadeja Joins BJP: బీజేపీలో చేరిన టీమిండియా స్టార్ క్రికెటర్ జడేజా..!
రవీంద్ర జడేజా T20 ప్రపంచకప్ 2024 తర్వాత T20 అంతర్జాతీయ మ్యాచ్ల నుండి రిటైర్ అయ్యాడు. భారత్ తరఫున 74 టీ20 మ్యాచ్లు ఆడాడు. ఈ సమయంలో అతను 515 పరుగులు చేశాడు.