Blast In Pakistan: పాకిస్థాన్‌లో భారీ పేలుడు.. ఇద్దరు సైనికులు మృతి.. ముగ్గురికి గాయాలు

పాకిస్థాన్‌ (Pakistan)లో బాంబు దాడుల పర్వం కొనసాగుతూనే ఉంది. తాజాగా బలూచిస్థాన్ ప్రాంతంలో మరో పేలుడు సంభవించింది. పాకిస్థాన్‌లోని బలూచిస్థాన్ ప్రావిన్స్‌లోని కోహ్లు జిల్లాలో శుక్రవారం (ఫిబ్రవరి 10) పేలుడు సంభవించింది. ఈ పేలుడులో ఫ్రాంటియర్ కార్ప్స్‌కు చెందిన ఇద్దరు అధికారులు మరణించగా, ముగ్గురు సైనికులు గాయపడ్డారు. డాన్ న్యూస్ మీడియా ఈ సమాచారాన్ని ఇచ్చింది. కోహ్లు జిల్లాలోని కహాన్ ప్రాంతంలో దుండగులపై ఆపరేషన్‌లో పాల్గొన్న జవాన్ల వాహనాలకు సమీపంలో పేలుడు సంభవించింది. ఈ ఘటన ఆలస్యంగా వెలుగులోకి వచ్చింది. ఇంటర్ సర్వీసెస్ పబ్లిక్ రిలేషన్స్ (ISPR) ప్రకారం.. శుక్రవారం (ఫిబ్రవరి 10) కోహ్లు ప్రాంతంలో ఒక ఆపరేషన్ ప్రారంభించినట్లు తెలిపింది. చర్య సమయంలో ఒక ఇంప్రూవైజ్డ్ ఎక్స్‌ప్లోజివ్ డివైస్ (IED) పేలి ఇద్దరు అధికారులు ప్రాణాలు కోల్పోయారు.

ఆ ప్రాంతంలో సెర్చ్ ఆపరేషన్

డాన్ నివేదిక ప్రకారం.. నేరస్థులను పట్టుకోవడానికి ఆ ప్రాంతంలో సెర్చ్ ఆపరేషన్ కొనసాగుతోంది. కోహ్లులో సెర్చ్ ఆపరేషన్ సందర్భంగా భద్రతా బలగాలపై జరిగిన దాడిని బలూచిస్థాన్ ముఖ్యమంత్రి మీర్ అబ్దుల్ ఖుద్దూస్ బిజెంజో, హోం మంత్రి మీర్ జియావుల్లా లాంగోవ్ ఖండించారు. శత్రువులు ఇలాంటి పిరికిపంద చర్య బలూచిస్తాన్‌లో కష్టపడి సంపాదించిన శాంతి, శ్రేయస్సుకు హాని కలిగించదని ISPR పేర్కొన్నట్లు డాన్ పేర్కొంది.

Also Read: RTC Bus Overturned: ఆర్టీసీ బస్సు బోల్తా.. 15 మందికి గాయాలు

ఫిబ్రవరి 5న దాడి

2021లో నిషేధిత తెహ్రీక్-ఇ-తాలిబాన్ పాకిస్థాన్ (TTP)చే పాక్ ప్రభుత్వంతో కాల్పుల విరమణ ముగిసినప్పటి నుండి తీవ్రవాద దాడుల శ్రేణిలో బలూచిస్థాన్‌లో దాడి తాజాది. ఆదివారం (ఫిబ్రవరి 5) పాకిస్తాన్‌లోని క్వెట్టా పోలీస్ లైన్స్ ఏరియా సమీపంలో జరిగిన పేలుడులో కనీసం ఐదుగురు గాయపడ్డారని రెస్క్యూ అధికారులు తెలిపినట్లు డాన్ వార్తాపత్రిక నివేదించింది. ఈ దాడికి తామే బాధ్యులమని తెహ్రీక్-ఏ-తాలిబాన్ పాకిస్థాన్ (టీటీపీ) ప్రకటించింది. డాన్ నివేదిక ప్రకారం.. భద్రతా సిబ్బందిని లక్ష్యంగా చేసుకుని దాడి చేసినట్లు టిటిపి తెలిపింది.

ఘటనా స్థలంలో రెస్క్యూ ఆపరేషన్‌కు నాయకత్వం వహిస్తున్న ఈధి కార్యకర్త జీషన్ అహ్మద్ మాట్లాడుతూ, వార్తా నివేదికల ప్రకారం గాయపడిన వారిని క్వెట్టాలోని సివిల్ ఆసుపత్రికి తరలించినట్లు తెలిపారు. దాడి జరిగిన ప్రదేశానికి పోలీసులు, అత్యవసర బృందాలు చేరుకున్నాయని, ఆ ప్రాంతాన్ని చుట్టుముట్టినట్లు అహ్మద్ తెలిపారు.