Emergency Door: విమానం ఆకాశంలో ఉండగా ఎమర్జెన్సీ డోర్ తెరిచిన ప్రయాణికుడు.. సిబ్బందిపై దాడి
యునైటెడ్ ఎయిర్‌లైన్స్ విమానం గాలిలో ఉండగానే ఎమర్జెన్సీ డోర్ (Emergency Door)ను తెరవడానికి ప్రయత్నించి, ఆపై ఫ్లైట్ అటెండెంట్‌ను గొంతుపై పొడిచిన ఓ ప్రయాణికుడిని అమెరికా పోలీసులు అరెస్టు చేశారు.
యునైటెడ్ ఎయిర్‌లైన్స్ విమానం గాలిలో ఉండగానే ఎమర్జెన్సీ డోర్ (Emergency Door)ను తెరవడానికి ప్రయత్నించి, ఆపై ఫ్లైట్ అటెండెంట్‌ను గొంతుపై పొడిచిన ఓ ప్రయాణికుడిని అమెరికా పోలీసులు అరెస్టు చేశారు. మసాచుసెట్స్‌లోని లియోమిన్‌స్టర్‌కు చెందిన 33 ఏళ్ల వ్యక్తిని అరెస్టు చేశారు. లాస్ ఏంజిల్స్ నుండి బోస్టన్ వెళ్లే యునైటెడ్ ఎయిర్‌లైన్స్ విమానంలో ఎమర్జెన్సీ ఎగ్జిట్ డోర్ తెరవడానికి ప్రయత్నించి, ఫ్లైట్ అటెండెంట్ మెడపై కత్తితో పొడిచినట్లు ఆ వ్యక్తిపై అభియోగాలు మోపారు. ఈ సమాచారాన్ని US డిపార్ట్‌మెంట్ ఆఫ్ జస్టిస్ అందించింది.
నిందితుడిని ఫ్రాన్సిస్కో సెవెరో టోరెస్‌గా గుర్తించినట్లు అమెరికా న్యాయ శాఖ తెలిపింది. వివరాల ప్రకారం.. టోరెస్‌ను ఆదివారం సాయంత్రం బోస్టన్ లోగాన్ అంతర్జాతీయ విమానాశ్రయంలో అరెస్టు చేశారు. కోర్టు హాజరు తర్వాత మార్చి 9 విచారణ కోసం కస్టడీలో ఉంచారు.లాస్ ఏంజిల్స్ నుండి బోస్టన్ వెళ్లే యునైటెడ్ ఎయిర్‌లైన్స్ విమానంలో టోరెస్ ఒక ప్రయాణీకుడు. ల్యాండింగ్‌కు దాదాపు 45 నిమిషాల ముందు విమానంలోని ఫస్ట్ క్లాస్, కోచ్ సెక్షన్‌ల మధ్య ఉన్న స్టార్‌బోర్డ్ సైడ్ డోర్ తెరుచుకుంటున్నట్లు కాక్‌పిట్‌లో విమాన సిబ్బందికి అలారం వచ్చింది. తనిఖీ చేసిన తర్వాత డోర్ లాకింగ్ హ్యాండిల్‌ను పూర్తిగా తెరవడానికి ప్రయత్నించడం వల్ల ఎమర్జెన్సీ గేట్ దాదాపు తెరుచుకున్నట్లు విమాన సహాయకురాలు గుర్తించింది.
Also Read: Hardik Pandya: టీమిండియా ఆల్‌రౌండర్ హార్దిక్ పాండ్యా అరుదైన రికార్డు..!
విమాన సహాయకురాలు డోర్, ఎమర్జెన్సీ స్లైడ్‌ను భద్రపరిచిన తర్వాత కెప్టెన్, విమాన సిబ్బందికి విషయాన్ని నివేదించింది. టోరెస్ అనే ప్రయాణికుడు తలుపు దగ్గరే ఉన్నాడని, అతడే తలుపు తెరవడానికి ప్రయత్నించాడని ఆమె తెలిపింది. వెంటనే సహాయకురాలు టోరెస్‌తో ఈ విషయంలో మాట్లాడింది. దీంతో అక్కడ కెమెరాలు ఉన్నాయా ? తానే డోర్ అన్ లాక్ చేశానని ఎలా చెపుతున్నారని అతడు ప్రశ్నించారు. దీంతో టోరెస్ వల్ల విమానానికి ప్రమాదం ఉందని, వీలైనంత తొందరగా ల్యాండ్ చేయాలని ఆమె కెప్టెన్ ను కోరింది. ఈ సమయంలో అతడు ఆమెపై విరిగిన చెంచాతో ఆమె గొంతులోకి పొడిచాడు. ఆ తర్వాత విమానంలో కూర్చున్న ప్రయాణికులు పరిస్థితిని చక్కదిద్దారు. విమానం బోస్టన్‌లో దిగిన తర్వాత టోరెస్‌ని అదుపులోకి తీసుకున్నారు. అయితే ఈ చర్యకు పాల్పడిన నిందితుడికి 5 సంవత్సరాల శిక్ష 2.5 మిలియన్ డాలర్ల జరిమాన పడే అవకాశం ఉందని పోలీసులు పేర్కొన్నారు.
Related News
Tunisia Boat Accident : ట్యునీషియా తీరంలో పడవ బోల్తా, 28 మంది వలసదారులు మృతి, 60 మందికి పైగా గల్లంతు
ట్యునీషియా (Tunisia Boat Accident)తీరంలో భారీ ప్రమాదం జరిగింది. తీరంలో పడవ బోల్తా పడడంతో కనీసం 28 మంది వలసదారులు మరణించారు. 60 మందికి పైగా గల్లంతయ్యారు. ఇటలీ అధికారులను ఉటంకిస్తూ, ఈ వలసదారులు మధ్యధరా సముద్రం దాటి ఇటలీకి వెళ్లేందుకు ప్రయత్నిస్తున్నారని CNN నివేదించింది. 48 గంటల్లో 58 బోట్లు ప్రమాదం: ప్రమాదం గురించి ఇటాలియన్ కోస్ట్ గార్డ్ సమాచారం ఇస్తూ, గత 48 గంటల్లో 58 బోట్ల నుండి 3300 మందిని రక్ష�
