Israel Shooting: ఇజ్రాయెల్‌ రాజధానిలో కాల్పులు.. దుండగుడిని హతమార్చిన పోలీసులు

ఇజ్రాయెల్ (Israel) రాజధాని టెల్ అవీవ్‌లో గురువారం ఒక దుండగుడు బీభత్సం చేశాడు. ఇష్టానుసారంగా కాల్పులు (Shooting) జరిపి ముగ్గురు వ్యక్తులను గాయపరిచాడు. ఇజ్రాయెల్‌లోని టెల్ అవీవ్ నగరంలో గురువారం ఓ దుండగుడు కాల్పులు జరిపాడు. ఉగ్రవాదుల దాడిలో ముగ్గురు వ్యక్తులు గాయపడ్డారు. అదే సమయంలో కాల్పులు జరిగిన వెంటనే ఇజ్రాయెల్ పోలీసులు దాడి చేసిన వ్యక్తిని హతమార్చారు. నగరం నడిబొడ్డున ప్రధాన రహదారిపై దాడి జరిగినట్లు అధికారులు తెలిపారు.

Also Read: Hamburg Shooting: జర్మనీలో కాల్పులు కలకలం.. ఏడుగురు మృతి

అనంతరం పెద్ద సంఖ్యలో పోలీసులు, వైద్య సిబ్బంది సంఘటనా స్థలానికి చేరుకున్నారు. దాడి తర్వాత పోలీసు అధికారులు నిందితుడిని హతమార్చినట్లు ఇజ్రాయెల్ పోలీసులు ఒక ప్రకటనలో తెలిపారు. ఈ కాల్పుల్లో ముగ్గురికి గాయాలు కాగా, వారిలో ఒకరి పరిస్థితి విషమంగా ఉంది. ఇది ఉగ్రదాడి అని ప్రాథమిక విచారణలో తేలిందని పోలీసులు తెలిపారు. ఆక్రమిత వెస్ట్ బ్యాంక్‌లో ఇజ్రాయెల్ సైనిక దాడిలో ముగ్గురు పాలస్తీనియన్లు మరణించిన కొన్ని గంటల తర్వాత ఈ కాల్పులు జరిగాయి.