Muslim Population: 2070 నాటికి అతిపెద్ద మతంగా ఇస్లాం.. నివేదిక ప్రకారం షాకింగ్ విషయాలు?
నివేదిక ప్రకారం 2010లో ప్రపంచంలోని హిందువులలో 94% భారతదేశంలో ఉన్నారు. ఈ సంఖ్య 2050 నాటికి 1.3 బిలియన్లకు పెరుగుతుందని అంచనా వేయబడింది.
- Author : Gopichand
Date : 25-03-2025 - 11:40 IST
Published By : Hashtagu Telugu Desk
Muslim Population: భారతదేశంతో సహా ప్రపంచవ్యాప్తంగా ముస్లింల జనాభా (Muslim Population) పెరుగుతుంది. ఈ విషయం రాజకీయ, రాజకీయేతర వ్యక్తులకు చర్చనీయాంశంగా ఉంది. దీనిపై భారత్లో పలుమార్లు ప్రశ్నలు తలెత్తుతున్నాయి. 2050 నాటికి అంటే వచ్చే 25 ఏళ్లలో ప్రపంచంలోనే అత్యధిక ముస్లిం జనాభా కలిగిన దేశంగా భారత్ అవతరించనుందని ఒక కొత్త మీడియా పరిశోధన పేర్కొంది. 2050 నాటి పాకిస్థాన్, సౌదీ అరేబియా, ఇండోనేషియా వంటి ముస్లిం దేశాలు జనాభా పరంగా వెనుకబడిపోతాయని నివేదిక సూచిస్తుంది.
ప్యూ రీసెర్చ్ సెంటర్ నివేదిక ప్రకారం.. భారతదేశంలో ముస్లింల జనాభా మాత్రమే కాకుండా హిందువుల జనాభా కూడా వేగంగా పెరుగుతోంది. 2050 నాటికి ప్రపంచంలో హిందువులు, ముస్లింల జనాభా అత్యధికంగా ఉండే దేశంగా భారత్ అవతరిస్తుంది. అయితే హిందువుల జనాభా పరంగా భారతదేశం ఇప్పటికీ ప్రపంచంలోనే అతిపెద్ద దేశంగా ఉంది. అయితే ఈ పెరుగుదల వచ్చే 25 ఏళ్లపాటు కొనసాగుతుంది.
Also Read: MLAs Defection Case : నేడు ఫిరాయింపులపై సుప్రీంకోర్టులో విచారణ..!
నివేదిక ప్రకారం 2010లో ప్రపంచంలోని హిందువులలో 94% భారతదేశంలో ఉన్నారు. ఈ సంఖ్య 2050 నాటికి 1.3 బిలియన్లకు పెరుగుతుందని అంచనా వేయబడింది. మరోవైపు భారతదేశంలో ముస్లిం జనాభా కూడా 311 మిలియన్లకు పెరిగే అవకాశం ఉంది. ఇది ప్రపంచ ముస్లిం జనాభాలో దాదాపు 11% ఉంటుంది. ఈ వృద్ధి కారణంగా ప్రస్తుతం ప్రపంచంలోనే అతిపెద్ద ముస్లింల దేశంగా ఉన్న ఇండోనేషియాను భారతదేశం వెనక్కినెట్టనుందని నివేదిక సూచిస్తుంది.
2070 నాటికి ఇస్లాం అతిపెద్ద మతంగా అవతరిస్తుంది
ముస్లిం జనాభా వేగంగా పెరగడానికి కారణం సంతానోత్పత్తి రేటు, యువత జనాభా అని నివేదిక పేర్కొంది. ప్రస్తుతం ఇస్లాం ప్రపంచంలో రెండవ అతిపెద్ద మతం. ప్రపంచ జనాభాలో ముస్లింలు దాదాపు 25% ఉన్నారు. మొత్తం సుమారు 1.9 బిలియన్ల మంది ఉన్నారు. కానీ 2070 నాటికి ముస్లింల జనాభా క్రైస్తవుల జనాభాను అధిగమించవచ్చు. ముస్లిం మతం ప్రపంచంలోనే అతిపెద్ద మతంగా మారగలదని నివేదిక సూచిస్తుంది.
భారతదేశంలో ప్రస్తుత ముస్లిం జనాభా ఎంత?
2011 జనాభా లెక్కల ప్రకారం.. భారతదేశ జనాభా 121 కోట్ల కంటే ఎక్కువ. వీరిలో 96.63 కోట్ల మంది హిందువులు, 17.22 కోట్ల మంది ముస్లింలు ఉన్నారు. భారతదేశంలో మొత్తం జనాభాలో 79.8% హిందువులు, 14.2% ముస్లింలు ఉన్నారు. కానీ ప్రస్తుతం భారతదేశంలో ముస్లింల సంఖ్య 200 మిలియన్లకు పైగా అంటే 20 కోట్లకు పెరిగిందని చెబుతున్నారు.
Follow us
