ఇజ్రాయెల్ ప్రధానికి క్యాన్స‌ర్‌.. నిజ‌మేనా?!

Benjamin Netanyahu

Benjamin Netanyahu: ఇజ్రాయెల్ ప్రధాన మంత్రి బెన్యామిన్ నెతన్యాహు ఆరోగ్యానికి సంబంధించి సోషల్ మీడియాలో రకరకాల పుకార్లు షికారు చేస్తున్నాయి. ముఖ్యంగా ఆయన ప్రోస్టేట్ క్యాన్సర్‌తో బాధపడుతున్నారని వార్తలు వచ్చాయి. ఏప్రిల్ 2024లో నెతన్యాహుకు ‘రైట్ ఇంగ్యుినల్ హెర్నియా’ సర్జరీ జరిగింది. ఆ తర్వాత ఆయనకు మూత్ర సంబంధిత సమస్యలు తలెత్తినట్లు సమాచారం. ఈ సర్జరీకి ముందు చేసిన ఫుల్ బాడీ సీటీ స్కాన్‌లో ప్రోస్టేట్ గ్రంథి వాపు మరియు చిన్న మూత్రాశయ రాళ్లు ఉన్నట్లు తేలింది. దీనిపై తాజాగా ప్రధాని కార్యాలయం అధికారిక వివరణ ఇచ్చింది.

నెతన్యాహుకు నిజంగానే క్యాన్సర్ ఉందా?

ప్రధాన మంత్రి కార్యాలయం ఆయన మెడికల్ రిపోర్ట్లను విడుదల చేస్తూ నెతన్యాహుకు ప్రోస్టేట్ క్యాన్సర్ లేదని స్పష్టం చేసింది.

అసలు సమస్య: సర్జరీ తర్వాత ఆయనకు యూరినరీ ట్రాక్ట్ ఇన్ఫెక్షన్ సోకిందని రిపోర్ట్ పేర్కొంది.

వైద్యుల ధృవీకరణ: ఈ మెడికల్ డాక్యుమెంట్‌పై నెతన్యాహు వ్యక్తిగత వైద్యుడు, ఇంటర్నేషనల్ మెడిసిన్ అండ్ హైపర్ టెన్షన్ స్పెషలిస్ట్, యూరాలజిస్ట్ సంతకం చేశారు.

Also Read: Gold Silver Rate Today: బంగారం, వెండి ధరల్లో మళ్లీ పరుగు.. వెండి ఏకంగా రూ. 8,000 పైకి!

ప్రోస్టేట్ క్యాన్సర్ అంటే ఏమిటి?

ప్రోస్టేట్ గ్రంథి వాపు, ప్రోస్టేట్ క్యాన్సర్ రెండూ వేర్వేరు సమస్యలు.

ప్రోస్టేట్ గ్రంథి: ఇది పురుషులలో మూత్రాశయం కింద ఉంటుంది.

క్యాన్సర్: ఈ గ్రంథిలో అసాధారణ కణాలు పెరగడాన్ని ప్రోస్టేట్ క్యాన్సర్ అంటారు. పురుషులలో వచ్చే అత్యంత సాధారణ క్యాన్సర్లలో ఇది ఒకటి. దీనిని ముందుగా గుర్తిస్తే చికిత్స సులభం అవుతుంది.

ప్రోస్టేట్ క్యాన్సర్ లక్షణాలు ఎలా ఉంటాయి?

ప్రోస్టేట్ క్యాన్సర్ సోకినప్పుడు సాధారణంగా కనిపించే లక్షణాలు ఇవే.

• మూత్రంలో రక్తం పడటం.
• మూత్రం చుక్కలు చుక్కలుగా రావడం.
• తరచుగా మూత్ర విసర్జన చేయాలని అనిపించడం.
• క్యాన్సర్ తీవ్రత పెరిగితే మూత్రం లీకేజ్ సమస్య తలెత్తడం.
• నడుము, ఎముకలలో నిరంతరం నొప్పి ఉండటం.
• ప్రయత్నించకుండానే బరువు తగ్గిపోవడం.
• ఎప్పుడూ అలసటగా అనిపించడం.
• చేతులు, కాళ్లలో బలహీనత రావడం.

Follow us