Gold Silver Rate Today: బంగారం, వెండి ధరల్లో మళ్లీ పరుగు.. వెండి ఏకంగా రూ. 8,000 పైకి!

Gold Silver Rate Today

Gold Silver Rate Today: బంగారం, వెండి ధరల తగ్గుదలకు బ్రేక్ పడింది. కొద్దిరోజుల విరామం తర్వాత ఈ ధరలు మళ్లీ రికార్డు స్థాయిలో పరుగులు తీస్తున్నాయి. MCX (మల్టీ కమోడిటీ ఎక్స్ఛేంజ్) మార్కెట్ ప్రారంభం నుండే ధరల్లో పెరుగుదల కనిపించగా మధ్యాహ్నం తర్వాత అది భారీ ఉధృతికి దారితీసింది. మధ్యాహ్నం 3:55 గంటల సమయంలో వెండి ధర ఏకంగా రూ. 8,416 పెరిగి రూ. 2,37,199 స్థాయికి చేరుకుంది.

మరోవైపు బంగారం ధర కూడా పుంజుకుంది. ఒక దశలో బంగారం ధర 10 గ్రాములకు రూ. 1.53 లక్షల మార్కును తాకింది. ప్రస్తుతం వెండితో పోలిస్తే బంగారం వేగం కొంత తక్కువగా ఉన్నప్పటికీ ఇది రూ. 1.52 లక్షల నుండి రూ. 1.53 లక్షల మధ్య ట్రేడ్ అవుతోంది. ప్రస్తుతం బంగారం ధర రూ. 1,467 పెరిగి, రూ. 1,52,885 (10 గ్రాములు) వద్ద కొనసాగుతోంది.

Also Read: ఐసీసీ టీ20 ర్యాంకింగ్స్‌.. టాప్‌- 10లోకి ఇషాన్ కిష‌న్‌!

ధరలు అకస్మాత్తుగా పెరగడానికి 3 ప్రధాన కారణాలు

షార్ట్ కవరింగ్: గత రెండు రోజులుగా ధరలు భారీగా తగ్గడంతో ట్రేడర్లు తమ ‘షార్ట్ పొజిషన్ల’ను క్లోజ్ చేశారు. దీనివల్ల మార్కెట్‌లో కొనుగోళ్ల జోరు పెరిగింది.

అంతర్జాతీయ సంకేతాలు: అమెరికా, ఇరాన్ మధ్య జరుగుతున్న చర్చల సంకేతాలు, డాలర్ ఇండెక్స్‌లో అస్థిరత కారణంగా.. సురక్షిత పెట్టుబడిగా బంగారం వైపు ఇన్వెస్టర్లు మళ్లీ మొగ్గు చూపుతున్నారు.

ఆసియా మార్కెట్ల ప్రభావం: చైనీస్ కొత్త సంవత్సరం సెలవుల కారణంగా మార్కెట్‌లో లిక్విడిటీ తక్కువగా ఉంది. దీనివల్ల చిన్న మార్పులు కూడా ధరల్లో పెద్ద హెచ్చుతగ్గులకు కారణమవుతున్నాయి.

కొనుగోలుదారులు- ఇన్వెస్టర్లకు సూచన

ప్రస్తుతం మార్కెట్ తీవ్రమైన హెచ్చుతగ్గులకు లోనవుతోంది. నిపుణుల అభిప్రాయం ప్రకారం

దీర్ఘకాలిక ఇన్వెస్టర్లు: ధరలు తగ్గినప్పుడు కొనుగోలు చేయడం మంచిది.

ఇంట్రాడే ట్రేడర్లు: ధరలు ఏ క్షణమైనా ఏ దిశలోనైనా వేగంగా మారే అవకాశం ఉన్నందున చాలా జాగ్రత్తగా ఉండాలి.

Follow us