China Defence Minister: చైనా నూతన రక్షణ మంత్రిగా డాంగ్‌ జున్‌.. షాంగ్‌ఫు ఏమయ్యారు..?

China Defence Minister: చైనా రక్షణ మంత్రి (China Defence Minister) లీ షాంగ్‌ఫు అదృశ్యమైనప్పటి నుంచి ఆయన ఆచూకీ లభించలేదు. లీ షాంగ్‌ఫు అదృశ్యమయ్యారా..? లేదా అదృశ్యం చేశారా అనేది కూడా అతిపెద్ద రహస్యం. చైనా రక్షణ మంత్రి లీ షాంగ్‌ఫు సజీవంగా ఉన్నాడా లేదా అనేదానికి కూడా ఎలాంటి ఆధారాలు లభించలేదు. ఆగస్టు 2023 నుంచి చైనా రక్షణ మంత్రి ఎక్కడా కనిపించలేదు. కాగా, చైనా అధ్యక్షుడు జీ జిన్‌పింగ్ తన కొత్త రక్షణ మంత్రిగా డాంగ్ జున్‌ను ఎన్నుకున్నారు. దీంతో ప్రపంచం మొత్తం ఆశ్చర్యం వ్యక్తం చేసింది.

చైనా శుక్రవారం నేవీ కమాండర్ జనరల్ డాంగ్ జున్‌ను తన కొత్త రక్షణ మంత్రిగా నియమించింది. రెండు నెలల క్రితం ఎటువంటి వివరణ లేకుండా జనరల్ లీ షాంగ్‌ఫును తొలగించారు. చైనా అత్యున్నత శాసనసభ, నేషనల్ పీపుల్స్ కాంగ్రెస్ (NPC).. అక్టోబర్‌లో లీ తొలగింపును ధృవీకరించింది. పీపుల్స్ లిబరేషన్ ఆర్మీ నేవీ (PLAN) కమాండర్ డాంగ్‌ను రక్షణ మంత్రిగా NPC స్టాండింగ్ కమిటీ నియమించినట్లు అక్కడి అధికారిక మీడియా నివేదించింది. మీడియా ప్రకారం.. డాంగ్ అన్ని ప్రధాన నౌకాదళ విభాగాలలో పనిచేశాడు. అయితే, అతని వయస్సు గురించి సమాచారం ఇవ్వలేదు.

Also Read: Lakhbir Singh Landa: లఖ్బీర్ ను ఉగ్రవాదిగా ప్రకటించిన భారత్.. ఎవరీ లఖ్బీర్ సింగ్ లాండా..?

డాంగ్ జున్ ఎవరు..?

హాంకాంగ్ నుండి ప్రచురించబడిన ‘సౌత్ చైనా మార్నింగ్ పోస్ట్’ వార్తల ప్రకారం.. 2021లో నావికాదళం టాప్ కమాండర్ కావడానికి ముందు, డాంగ్ రష్యన్ నేవీతో సాధారణ విన్యాసాలు నిర్వహించే నార్తర్న్ మారిటైమ్ ఫ్లీట్‌లో పనిచేశాడు. అతను జపాన్‌తో సంభావ్య సంఘర్షణలపై దృష్టి సారించిన తూర్పు నౌకాదళంలో కూడా పనిచేశాడు. డాంగ్ దక్షిణ చైనా సముద్రం భద్రతకు బాధ్యత వహించే సదరన్ కమాండ్ లో కూడా పనిచేశాడు. అత్యున్నత రక్షణ పదవులకు నియామకాలను చైనా అధ్యక్షుడు జి జిన్‌పింగ్ ఆమోదించారు.

We’re now on WhatsApp. Click to Join.

పాలక కమ్యూనిస్ట్ పార్టీ ఆఫ్ చైనా (CPC) ప్రధాన కార్యదర్శిగా ఉండటమే కాకుండా సెంట్రల్ మిలిటరీ కమిషన్ (CMC)కి కూడా అధిపతిగా ఉన్నారు. లీ కంటే ముందు విదేశాంగ మంత్రి చిన్ కాంగ్‌ను కూడా ఎటువంటి కారణం లేకుండా అతని పదవి నుండి తొలగించారు. కాంగ్ స్థానంలో విదేశాంగ మంత్రిగా వాంగ్ యి నియమితులయ్యారు. వాంగ్ ఈ సంవత్సరం ప్రారంభంలో చిన్ స్థానంలో ఉన్నాడు. లీ, చిన్‌ల ఆచూకీ తెలియలేదు. లీ ఆగస్ట్ చివరి నుండి బహిరంగంగా కనిపించలేదు. అతనిని తొలగించడానికి ఎటువంటి కారణం కూడా చెప్పలేదు.