Uttar Pradesh: జేపీ నడ్డా పేరుతో ఎమ్మెల్యే నుంచి రూ.1.25 లక్షల డిమాండ్, నిందితుడు అరెస్ట్

Uttar Pradesh: బీజేపీ జాతీయ అధ్యక్షుడు జేపీ నడ్డా పేరుతో బీజేపీ ఎమ్మెల్యే డాక్టర్ యోగేశ్ పాండాగ్రేను మోసం చేసేందుకు ప్రయత్నించిన వ్యక్తిని బుధవారం పోలీసులు అరెస్ట్ చేశారు. యూపీలోని కాన్పూర్‌కు చెందిన నిందితుడిని పోలీసులు అరెస్ట్ చేసి మధ్యప్రదేశ్‌లోని బేతుల్‌కు తరలించారు.

నీరజ్ సింగ్ అనే వ్యక్తి తనకు మూడు-నాలుగు రోజులుగా నిరంతరం ఫోన్ చేస్తున్నాడని ఎమ్మెల్యే డాక్టర్ యోగేష్ పాండాగ్రే ఆగస్టు 4న ఫిర్యాదు చేశారని గంజ్ పోలీస్ స్టేషన్ ఇన్‌ఛార్జ్ రవికాంత్ దహేరియా తెలిపారు. ఫోన్ చేసిన వ్యక్తి తాను బీజేపీ జాతీయ అధ్యక్షుడు జేపీ నడ్డా ఢిల్లీ కార్యాలయం నుంచి మాట్లాడుతున్నానని చెప్పారు. జాతీయ అధ్యక్షుడి కార్యక్రమాన్ని నిర్వహించేందుకు సదరు వ్యక్తి రూ.1.25 లక్షలు డిమాండ్ చేశాడు. క్యూఆర్ కోడ్ పంపి ఆన్‌లైన్‌లో నగదు బదిలీ చేయమని ఆ వ్యక్తి తనపై ఒత్తిడి తెస్తున్నాడని చెప్పాడు. కాగా ఎమ్మెల్యే యోగేష్ పండాగ్రే ఫిర్యాదు మేరకు పోలీసులు కేసు దర్యాప్తు ప్రారంభించారు. సైబర్ సెల్ సహాయం తీసుకున్న తర్వాత నిందితుడు కాన్పూర్ (యూపీ) వాసి అని పోలీసులు గుర్తించారు. అనంతరం నిందితుడిని పట్టుకునేందుకు పోలీసు బృందాన్ని కాన్పూర్‌కు పంపారు.

కాన్పూర్ లో నిందితుడు నీరజ్ సింగ్‌ను అదుపులోకి తీసుకుని గంజ్ పోలీస్ స్టేషన్‌కు తీసుకువచ్చారు. పోలీసుల విచారణలో ఎమ్మెల్యేకు ఫేక్ కాల్ చేసి డబ్బులు అడిగానని నిందితుడు అంగీకరించాడు. నిందితుడి వద్ద నుంచి మొబైల్‌ను స్వాధీనం చేసుకున్నారు. కాగా యూపీలో సైబర్ మోసాల సంఘటనలు నిరంతరం పెరుగుతూనే ఉన్నాయి. చాలా చోట్ల డిజిటల్ అరెస్ట్ ఘటనలు వెలుగు చూస్తున్నాయి. ఇటీవల, భోపాల్‌తో పాటు, గ్వాలియర్‌తో సహా ఇతర ప్రాంతాల్లో కూడా డిజిటల్ అరెస్ట్ ద్వారా మోసం చేసిన కేసులు వెలుగులోకి వచ్చాయి. ఇలాంటి మోసాలు జరగకుండా పోలీసులు సామాన్యులకు అవగాహన కల్పిస్తున్నారు. అంతే కాకుండా సోషల్ మీడియా ప్లాట్‌ఫామ్‌లలో ఫేక్ ఐడీలు సృష్టించి మోసం చేసేందుకు కూడా ప్రయత్నాలు జరుగుతున్నాయి.

Also Read: IND vs SL: టీమిండియాకు ఊహించ‌ని బిగ్ షాక్‌.. 27 ఏళ్ల త‌ర్వాత లంక‌పై ఓట‌మి..!