IND vs SL: టీమిండియాకు ఊహించ‌ని బిగ్ షాక్‌.. 27 ఏళ్ల త‌ర్వాత లంక‌పై ఓట‌మి..!

PCB Writes Letter To BCCI

IND vs SL: మూడు వన్డేల సిరీస్‌లో శ్రీలంక 2-0తో భారత్‌ (IND vs SL)ను ఓడించింది. సిరీస్‌లోని చివరి మ్యాచ్‌లో భారత్‌ను 110 పరుగుల తేడాతో ఓడించింది. రెండో మ్యాచ్‌లోనూ భారత్‌పై శ్రీలంక విజయం సాధించింది. కాగా తొలి వన్డే టై అయింది. బుధవారం కొలంబోలో తొలుత బ్యాటింగ్ చేసిన శ్రీలంక 248 పరుగులు చేసింది. దీనికి సమాధానంగా టీమిండియా 138 పరుగుల‌కే కుప్ప‌కూలింది. ఈ విజయంతో శ్రీలంక చ‌రిత్ర సృష్టించింది. 27 ఏళ్ల తర్వాత ద్వైపాక్షిక వన్డే సిరీస్‌లో భారత్‌ను ఓడించింది.

టీమ్ ఇండియా బ్యాటింగ్ విఫ‌లం

శ్రీలంకతో జరిగిన చివ‌రి మూడో వ‌న్డేలో భారత బ్యాట్స్‌మెన్‌లు రాణించ‌లేక‌పోయారు. రోహిత్ శర్మ జట్టుకు శుభారంభం ఇచ్చే ప్రయత్నం చేశాడు. 20 బంతుల్లో 35 పరుగులు చేశాడు. ఈ సమయంలో రోహిత్‌ 6 ఫోర్లు, 1 సిక్స్ కొట్టాడు. 6 పరుగుల వద్ద శుభ్‌మన్ గిల్ ఔటయ్యాడు. 20 పరుగుల వద్ద విరాట్ కోహ్లీ పెవిలియన్‌కు చేరుకున్నాడు. 18 బంతులు ఎదుర్కొని 4 ఫోర్లు బాదాడు. కేవలం 6 పరుగులకే రిషబ్ పంత్ ఔటయ్యాడు. 8 పరుగుల వద్ద శ్రేయాస్ అయ్యర్ పెవిలియన్‌కు చేరుకున్నాడు. అక్షర్ పటేల్ 2 పరుగుల వద్ద, రియాన్ పరాగ్ 15 పరుగుల వద్ద ఔటయ్యారు.

Also Read: Bigg Boss Season 8 : బిగ్ బాస్ 8 హోస్ట్ విషయంలో మైండ్ బ్లాక్ ట్విస్ట్.. మార్పు మంచిదేనా..?

శ్రీలంక తరపున ఫెర్నాండో బలమైన ప్రదర్శన

తొలుత బ్యాటింగ్ చేసిన శ్రీలంక నిర్ణీత 50 ఓవర్లలో 7 వికెట్ల నష్టానికి 248 పరుగులు చేసింది. ఈ సమయంలో అవిష్క ఫెర్నాండో అద్భుతంగా బ్యాటింగ్ చేశాడు. 102 బంతులు ఎదుర్కొని 96 పరుగులు చేశాడు. ఫెర్నాండో 9 ఫోర్లు, 2 సిక్సర్లు బాదాడు. పాతుమ్ నిస్సాంక 45 పరుగులతో ఇన్నింగ్స్ ఆడాడు. 5 ఫోర్లు, 2 సిక్సర్లు కొట్టాడు. కుశాల్ మెండిస్ 59 పరుగులతో ఇన్నింగ్స్ ఆడాడు. అతను 4 ఫోర్లు కొట్టాడు. చివర్లో కమిందు మెండిస్ 23 పరుగులు చేసి నాటౌట్‌గా నిలిచాడు. సమరవిక్రమ సున్నాకు ఔటయ్యాడు.

We’re now on WhatsApp. Click to Join.

భారత్ తరఫున రియాన్ పరాగ్ 3 వికెట్లు పడగొట్టాడు

భారత్ తరఫున అత్యధిక వికెట్లు తీసిన ఆటగాడు రియాన్. 9 ఓవర్లలో 54 పరుగులు ఇచ్చి 3 వికెట్లు పడగొట్టాడు. కుల్దీప్ యాదవ్ 10 ఓవర్లలో 36 పరుగులిచ్చి 1 వికెట్ తీశాడు. వాషింగ్టన్ సుందర్, మహ్మద్ సిరాజ్ చెరో వికెట్ తీశారు. అక్షర్ పటేల్ కూడా ఒక వికెట్ తీశాడు.

Follow us