Casting Multiple Votes: బీజేపీ అభ్యర్థికి 8 సార్లు ఓటు వేసిన వీడియో వైరల్

Casting Multiple Votes

Casting Multiple Votes: ప్రస్తుతం జరుగుతున్న లోకసభ ఎన్నికల్లో బీజేపీ అభ్యర్థికి అనుకూలంగా ఒకే వ్యక్తి పలు ఓట్లు వేసినట్లు సోషల్ మీడియాలో వీడియో వైరల్ కావడంతో ఉత్తరప్రదేశ్ పోలీసులు యువ ఓటరును అరెస్ట్ చేశారు. కాంగ్రెస్ మరియు సమాజ్‌వాదీ పార్టీతో సహా అనేక మంది ప్రతిపక్ష పార్టీల నాయకులు ఈ వీడియోను ఎక్స్‌లో షేర్ చేసిన తర్వాత నిందితుడు రాజన్ సింగ్‌గా గుర్తించబడ్డాడు .రెండు నిమిషాల నిడివిగల వీడియోలో ఓటరు బీజేపీ అభ్యర్థి ముఖేష్ రాజ్‌పుత్‌కు ఎలక్ట్రానిక్ ఓటింగ్ మెషిన్ (EVM)లో కనీసం 8 సార్లు ఓటు వేయడాన్ని చూడవచ్చు.

భారతీయ శిక్షాస్మృతి (IPC)లోని అనేక సెక్షన్లు మరియు ఐపీసీ సెక్షన్ 171F (ఎన్నికలకు సంబంధించిన నేరం), ఐపీసీ సెక్షన్ 419 (వ్యక్తిగతంగా మోసం చేసినందుకు శిక్ష), సెక్షన్లు 128, 132, మరియు 136 సహా ఇతర సంబంధిత చట్టాల కింద నిందితుడిపై కేసు నమోదు చేశారు. ఎన్నికల సంఘం కూడా ఈ విషయాన్ని గ్రహించి సమర్థవంతమైన చర్యలు తీసుకోవాలని సంబంధిత అధికారులను ఆదేశించింది. VIDEO

సంఘటన జరిగినప్పుడు పోలింగ్ బూత్‌లో ఉన్న అధికారులందరిపై సస్పెండ్ చేసి క్రమశిక్షణా చర్యలను ప్రారంభించాలని పోల్ ప్యానెల్ అధికారులను ఆదేశించింది. అంతకుముందు ఎన్నికల సంఘాన్ని కాంగ్రెస్ ప్రశ్నించింది. “డియర్ ఎలక్షన్ కమీషన్ మీరు దీన్ని చూస్తున్నారా? ఒక వ్యక్తి 8 సార్లు ఓటు వేస్తున్నారు” అని కాంగ్రెస్ ఎక్స్‌లో పేర్కొంది. సమాజ్‌వాదీ పార్టీ అధినేత అఖిలేష్ యాదవ్ కూడా ఈ వీడియోను షేర్ చేస్తూ ఎన్నికల కమిషన్‌ను ఆశ్రయించారు.”ఇది తప్పు అని ఎన్నికల సంఘం భావిస్తే ఖచ్చితంగా ఏదైనా చర్య తీసుకోవాలని సూచించారు అఖిలేష్.

Also Read: Iran Helicopter Crash: ఇరాన్ అధ్యక్షుడి హెలికాప్టర్ ప్రమాదంపై ప్రధాని మోదీ తీవ్ర ఆందోళన

Follow us