Viral Video: ‘ఆటగదరా శివ’.. ఓ యువతి మరణానికి వేదికైన పెళ్లి వేడుక..

Viral Video: మధ్యప్రదేశ్‌లోని విదిషా జిల్లా ఒక విషాద ఘటనకు వేదికైంది. ఓ వివాహ వేడుకలో నృత్యం చేస్తూ ఓ యువతి కుప్పకూలింది. స్టేజ్‌పై డాన్స్ చేస్తుండగా అకస్మాత్తుగా కిందపడిపోయింది. హఠాత్తుగా గుండెపోటు రావడంతో ఆమెను ఆసుపత్రికి తరలించారు, కానీ అప్పటికే ఆమె మృతి చెందినట్టు వైద్యులు ప్రకటించారు. ఈ సంఘటనకు సంబంధించిన వీడియో సోషల్ మీడియాలో వైరల్‌గా మారింది.

ఇందోర్‌కు చెందిన పరినితా జైన్ అనే యువతి తన బంధువుల వివాహానికి హాజరయ్యేందుకు విదిషాకు వచ్చింది. వివాహానికి సంబంధించి జరుగుతున్న ‘హల్దీ’ వేడుకలో ఆమె పాల్గొంది. శనివారం రాత్రి పెద్ద ఎత్తున ఏర్పాటైన ఈ వేడుకలో సుమారు 200 మంది అతిథులు హాజరయ్యారు. వేడుక ఉత్సాహంగా కొనసాగుతుండగా, పరినితా స్టేజ్‌పైకి వెళ్లి బాలీవుడ్ పాట ‘లెహ్రా కె బల్ఖా కె’ కు నృత్యం ప్రారంభించింది.

JELLY : మీ పిల్లలు ‘జెల్లీ’ని ఇష్టాంగా తింటున్నారా..? అయితే ప్రమాదంలో పడినట్లే.!!

అయితే, కొద్ది క్షణాల్లోనే ఊహించని ఘటన చోటుచేసుకుంది. ఆమె ఆనందంగా డాన్స్ చేస్తుండగానే అకస్మాత్తుగా వెనక్కి వాలిపోయింది. ఈ దృశ్యం చూసిన అతిథులంతా ఒక్కసారిగా షాక్‌కు గురయ్యారు. మొదట అందరూ ఆమె అస్వస్థతకు గురైనట్టు భావించారు. వెంటనే కొందరు దగ్గరకు వెళ్లి ఆమెను లేపడానికి ప్రయత్నించారు. CPR కూడా ఇచ్చారు, కానీ ఆమె ఎలాంటి స్పందన ఇవ్వలేదు.

ఘటన జరిగిన వెంటనే కుటుంబసభ్యులు, అక్కడున్న అతిథులు ఆమెను దగ్గరలోని ప్రైవేట్ ఆసుపత్రికి తీసుకెళ్లారు. అయితే, అప్పటికే ఆలస్యమైపోయింది. వైద్యులు ఆమెను పరీక్షించి, గుండెపోటుతో ప్రాణాలు కోల్పోయినట్లు ధృవీకరించారు. ఈ విషయం తెలిసిన కుటుంబ సభ్యులు కన్నీరుమున్నీరుగా విలపించారు. వివాహ వేడుకలో ఆనందం క్షణాల్లోనే విషాదంలో మారిపోయింది.

కుటుంబంలో రెండోసారి గుండెపోటు కారణంగా మృతి
పరినితా ఒక ఎంబీఏ గ్రాడ్యుయేట్, ఇండోర్‌లోని దక్షిణ టుకోగంజ్ ప్రాంతంలో తన తల్లిదండ్రులతో కలిసి నివసించేది. ఈ ఘటన మరింత విషాదకరంగా మారిన ప్రధాన కారణం – ఇప్పటికే ఆమె తమ్ముడు కూడా గుండెపోటుతో మరణించాడన్న విషయం. సమాచారం ప్రకారం, పరినితా తమ్ముడు 12 ఏళ్ల వయసులోనే గుండె సంబంధిత సమస్యల కారణంగా మరణించాడు. ఇప్పుడు పరినితా కూడా అదే కారణంతో చనిపోవడం ఆమె తల్లిదండ్రులను తీవ్ర దుఃఖంలోకి నెట్టింది.

ఈ విషాదకర ఘటనకు సంబంధించిన వీడియో సోషల్ మీడియాలో వైరల్‌గా మారింది. పరినితా స్టేజ్‌పై డాన్స్ చేస్తూ ఒక్కసారిగా కుప్పకూలిన దృశ్యాలు చూసిన నెటిజన్లు తీవ్ర షాక్‌కు గురయ్యారు. ఎంతో ఉల్లాసంగా ఉండే వివాహ వేడుకలో ఇంతటి విషాదం చోటుచేసుకోవడం అందర్నీ కలచివేసింది.

యువతలో పెరుగుతున్న గుండె సంబంధిత సమస్యలు – నిపుణుల హెచ్చరిక
ఇటీవల కాలంలో యువతలో గుండెపోటు కారణంగా మరణించే ఘటనలు పెరుగుతున్నాయి. ప్రత్యేకించి, ఆరోగ్య పరంగా ఎలాంటి ఇబ్బంది లేని యువతలో కూడా హఠాత్తుగా గుండెపోటు రావడం అందరికీ ఆందోళన కలిగించే అంశంగా మారింది. వైద్య నిపుణుల ప్రకారం, నిద్రలేమి, ఒత్తిడి, అధిక పని భారం, అసమతుల్య ఆహారం, కొవ్వు అధికంగా ఉండే పదార్థాల వినియోగం, ప్రాణాయామం లేకపోవడం, సరైన వ్యాయామం చేయకపోవడం వంటి అంశాలు యువతలో గుండె సంబంధిత సమస్యలకు దారితీస్తున్నాయి. నిపుణులు సూచించినట్లుగా, యువత ప్రతినిత్యం ఆరోగ్య పరీక్షలు చేయించుకోవడం, ఆరోగ్యకరమైన జీవనశైలిని పాటించడం అత్యవసరం. ఈ ఘటన మరోసారి ఆరోగ్యంపై అప్రమత్తంగా ఉండాల్సిన అవసరాన్ని నొక్కిచెప్పింది.

Delhi Politics : బీజేపీ డబుల్ ఇంజిన్.. ట్రిపుల్ ఇంజిన్‌కు కీ ఇచ్చింది.. ఎంసీడీ కూడా బీజేపీ ఖాతాలోనే..!