KCR Birthday : కేసీఆర్‌కు బర్త్ డే విషెస్‌ చెప్పిన తెలంగాణ సీఎం రేవంత్ రెడ్డి

Cm Revanth Reddy, Kcr

KCR Birthday : బీఆర్ఎస్ చీఫ్, తెలంగాణ మాజీ సీఎం కల్వకుంట్ల చంద్రశేఖర రావు (కేసీఆర్) కు తెలంగాణ రాష్ట్ర ముఖ్యమంత్రి రేవంత్ రెడ్డి పుట్టిన రోజు శుభాకాంక్షలు తెలిపారు. “గజ్వేల్ నియోజకవర్గ శాసనసభ్యులు, మాజీ ముఖ్యమంత్రి శ్రీ కల్వకుంట్ల చంద్రశేఖర రావు గారి జన్మదినం సందర్భంగా ముఖ్యమంత్రి శ్రీ ఎ. రేవంత్ రెడ్డి గారు వారికి హార్దిక శుభాకాంక్షలు తెలియజేశారు. ఆయన నిత్యం ప్రజాసేవలో నిమగ్నమవుతూ, రాష్ట్రాభివృద్ధికి పాటుపడటంలో భగవంతుడు వారికి సంపూర్ణ ఆయురారోగ్యాలు ప్రసాదించాలని ఆకాంక్షించారు” అని తెలంగాణ సీఎంవో నుండి ట్వీట్ చేయబడింది. అయితే, ఈ ట్వీట్ సీఎం రేవంత్ రెడ్డి స్వయంగా చేయలేదు, కానీ తెలంగాణ ముఖ్యమంత్రి కార్యాలయం నుండి విడుదలైంది.

మరోవైపు, తెలంగాణ మంత్రి పొన్నం ప్రభాకర్ కూడా కేసీఆర్ కు పుట్టిన రోజు శుభాకాంక్షలు తెలిపారు. “గజ్వేల్ శాసనసభ్యులు గౌరవనీయులైన శ్రీ కల్వకుంట్ల చంద్రశేఖర రావు గారికి జన్మదిన శుభాకాంక్షలు. మీరు ఆరోగ్యంగా, సుఖశాంతులతో, దీర్ఘాయుష్షుతో ఉండాలని కోరుకుంటున్నాను!” అని ఆయన ట్వీట్ చేశారు.

 Body Pain Relief: వేసవిలో ఈ నొప్పులు ఇబ్బంది పెడుతున్నాయా.. అయితే ఈ చిట్కాలు పాటించాల్సిందే!

ఇక, తెలంగాణ ఆరోగ్య శాఖ మంత్రి హరీష్ రావు, కేసీఆర్ పై ఎమోషనల్ ట్వీట్ చేశారు. “మీరు నా తలనిమిరే తల్లిప్రేమ, నాకు ఎనలేని మమకారం పంచిన మేనమామ. నాకు రాజకీయ చైతన్యాన్ని నేర్పించి, నాలో ప్రజా సేవా సంస్కారాన్ని రంగరించి, నన్ను ఉద్యమ కార్యాచరణలో నడిపించి, నాలోని నాయకత్వ గుణాన్ని ప్రేరేపించి, నాకు పరిపాలనా సామర్థ్యాన్ని కల్పించి, నన్ను చరితార్థుణ్ణి చేసిన మీరు శతవసంతాలు ఆయురారోగ్యాలతో వర్ధిల్లాలని ఆ భగవంతుణ్ణి ప్రార్థిస్తున్నాను” అని ఆయన ట్వీట్ చేశారు.

ఇక.. తన తండ్రి కేసీఆర్ పుట్టినరోజు సందర్భంగా బీఆర్ఎస్ వర్కింగ్ ప్రెసిడెంట్ కేటీఆర్ ట్విట్టర్ వేదికగా శుభాకాంక్షలు తెలిపారు. మై డాడ్ మై ఫస్ట్ హీరో, ఎంతో మందికి హరో అంటూ కేటీఆర్ చేసిన పోస్ట్ వైరల్ అవుతోంది. ‘తమ పిల్లలకు ఫస్ట్ హీరో తమ తండ్రి అని అంటారు. కానీ మా నాన్న నాకు ఒక్కడికే కాదు, తెలంగాణ మొత్తానికి హీరో కావడం నా అదృష్టం. కేవలం కల కనడం మాత్రమే కాదు, దానిని సాకారం చేసుకునేందుకు హద్దులులేని నిబద్ధతతో బయలుదేరారు. విమర్శలను ఎదుర్కోవడంతో పాటు వారికి తన కల ఎలా నెరవేరుతుందో గర్వంగా చూపించారు. తెలంగాణ అనే కల గని, దాని కోసం అంతులేని పోరాడటం చేశారు. మీ వ్యక్తిగత జీవితం గురించి ఆలోచించకుండా మీ కల సాకారం చేసుకున్నారు.

నా ఏకైక కల ఏంటంటే.. మీరు ఎవరో అందులో నేను కనీసం ఒక భాగం కావడం. మీరు గర్వంగా నా కొడుకు అని చెప్పుకునేలా మారడమే నా ఏకైక లక్ష్యం. మీరు చూపిన మార్గంలో నడుస్తూ ప్రతిక్షణం రాష్ట్రం కోసం, మన వారసత్వం కోసం పోరాటం కొనసాగిస్తా. మీ జీవితం నాకు ప్రేరణ. మీకు పుట్టినరోజు శుభాకాంక్షలు నాన్న’ అని తన తండ్రి కేసీఆర్‌కు కేటీఆర్‌ బర్త్‌డే విషెస్‌ చెప్పారు.

 Delhi New CM: ఢిల్లీకి కొత్త సీఎం.. నేడు బీజేపీ కీలక నిర్ణయం

Follow us