CPI Narayana : పీఓకే స్వాధీనం చేసుకోకుండానే చర్చలా?: బీజేపీకి నారాయణ ప్రశ్న

Talks without taking over PoK?: Narayana's question to BJP

CPI Narayana : సీపీఐ జాతీయ కార్యదర్శి కె. నారాయణ బీజేపీ నాయకులు మరియు ప్రధాని నరేంద్ర మోడీపై తీవ్ర విమర్శలు గుప్పించారు. ఇటీవల కేంద్ర ప్రభుత్వం పాక్ ఆక్రమిత కాశ్మీర్ (పీఓకే)ను తిరిగి స్వాధీనం చేసుకోకుండానే పాకిస్థాన్‌తో శాంతి చర్చలు ప్రారంభించిన నేపథ్యంలో ఆయన స్పందించారు. గతంలో తాను యుద్ధానికి వ్యతిరేకంగా, శాంతియుత పరిష్కారాల అవసరాన్ని ప్రస్తావించినప్పుడు బీజేపీ నేతలు తనను పాకిస్థాన్‌కి పంపాలని వ్యాఖ్యానించారని ఆయన గుర్తు చేశారు. ఈ నేపథ్యంలో నారాయణ మాట్లాడుతూ.. “అప్పుడు నన్ను శాంతికి పునాదులు వేస్తున్నానన్న కారణంగా దేశద్రోహిగా ముద్ర వేయాలన్న బీజేపీ నేతలు, ఇప్పుడు అదే వాళ్లు పీఓకేను మన నియంత్రణలోకి తీసుకోకుండానే శాంతి చర్చలకు ఎందుకు వెళ్ళారు? అదే లాజిక్ ప్రకారం ఇప్పుడు ప్రధాని మోడీని పాకిస్థాన్ పంపాలా?” అంటూ తీవ్రంగా ప్రశ్నించారు. బీజేపీ నేతల ఈ ద్వంద్వ ధోరణిని ఆయన తీవ్రంగా తప్పుబట్టారు.

Read Also: Rajnath Singh : భారత్ సైనిక పరాక్రమానికి ఆపరేషన్ సిందూర్ ఓ నిదర్శనం : రాజ్ నాథ్ సింగ్

నారాయణ ఉగ్రవాదంపై కూడా సున్నితంగా కాకుండా, కఠినంగా వ్యవహరించాల్సిన అవసరాన్ని హైలైట్ చేశారు. “ఉగ్రవాదం మానవాళికి ప్రమాదకరం. దాన్ని పూర్తిగా నిర్మూలించడానికి అవసరమైన చర్యలు తీసుకోవడం తప్పనిసరి. దీనిపై ఎలాంటి రాయితీ ఉండకూడదు” అని అన్నారు. అయితే, ఉగ్రవాదంపై తమ కఠిన వ్యాఖ్యలను కొందరు వక్రీకరించి, అర్థం తప్పుగా తెలియజేస్తున్నారని ఆయన ఆవేదన వ్యక్తం చేశారు. “మేము ఉగ్రవాదంపై కఠిన వైఖరి ప్రకటించాం. దాన్ని అర్థం చేసుకోకుండా విమర్శించడం అన్యాయం” అని అన్నారు. అయితే, భారత్ – పాకిస్థాన్ మధ్య శాంతి చర్చలు ప్రారంభం కావడాన్ని నారాయణ స్వాగతించారు. రెండు దేశాల మధ్య శాంతియుత వాతావరణం ఏర్పడటమే శాశ్వత పరిష్కారానికి దారి చూపుతుందన్నారు. “సమస్యలు యుద్ధంతో కాదు, సంభాషణల ద్వారానే పరిష్కారం కాబోతోంది” అని అభిప్రాయపడ్డారు.

Read Also: Murali Nayak : మురళీనాయక్‌ శవపేటిక మోసిన మంత్రి లోకేశ్‌

Follow us