Telangana: తెలంగాణ రైతులకు ఇచ్చిన మాట నిలబెట్టుకున్నాం: రాహుల్-ప్రియాంక

Telangana: తెలంగాణ రాష్ట్రంలోని రేవంత్‌రెడ్డి ప్రభుత్వం రూ.2 లక్షల వరకు రైతుల రుణాలను మాఫీ చేయాలని నిర్ణయించింది. మంత్రివర్గ భేటీ అనంతరం ముఖ్యమంత్రి రేవంత్ రెడ్డి ఈ విషయాన్ని స్వయంగా ప్రకటించారు. అయితే రైతుల రుణమాఫీపై కాంగ్రెస్ అగ్ర నేతలు రాహుల్ గాంధీ, ప్రియాంక గాంధీలు స్పందించారు. తెలంగాణ అన్నదాతలను అభినందిస్తూ.. తాము చెప్పినట్టే చేసి మాట నిలబెట్టుకున్నామని పేర్కొన్నారు.

తెలంగాణ రైతు కుటుంబాలకు శుభాకాంక్షలు తెలుపుతూ రాహుల్ గాంధీ శనివారం సోషల్ మీడియా ప్లాట్‌ఫాం ఎక్స్‌లో స్పందించారు. 40 లక్షలకు పైగా రైతు కుటుంబాలను రుణ విముక్తులను చేసే 2 లక్షల రూపాయల వరకు ఉన్న మీ అన్ని రుణాలను మాఫీ చేయడం ద్వారా కిసాన్ న్యాయ్ హామీని నెరవేర్చే దిశగా కాంగ్రెస్ ప్రభుత్వం ఒక చారిత్రాత్మక అడుగు వేసిందని అన్నారు. కాంగ్రెస్ ప్రభుత్వం అంటే రైతులు మరియు కూలీలతో సహా అణగారిన సమాజాన్ని బలోపేతం చేయడానికి కృషి చేస్తుంది. దీనికి ఉదాహరణ తెలంగాణ ప్రభుత్వ నిర్ణయం. కాంగ్రెస్ ప్రభుత్వంలో ఎక్కడ ఉన్నా, అది పెట్టుబడిదారుల కోసం కాకుండా భారతీయుల కోసం డబ్బును ఖర్చు చేస్తుందని రాహుల్ చెప్పారు.

తెలంగాణలో ఎన్నికల సమయంలో కాంగ్రెస్ పార్టీ రైతుల రుణాలను మాఫీ చేస్తామని హామీ ఇచ్చిందని కాంగ్రెస్ ప్రధాన కార్యదర్శి ప్రియాంక గాంధీ అన్నారు. ఆ హామీని నెరవేరుస్తూ రైతుల రుణాలను మాఫీ చేస్తామని మన తెలంగాణ ప్రభుత్వం నిర్ణయించింది. దీంతో అప్పుల్లో ఉన్న 40 లక్షల మంది రైతులకు ఊరట లభించనుంది. దేశంలోని సంపద అంతా దేశ ప్రజలకే చెందుతుందని, దానిని ప్రజల సంక్షేమం కోసమే ఖర్చు చేయాలని కాంగ్రెస్ భావిస్తోంది. రాజస్థాన్, ఛత్తీస్‌గఢ్‌లలో రైతుల రుణాలను కూడా మాఫీ చేశాం. కేంద్రంలో మా ప్రభుత్వం ఉన్నప్పుడు దేశవ్యాప్తంగా రైతుల రూ.72 వేల కోట్ల రుణాలను మాఫీ చేశారు. రైతులు, కూలీలు, గిరిజనులు, దళితులు, బడుగు, బలహీనవర్గాల, మధ్యతరగతి వర్గాల సంక్షేమానికి కాంగ్రెస్ పార్టీ కట్టుబడి ఉందన్నారు.

శుక్రవారం మీడియాతో రేవంత్‌రెడ్డి మాట్లాడుతూ.. ఆగస్టు 15లోపు రైతుల రుణాలను మాఫీ చేస్తామన్నారు. ఈ రుణమాఫీ వల్ల ప్రభుత్వ ఖజానాపై దాదాపు రూ.31,000 కోట్ల అదనపు భారం పడనుంది.

Also Read: YS Jagan Convoy : మాజీ సీఎం వైఎస్ జగన్‌కు తృటిలో తప్పిన ప్రమాదం