Hyderabad : పాన్ షాపు యాజమానిని గన్తో బెదిరించిన వ్యక్తి … కారణం ఇదే..?
డబ్బులు ఇవ్వడానికి నిరాకరించినందుకు పాన్ షాప్ యజమానిని ఓ వ్యక్తి గన్తో బెదిరించాడు.ఆ వ్యక్తిని పాతబస్తీలోని బీబీబజార్...
- By Prasad Published Date - 09:51 PM, Sat - 22 October 22
డబ్బులు ఇవ్వడానికి నిరాకరించినందుకు పాన్ షాప్ యజమానిని ఓ వ్యక్తి గన్తో బెదిరించాడు.ఆ వ్యక్తిని పాతబస్తీలోని బీబీబజార్ ప్రాంతంలో పోలీసులు అరెస్ట్ చేశారు. మీర్చౌక్ అసిస్టెంట్ కమిషనర్ ఆఫ్ పోలీస్ జి ప్రసాద్ కుమార్ తెలిపిన వివరాల ప్రకారం.. తల్లాబ్కట్టలోని అమన్నగర్లో నివాసం ఉంటున్న నిందితుడు మహ్మద్ వాజీదుద్దీన్ అలియాస్ వాజీద్ సాయంత్రం 7 గంటల సమయంలో సబీల్ పాన్ షాప్కు వెళ్లి యజమాని మహ్మద్ ఫహాద్ ఖాన్ను మూడు సిగరెట్లు అడిగాడు. వాజీదుద్దీన్ పాన్ షాప్ నుండి మూడు సిగరెట్లను తీసుకొని ఫహాద్కు రూ. 10 తిరిగి ఇచ్చాడు. అయితే వాజీదుద్దీన్ మిగిలిన మొత్తాన్ని తనకు చెల్లించాలని డిమాండ్ చేశాడు. ఈ నేపథ్యంలో ఇద్దరి మధ్య వాగ్వాదం జరిగింది. ఆ సమయంలో నిందితుడు ఎయిర్ గన్ తీసి షాప్ యజమానిని బెదిరించాడని పోలీసు అధికారి తెలిపారు. సీసీ కెమెరాల సాయంతో వాజీదుద్దీన్ను గుర్తించారు. కొద్ది గంటల్లోనే నిందితుడి ఆచూకీ లభించింది. అతడి ఎయిర్ గన్ను కూడా పోలీసులు స్వాధీనం చేసుకున్నారు. వాజీదుద్దీన్ గతంలో టప్పాచబుత్రా, రాజేంద్రనగర్, రెయిన్ బజార్ మరియు RGI ఎయిర్పోర్ట్ పోలీస్ స్టేషన్ పరిధిలో ఆస్తి నేరాలకు పాల్పడ్డాడని పోలీసులు తెలిపారు.
Related News
Rains Alert: చల్లని కబురు.. తెలంగాణలోని 14 జిల్లాల్లో వర్షాలు
తెలంగాణ జిల్లాల్లో ఏప్రిల్ 29న ఉరుములు, మెరుపులతో కూడిన వర్షాలు కురిసే అవకాశం ఉందని భారత వాతావరణ శాఖ తెలిపింది. రాష్ట్రంలోని 14 జిల్లాల్లో ఉరుములు, మెరుపులతో కూడిన వర్షాలు కురుస్తాయని ఐఎండీ అంచనా వేసింది.