KTR: ముస్లింల ఆత్మగౌరవాన్ని కాంగ్రెస్ తుంగలో తొక్కింది: కేటీఆర్

Ktr

KTR:  తెలంగాణ రాష్ట్రంలో మైనారిటీల ఆత్మగౌరవాన్ని, ముఖ్యంగా ముస్లింల ఆత్మగౌరవాన్ని కాంగ్రెస్ ప్రభుత్వం తుంగలో తొక్కిందని విమర్శించారు బీఆర్ఎస్ ఎమ్మెల్యే కేటీఆర్. ఈ రోజు శనివారం తెలంగాణ భవన్‌లో రాష్ట్రవ్యాప్తంగా ఉన్న బీఆర్‌ఎస్‌ మైనార్టీ నేతలతో జరిగిన సమావేశంలో కేటీఆర్‌ మాట్లాడుతూ.. కాంగ్రెస్‌ ప్రభుత్వం మైనార్టీలకు వ్యతిరేకంగా బీజేపీ బుల్‌డోజర్‌ విధానాన్ని అవలంభిస్తోందన్నారు. తమ రాష్ట్రాల్లో మైనారిటీలకు చెందిన ఆస్తులను బీజేపీ ప్రభుత్వాలు కూల్చివేస్తుంటే, తెలంగాణలో రేవంత్ రెడ్డి ప్రభుత్వం ముస్లింల ఆత్మగౌరవాన్ని కాలరాస్తోందని ఆరోపించారు. అసెంబ్లీ ఎన్నికల్లో బీఆర్‌ఎస్‌కు మద్దతిచ్చిన ముస్లింలపై కాంగ్రెస్ ప్రతీకారం తీర్చుకుంటోందని ఆయన అన్నారు.

తెలంగాణలోని 119 అసెంబ్లీ నియోజకవర్గాల్లో దాదాపు 40 స్థానాల్లో 10% కంటే ఎక్కువ ముస్లిం ఓటర్లు ఉన్నారని కేటీఆర్ హైలైట్ చేశారు. 10% పైగా ముస్లిం ఓటర్లతో బీఆర్ఎస్ 18 స్థానాల్లో విజయం సాధించగా, ఎంఐఎం 7 స్థానాలను గెలుచుకుంది. ప్రధానంగా మైనారిటీ ఓట్ల విభజన కారణంగా కాంగ్రెస్, బీజేపీలు ఒక్కొక్కరు 8 సీట్లు సాధించారని కేటీఆర్ చెప్పారు. 27% ముస్లిం జనాభాతో ఉన్న గ్రేటర్ హైదరాబాద్‌లో కారు పార్టీ 16 సీట్లు, ఎంఐఎం 7, గోషా మహల్‌లోబీజేపీ ఒక సీటు గెలుచుకోగా కాంగ్రెస్ ఒక సీటు కూడా గెలుచుకోలేదు.

ముస్లిం జనాభా 8% కంటే ఎక్కువ ఉన్న బోథ్, సిద్దిపేట, పటాన్‌చెరు, చేవెళ్ల, ఉప్పల్ మరియు బాల్కొండ ఇతర ఆరు స్థానాల్లో బీఆర్ఎస్ విజయం సాధించింది. 39 స్థానాల్లో దాదాపు 24 స్థానాల్లో బీఆర్ఎస్ విజయంలో ముస్లిం ఓటర్లు కీలకమని చెప్పారు కేటీఆర్. ఈ క్రమంలో ముస్లిం ఓటర్లకు కేటీఆర్ కృతజ్ఞతలు తెలిపారు. మాపై నమ్మకం ఉంచి, కాంగ్రెస్ తప్పుడు ప్రచారాన్ని తిరస్కరించిన ఓటర్లందరికీ ధన్యవాదాలని కేటీఆర్ అన్నారు.

తెలంగాణ కేబినెట్‌లో ముస్లింలకు ప్రాతినిధ్యం లేకపోవడానికి కాంగ్రెస్ పార్టీయే కారణమని విమర్శించారు. ఆర్‌ఎస్‌ఎస్-సిద్ధాంతవేత్త రేవంత్ రెడ్డి డిసెంబర్ ముఖ్యమంత్రిగా బాధ్యతలు స్వీకరించారు. 1953 తర్వాత తెలుగు రాష్ట్రాల చరిత్రలో తొలిసారిగా రాష్ట్ర మంత్రివర్గంలో ముస్లిం సమాజానికి ప్రాతినిధ్యం లేదు. ముస్లింలెవరూ ఎమ్మెల్యేగా ఎన్నిక కాలేదని, అందుకే ముస్లిం మంత్రిని మంత్రివర్గంలోకి తీసుకోవడం లేదని కాంగ్రెస్ సమర్థించుకుంది. అయితే వారు ఒక ముస్లిం ప్రతినిధిని నియమించి, ఆ తర్వాత ఎమ్మెల్సీగా చేసి ఉండవచ్చు అని ఆయన అన్నారు.

2014లో బీఆర్‌ఎస్‌ అధికారంలోకి రాగానే మహమూద్‌ అలీని ఉప ముఖ్యమంత్రిగా నియమించారని కేటీఆర్‌ గుర్తు చేశారు. 2018లో మైనారిటీల్లో విశ్వాసాన్ని నింపేందుకు అందరినీ కలుపుకుపోవాలనే భావాన్ని తెలియజేయడానికి ఆయన మళ్లీ హోంమంత్రిగా చేశామని కేటీఆర్ చెప్పారు. ప్రస్తుతం ముస్లిం మంత్రి లేని 15 రాష్ట్రాల్లో తెలంగాణ ఉందని కేటీఆర్ సూచించారు.

Also Read: Nalgonda: మంత్రి కోమటిరెడ్డికి జగదీశ్ రెడ్డి వార్నింగ్

Follow us