ISRO SSLV- D2 : SSLV-D2 రాకెట్ ప్రయోగం విజయవంతం..!

శ్రీహరికోటలోని సతీష్ ధావన్ స్పేస్ సెంటర్ (షార్‌)లోని మొదటి ప్రయోగవేదిక నుంచి చేపట్టిన స్మాల్‌ శాటిలైట్‌ లాంచింగ్‌ వెహికల్‌ (SSLV–D2) ప్రయోగం విజయవంతం అయ్యింది. శుక్రవారం వేకువజామున 2.48 గంటలకు కౌంట్‌డౌన్‌ ప్రక్రియ ప్రారంభమై.. 6.30 గంటలపాటు కొనసాగింది. ఈ ప్రయోగం ద్వారా ఎర్త్‌ అబ్జర్వేషన్‌ శాటిలైట్, జానుస్‌-1, ఆజాదీ శాట్‌-2 అనే మూడు ఉపగ్రహాలను శాస్త్రవేత్తలు కక్ష్యలోకి ప్రవేశపెట్టారు. 13నిమిషాల 2 సెక్టన్లలో ప్రయోగం పూర్తి అయ్యింది. ఎస్ఎస్ఎల్వీ-డీ2 రాకెట్‌ ప్రయోగం సక్సెస్ కావడంతో ఇస్రోలో శాస్త్రవేత్తలు ఆనందం వ్యక్తం చేశారు.

Also Read: Womens T20 World Cup 2023: నేటి నుండి మహిళల టీ20 వరల్డ్ కప్

ఈ SSLV–D2ఈవోఎస్‌-07 ఉపగ్రహంతోపాటు, అమెరికాలోని అంటారిస్ సంస్థకు చెందిన 11.5 కిలోల జానుస్-1, చెన్నై స్పేస్‌కిడ్జ్‌ ఇండియా ఆధ్వర్యంలో ప్రభుత్వ స్కూల్‌ విద్యార్థులు రూపొందించిన 8.7 కిలోల ఆజాదీశాట్‌-2ను భూసమీప కక్ష్యలోకి ప్రవేశపెట్టనుంది. ఇది SSLV-D2 రెండవ అభివృద్ధి విమానం. 2022 ఆగస్టు 7న తొలి విమానం పాక్షికంగా విఫలమైంది. కక్ష్య క్రమరాహిత్యం, రాకెట్ విమాన మార్గంలో కొంత వ్యత్యాసం కారణంగా తొలి విమానం విఫలమైంది.

#WATCH | Andhra Pradesh: ISRO launches Small Satellite Launch Vehicle-SSLV-D2- from Satish Dhawan Space Centre at Sriharikota to put three satellites EOS-07, Janus-1 & AzaadiSAT-2 satellites into a 450 km circular orbit pic.twitter.com/kab5kequYF

— ANI (@ANI) February 10, 2023