Amoy Kumar : ఐఏఎస్ అమోయ్ కుమార్‌పై మరో ఎఫ్ఐఆర్…!
Amoy Kumar : ఐఏఎస్ అధికారి అమోయ్ కుమార్‌పై తాజాగా మరో ఎఫ్ఐఆర్ నమోదు చేసే అవకాశాలు కనిపిస్తున్నాయి. ఈడీ (ఎన్‌ఫోర్స్‌మెంట్ డైరెక్టరేట్) , స్థానిక పోలీసుల సంయుక్త దర్యాప్తు ఆధ్వర్యంలో, భూ ఆక్రమణలకు సంబంధించి పలు అధికారులు, ప్రజా ప్రతినిధులు అరెస్టు చేయబడ్డారు. ఈ క్రమంలోనే రంగారెడ్డి జిల్లా మహేశ్వరం మండలంలోని నాగారం భూదాన్ భూముల కేసును పోలీసులు తిరిగి రీఓపెన్ చేయాలని నిర్ణయించుకున్నారు.
- By Kavya Krishna Published Date - 04:44 PM, Sun - 10 November 24
Amoy Kumar : ఐఏఎస్ అధికారి అమోయ్ కుమార్ భూ కబ్జా కేసు మరోసారి మలుపు తీసుకుంటోంది. ఆయనపై తాజాగా మరో ఎఫ్ఐఆర్ నమోదు చేసే అవకాశాలు కనిపిస్తున్నాయి. ఈడీ (ఎన్‌ఫోర్స్‌మెంట్ డైరెక్టరేట్) , స్థానిక పోలీసుల సంయుక్త దర్యాప్తు ఆధ్వర్యంలో, భూ ఆక్రమణలకు సంబంధించి పలు అధికారులు, ప్రజా ప్రతినిధులు అరెస్టు చేయబడ్డారు. ఈ క్రమంలోనే రంగారెడ్డి జిల్లా మహేశ్వరం మండలంలోని నాగారం భూదాన్ భూముల కేసును పోలీసులు తిరిగి రీఓపెన్ చేయాలని నిర్ణయించుకున్నారు. సమగ్ర దర్యాప్తు జరిపి బాధ్యులైన అధికారులపై చట్టపరమైన చర్యలు తీసుకోనున్నారు.
ప్రస్తుతం, అప్పటి రంగారెడ్డి జిల్లా కలెక్టర్ అయిన అమోయ్ కుమార్ పేరు ఎఫ్ఐఆర్‌లో చేర్చే అవకాశాలు ఉన్నాయనీ తెలుస్తోంది. ఈ కేసు దర్యాప్తులో భాగంగా, ఈడీ అధికారులు మనీలాండరింగ్ యాక్ట్ (PMLA) కింద చర్యలు తీసుకునే సన్నాహాలు చేస్తున్నారు. ఈడీకి 12 ఫిర్యాదులు అందుకున్న నేపథ్యంలో, స్థానిక పోలీసు స్టేషన్‌లలో కేసులు నమోదయ్యే అవకాశం ఉంది.
ఈ కేసుకు సంబంధించి, నాగారం భూదాన్ భూముల కేసును సివిల్ నేచర్ అనే పేరుతో గతంలో మహేశ్వరం పోలీసులు క్లోజ్ చేసిన సంగతి తెలిసిందే. ఈ కేసులో ఉన్న రికార్డులను స్థానిక పోలీసులు మళ్లీ పరిశీలిస్తున్నారు. సివిల్ నేచర్ పేరిట గతంలో విచారణ ముగిసిన కేసుల్లో తిరిగి విచారణ ప్రారంభించాలనీ, ఈడీ అధికారులు డీజీపీని అభ్యర్థించారు. ఇక, మహేశ్వరం పోలీసులు గతంలో క్లోజ్ చేసిన ఎఫ్ఐఆర్‌ను మళ్లీ సమీక్షించాలనీ, ఆ ద్వారా అమోయ్ కుమార్ పాత్రపై సమగ్ర దర్యాప్తు జరిపే నిర్ణయం తీసుకున్నారు.
ఈ కేసులో సంచలన విషయాలు వెలుగులోకి రావడంతో, 181 సర్వే నెంబర్ పరిధిలోని 43 ఎకరాల భూదాన్ భూములను అమోయ్ కుమార్ ఆదేశాల మేరకు అప్పటి తహసీల్దార్ జ్యోతి అక్రమంగా రిజిస్ట్రేషన్ చేసినట్టు ఈడీ గుర్తించింది. పలు రియల్టర్లు , ప్రజా ప్రతినిధులకు ఈ భూములు రిజిస్టర్ చేయడం, ఆ వ్యవహారంలో అధికారుల పాత్రను వివరించినది.
మాజీ తహసీల్దార్ జ్యోతి సహా పలువురు నిందితులపై గతేడాది ఆగస్టులో ఎఫ్ఐఆర్ క్లోజ్ అయినప్పటికీ, అమోయ్ కుమార్ పేరును ఈ కేసులో ప్రస్తావించలేదు. అయితే, ఈడీ దర్యాప్తులో వెలుగులోకి వచ్చిన వివరాలతో, ఇప్పుడు ఆ విషయంపై మరింత దర్యాప్తు చేయాలని నిర్ణయించారు.
ఈ కేసు జాగ్రత్తగా పరిశీలించిన తర్వాత, 42 ఎకరాల 33 గుంటల భూదాన్ భూములను తిరిగి సమీక్షిస్తూ, సంబంధిత అధికారులపై చట్టపరమైన చర్యలు తీసుకోవాలని స్థానిక పోలీసు అధికారులు నిర్ణయించారు.
