Dog Bite Cases: రెచ్చిపోతున్న వీధి కుక్కలు.. రోజుకు 100 కేసులు!
సిటీలో కుక్కుల స్వైర విహారం చేస్తున్నాయి. చిన్నా, పెద్దా అనే తేడా లేకుండా ప్రతిఒక్కరిని వెంబడిస్తూ మరీ కరిచివేస్తున్నాయి.
- By Balu J Published Date - 01:28 PM, Sat - 4 March 23
![Dog Bite Cases: రెచ్చిపోతున్న వీధి కుక్కలు.. రోజుకు 100 కేసులు!](https://d1x8bgrwj9curj.cloudfront.net/wp-content/uploads/2023/03/dog-bite.jpg)
హైదరాబాద్ (Hyderabad) సిటీలో కుక్కుల స్వైర విహారం చేస్తున్నాయి. చిన్నా, పెద్దా అనే తేడా లేకుండా ప్రతిఒక్కరిని వెంబడిస్తూ మరీ కరిచివేస్తున్నాయి. దీంతో సిటీలో అత్యధికంగా కుక్కకాటు కేసులు (Dog Bite Cases) నమోదవుతున్నాయి. ప్రభుత్వ ఫీవర్ ఆసుపత్రిలో కుక్కకాటు కేసులు పెరగడం మొదలయ్యాయి. రోజుకు దాదాపు 100 కేసులు నమోదు అతున్నాయంటే పరిస్థితి ఎలా ఉందో అర్థం చేసుకోవచ్చు. ఈ సీజన్లో కుక్కల బెడద ఎక్కువగా ఉంటోందని, ఆస్పత్రిలో రోజుకు 90 నుంచి 110 కేసులు వస్తున్నాయని ప్రభుత్వ జ్వర ఆసుపత్రి వైద్య విభాగం ప్రొఫెసర్ డాక్టర్ కొండల్రెడ్డి తెలిపారు.
‘‘నిజానికి, రేబిస్కు చికిత్స లేదు. ఇది 100 శాతం ప్రభావం చూపుతుంది. ఏది ఏమైనప్పటికీ, కుక్క కాటు (Dog Bite Cases) నుండి తప్పించుకోవడానికి తగిన జాగ్రత్తలు తీసుకోవాలి. వీధి కుక్కలు ఎక్కువగా ఉంటే స్టెరిలైజేషన్ కోసం అధికారులకు తెలియజేయాలని, వాటికి తగిన నీటి సౌకర్యం కల్పించాలన్నారు. ఎక్కువగా వేసవి నెలలలో, కుక్కలు మరింత రెచ్చిపోయి కరిచేస్తున్నాయి. ముఖ్యంగా పిల్లలు వీధి కుక్కల గుంపుకు దూరంగా ఉండాలి’’ అని డాక్టర్ అన్నారు. కుక్క కాటుకు గురైనప్పుడు తీసుకోవలసిన చర్యల గురించి డాక్టర్ మరింత మాట్లాడారు.
పెంపుడు కుక్క కాటు అయినా, వీధి కుక్క కాటు అయినా.. ఇంతకు ముందు మనం జంతువు బతికి ఉందా లేదా చనిపోయిందా అని 10 రోజుల పాటు గమనించేవాళ్లం. అయితే, ఇప్పుడు మేము గ్రేడ్ 2 కంటే ఎక్కువ కుక్క కాటు కేసులకు ఇమ్యునైజేషన్ ఇస్తున్నాము. కుక్క కాటుకు గురైనప్పుడు, వెంటనే సబ్బు లేదా డిటర్జెంట్ ఉపయోగించి 10 నుండి 15 నిమిషాల పాటు కుళాయి నీటి కింద గాయాన్ని కడగాలి. ఇది 80 శాతం వరకు రాబిస్ రాకుండా చేస్తుంది. ఇది మనం ఇంట్లో చేయగలిగే కీలకమైన దశ. కుక్క కాటుకు గాయానికి కట్టు వేయడం సరికాదు. దీని తరువాత, రోగిని సమీపంలోని ఆసుపత్రికి తీసుకెళ్లాలి. వేసవి తీవ్రత తగ్గే వరకు కుక్కల (Dog Bite Cases) పట్ల జాగ్రత్తగా ఉండాలి అని డాక్టర్లు సూచిస్తున్నారు.
Also Read: TSRTC Special Buses: మహిళలు, విద్యార్థినిలకు ‘టీఎస్ఆర్టీసీ’ ప్రత్యేక బస్సులు!
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Massive Fire Breaks out at Paint Factory : మల్లాపూర్ పారిశ్రామికవాడలో భారీ అగ్నిప్రమాదం](https://d1x8bgrwj9curj.cloudfront.net/wp-content/uploads/2024/09/massive-fire-accident-at-ma.jpg)
Massive Fire Breaks out at Paint Factory : మల్లాపూర్ పారిశ్రామికవాడలో భారీ అగ్నిప్రమాదం
Massive Fire Breaks out at Paint Factory : నాచారం పోలీస్స్టేషన్ పరిధిలోని మల్లాపూర్ పారిశ్రామికవాడలో శనివారం సాయంత్రం భారీ అగ్నిప్రమాదం చోటుచేసుకుంది.