Vivo Y300 5G Launch: మార్కెట్ లోకి విడుదలైన వివో Y300 5జీ ఫోన్.. ధర, ఫీచర్స్ ఇవే!

చైనాకు చెందిన ప్రముఖ స్మార్ట్ ఫోన్ దిగ్గజం వివో ఇప్పటికే మార్కెట్లోకి ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. వీటితోపాటు ఎప్పటికప్పుడు కొత్త కొత్త స్మార్ట్ ఫోన్లను మార్కెట్లోకి విడుదల చేస్తూనే ఉంది. అలాగే ఇప్పటికే మార్కెట్లోకి విడుదల చేస్తున్న స్మార్ట్ ఫోన్లపై అద్భుతమైన ఆఫర్లను కూడా అందిస్తోంది. ఇది ఇలా ఉంటే ఇప్పుడు మార్కెట్లోకి మరో కొత్త స్మార్ట్ ఫోన్ ని విడుదల చేయడానికి సిద్ధమయ్యింది వివో. మరి ఆ వివరాల్లోకి వెళితే.. ప్రముఖ చైనా స్మార్ట్‌‌ఫోన్ దిగ్గజం వివో నుంచి సరికొత్త వివో వై300 5జీ డిసెంబర్ 16న చైనాలో లాంచ్ చేయనుంది. ఈ బేస్ వివో వై300 చైనీస్ వేరియంట్ భారతీయ వెర్షన్ నుంచి భిన్నంగా ఉంటుందని భావిస్తున్నారు.

రెండు వేరియంట్‌ ల డిజైన్‌ లో చాలా తేడా ఉందని టీజర్‌ లు వెల్లడించాయి. చైనాలో రాబోయే వివో వై300 ఫుల్ స్పెసిఫికేషన్‌ లను లీక్ చేసింది. రెండు వెర్షన్లు కూడా విభిన్న ఫీచర్లను కలిగి ఉంటాయని సూచిస్తున్నాయి. సెప్టెంబర్‌ లో దేశంలో ఆవిష్కరించిన వివో వి300 ప్రోలో స్మార్ట్‌ ఫోన్ చేరనుంది. వివో వై300 5జీ 12జీబీ వరకు ఎల్పీడీడీఆర్4ఎక్స్ ర్యామ్‌ తో మీడియాటెక్ డైమెన్సిటీ 6300 ఎస్ఓసీతో చైనాకు రానుంది. ఈ హ్యాండ్‌సెట్ 4 ర్యామ్, స్టోరేజ్ కాన్ఫిగరేషన్‌ లలో అందుబాటులో ఉంటుందని పోస్ట్ పేర్కొంది. 8జీబీ+ 128జీబీ, 8జీబీ + 256జీబీ, 12జీబీ + 256జీబీ, 12జీబీ + 512జీబీ ఉన్నాయి. ఆండ్రాయడ్ 15 ఆధారిత ఆర్జిన్OS 5తో రన్ అవుతుందని భావిస్తున్నారు. కాగా వివో వై300 5జీ చైనీస్ వెర్షన్ 2,392 x 1,080 పిక్సెల్స్ రిజల్యూషన్, 120Hz రిఫ్రెష్ రేట్, 8 బిట్ కలర్ డెప్త్, డైమండ్ షీల్డ్ గ్లాస్ ప్రొటెక్షన్‌తో 6.77 అంగుళాల ఓఎల్ఈడీ ఫ్లాట్ స్క్రీన్‌ను కలిగి ఉంటుంది.

800నిట్స్ పీక్ మాన్యువల్ బ్రైట్‌నెస్, 1,300నిట్స్ గ్లోబల్ పీక్అలాగే బ్రైట్‌నెస్, 1,800 నిట్స్ లోకల్ పీక్ బ్రైట్‌నెస్‌కు సపోర్ట్ చేస్తుందట. డెవలపర్ మోడ్‌తో, డిస్‌ప్లే 3,840Hz హై-ఫ్రీక్వెన్సీ పీడబ్ల్యూఎమ్ డిమ్మింగ్, డిఫాల్ట్‌గా 2,160Hz వరకు సపోర్టు ఇస్తుందని తెలిపింది. చైనాలోని వివో వై300 5జీ 50ఎంపీ 1/2.76 అంగుళాల శాంసంగ్ ఎస్5కెజెఎన్ఎస్ ప్రైమరీ రియర్ సెన్సార్‌ తో పాటు 2ఎంపీ 1/5 అంగుళాల గల్కోర్ జీసీ02ఎమ్1 డెప్త్ సెన్సార్‌ ను కలిగి ఉంటుంది. ఫ్రంట్ కెమెరా 8ఎంపీ, 1/4 అంగుళాల ఓమ్నివిజన్ ఓవీ08D10 సెన్సార్‌ ను కలిగి ఉంటుందని భావిస్తున్నారు. వివో వై300 5జీ 6,500mAh బ్యాటరీతో రానుంది. ఈ హ్యాండ్‌సెట్ 44 డబ్ల్యూ వైర్డ్ ఫాస్ట్ ఛార్జింగ్‌ కు సపోర్టు ఇస్తుందని టిప్‌స్టర్ సూచిస్తున్నారు. ఈ ఫోన్ 4.5 డబ్ల్యూ అవుట్‌పుట్‌ తో ఏఏసీ 1326డీ, ఏఏసీ 1116B, గోర్టెక్ 0809తో సహా ట్రిపుల్ స్పీకర్ యూనిట్‌ ను ప్యాక్ చేస్తుందని భావిస్తున్నారు. 3డీ పనోరమిక్ ఆడియో ఎక్స్‌పీరియన్స్ సపోర్టు అందిస్తుందట. వివో వై300 5జీ చైనీస్ వెర్షన్ ఇన్ డిస్ప్లే షార్ట్ ఫోకస్ ఫింగర్ ప్రింట్ సెన్సార్‌ను కలిగి ఉంటుందని టిప్‌స్టర్ పేర్కొంది. కనెక్టివిటీ ఆప్షన్లలో వై ఫై 5, బ్లూటూత్ 5.4 ఉంటాయి. ఈ ఫోన్ ఐపీ64 రేటింగ్ డస్ట్, స్ప్లాష్ రెసిస్టెన్స్ కలిగి ఉంటుందని భావిస్తున్నారు.