Nokia: తక్కువ ధరకే నోకియా ట్యాబ్.. ఫీచర్స్ తెలిస్తే షాక్ అవ్వాల్సిందే!

ప్రముఖ మొబైల్ ఫోన్ తయారీ సంస్థ నోకియా తాజాగా భారత మార్కెట్ లోకి నోకియా టీ 10 ట్యాబ్ ను లాంచ్ చేసింది. కాగా గత ఏడాది నోకియా టీ 20 ట్యాబ్ ను భారత మార్కెట్లోకి విడుదల చేసిన విషయం తెలిసిందే. తాజాగా టీ 10 భారత మార్కెట్ లోకి లాంచ్ చేసింది నోకియా. ఇది 8 ఇంచుల ఫుల్ హెచ్ డి ఎల్ సి డి డిస్ ప్లే ను కలిగి ఉంది. అలాగే రెండు స్టోరేజ్ వేరియంట్లలో కూడా వస్తోంది. ఇకపోతే ఈ నోకియా టీ 10 స్పెసిఫికేషన్ లు, ధరల విషయానికి వస్తే..

ఈ నోకియా టీ 10 ట్యాబ్ 8 ఇంచుల ఫుల్ హెచ్ డి ఎల్ సిడి డిస్ ప్లే తో వస్తుంది. ఈ డిస్ ప్లే పీక్ బ్రైట్ నెస్ 450 నిట్స్ వరకు ఉంటుంది. ఇది గరిష్టంగా 4 జిబి ర్యామ్ తో వస్తుంది. అదేవిధంగా ఆండ్రాయిడ్ 12 ఆపరేటింగ్ సిస్టం పై ఈ ట్యాబ్ రన్ అవుతుంది. ఈ ట్యాబ్ వెనుక 8 మెగా పిక్సెల్ కెమెరా ఉంటుంది. వీడియో కాల్స్ సెల్ఫీల కోసం రెండు మెగాపిక్సల్ ఫ్రంట్ కెమెరాతో ఈ ట్యాబ్ వస్తుంది. అలాగే బయోమెట్రిక్ అలాగే పేస్ లాక్ ఫ్యూచర్ ని కూడా కలిగి ఉంది.

5,250 mAh బ్యాటరీ ను కలిగి ఉంది. ఇకపోతే దీని ధర విషయానికి వస్తే 3 జీబీ ర్యామ్ + 32జిబి స్టోరేజ్ ఉండే మొబైల్ రూ.11,799 కాగా 4 జీబీ ర్యామ్ + 64జిబీ స్టోరేజ్ కలిగిన 12,799 గా ఉంది. ఈ ట్యాబ్ ను ఈ కామర్స్ సైట్ అమెజాన్, నోకియా ఇండియా వెబ్ సైట్లలో కొనుగోలు చేయవచ్చు. అయితే ఈ నోకియా టీ 10 అతి తక్కువ ధరకే అందుబాటులో ఉంది.