Team India: గిల్ కోసం టీ20 స్టార్ ఆటగాడ్ని తప్పించనున్న బీసీసీఐ?!
తిలక్ వర్మ జట్టులోకి వచ్చినప్పటి నుంచి అద్భుతంగా రాణిస్తున్నాడు. అతను కెప్టెన్ సూర్యకుమార్ యాదవ్ను నంబర్ 3 స్థానంలో బ్యాటింగ్కు పంపమని కోరగా.. అతనికి ఆ అవకాశం లభించింది.
- Author : Gopichand
Date : 18-08-2025 - 6:35 IST
Published By : Hashtagu Telugu Desk
Team India: ఆసియా కప్ 2025 కోసం భారత జట్టు 15 మంది సభ్యుల స్క్వాడ్ను రేపు ప్రకటించే అవకాశం ఉంది. సెలెక్టర్ల సమావేశం తర్వాత యుఏఈలో భారత్కు నాయకత్వం వహించే ఆటగాళ్లు ఎవరో తెలుస్తుంది. ఆసియా కప్ 2025 సెప్టెంబర్ 9 నుంచి ప్రారంభం కానుంది. ఈ నేపథ్యంలో భారత జట్టులోకి (Team India) శుభ్మన్ గిల్ ప్రవేశం గురించి చర్చ జరుగుతోంది. అయితే గిల్ కోసం ఒక ఆటగాడు జట్టు నుంచి తప్పుకోవాల్సి రావచ్చు. ఆ ఆటగాడు తిలక్ వర్మ అని ఊహాగానాలు వినిపిస్తున్నాయి.
ఐపీఎల్ 2025, ఇంగ్లాండ్తో జరిగిన టెస్ట్ సిరీస్లో శుభ్మన్ గిల్ అద్భుతమైన ప్రదర్శన కనబరిచాడు. ఈ కారణంగానే సెలెక్టర్లు గిల్ను టీ20 అంతర్జాతీయ జట్టులో చేర్చాలని భావిస్తున్నారు. గిల్ చాలా కాలంగా టీ20 ఫార్మాట్లో భారత్ తరపున ఆడలేదు. భారత జట్టులో మొదటి నాలుగు స్థానాలు ఇప్పటికే దాదాపుగా ఖరారయ్యాయి. అభిషేక్ శర్మ, సంజు శాంసన్ ఓపెనింగ్ చేస్తుండగా ఆ తర్వాత తిలక్ వర్మ, సూర్యకుమార్ యాదవ్ బ్యాటింగ్కు వస్తున్నారు.
Also Read: Cyber Frauds: గత ఐదేళ్లలో ఏపీ బ్యాంకుల్లో 341 సైబర్ మోసాలు!
గిల్ను జట్టులోకి తీసుకోవాలంటే ఒక ఆటగాడిని తప్పించడం అనివార్యం కావచ్చు. ఎక్స్ప్రెస్ స్పోర్ట్స్ ఇటీవల తమ నివేదికలో తెలిపిన దాని ప్రకారం.. తిలక్ వర్మ స్థానంలో శుభ్మన్ గిల్ను జట్టులో చేర్చడం గురించి సెలెక్టర్ల మధ్య చర్చ జరిగింది. అయితే తిలక్ను జట్టు నుంచి తప్పించడం అన్యాయమని కూడా సెలెక్టర్లు భావించినట్లు ఆ నివేదికలో పేర్కొన్నారు. జట్టు ఇంకా ఖరారు కాలేదు కాబట్టి బీసీసీఐ ఈ పెద్ద నిర్ణయం తీసుకునే అవకాశం ఉంది.
ప్రపంచ నంబర్ 2 టీ20ఐ బ్యాట్స్మెన్ తిలక్ వర్మ
తిలక్ వర్మ జట్టులోకి వచ్చినప్పటి నుంచి అద్భుతంగా రాణిస్తున్నాడు. అతను కెప్టెన్ సూర్యకుమార్ యాదవ్ను నంబర్ 3 స్థానంలో బ్యాటింగ్కు పంపమని కోరగా.. అతనికి ఆ అవకాశం లభించింది. ఆ తర్వాత నుంచి తిలక్ వెనుదిరిగి చూడలేదు. అందుకే తిలక్ ప్రస్తుతం టీ20 అంతర్జాతీయ ర్యాంకింగ్స్లో ప్రపంచ నంబర్ 2 బ్యాట్స్మెన్గా ఉన్నాడు. మొదటి స్థానంలో భారత ఓపెనింగ్ బ్యాట్స్మెన్ అభిషేక్ శర్మ ఉన్నాడు. తిలక్ ఇప్పటివరకు 25 టీ20ఐ మ్యాచ్లలో 749 పరుగులు సాధించాడు. ఇందులో 2 సెంచరీలు, 3 హాఫ్ సెంచరీలు ఉన్నాయి. ఇంత అద్భుతమైన ప్రదర్శన తర్వాత అతన్ని విస్మరించడం పెద్ద తప్పే అవుతుంది.
Follow us
