Virat Kohli: రిటైర్మెంట్కు కారణం చెప్పిన విరాట్ కోహ్లీ!
కోహ్లీ టెస్ట్ కెరీర్ అద్భుతంగా ఉంది. ఆయన 123 టెస్ట్ మ్యాచ్లలో (210 ఇన్నింగ్స్) 46.85 సగటుతో 9,230 పరుగులు చేశారు. ఈ క్రమంలో 30 సెంచరీలు, 31 అర్ధ సెంచరీలు సాధించారు. ఆయన 68 టెస్ట్ మ్యాచ్లలో కెప్టెన్గా వ్యవహరించి, 40 మ్యాచ్లలో విజయం సాధించారు.
- Author : Gopi
Date : 09-07-2025 - 7:18 IST
Published By : Hashtagu Telugu Desk
Virat Kohli: విరాట్ కోహ్లీ (Virat Kohli) టెస్ట్ క్రికెట్ నుంచి రిటైర్మెంట్ తీసుకున్న తర్వాత మొదటిసారి మాట్లాడారు. లండన్లో జరిగిన ఒక కార్యక్రమంలో ఆయన వయస్సు పెరుగుతున్న కారణంగా ఈ నిర్ణయం తీసుకోవాల్సి వచ్చిందని చెప్పారు. విరాట్కు 36 సంవత్సరాలు నిండాయి. ఆయన మే 12, 2025న సోషల్ మీడియా పోస్ట్ ద్వారా టెస్ట్ క్రికెట్ నుంచి రిటైర్మెంట్ ప్రకటించారు.
లండన్లో మాజీ క్రికెటర్ యువరాజ్ సింగ్ తన యూవీకాన్ ఫౌండేషన్ (YouWeCan Foundation) కోసం డిన్నర్ పార్టీని ఏర్పాటు చేశారు. ఈ పార్టీలో కోహ్లీతో పాటు ప్రపంచవ్యాప్తంగా క్రికెట్, ఇతర రంగాలకు చెందిన ప్రముఖులు హాజరయ్యారు. టీవీ ప్రెజెంటర్ గౌరవ్ కపూర్ ప్రజలు అతన్ని మైదానంలో మిస్ అవుతున్నారని చెప్పగా కోహ్లీ నవ్వుతూ.. “నేను రెండు రోజుల క్రితం నా గడ్డంకి కలర్ వేసుకున్నాను. ప్రతి నాలుగు రోజులకు గడ్డం రంగు వేయాల్సి వస్తే, ఇప్పుడు సమయం (రిటైర్మెంట్) వచ్చిందని అర్థమవుతుంది” అని అన్నారు.
కోహ్లీ 123 టెస్ట్ మ్యాచ్లు ఆడారు
కోహ్లీ టెస్ట్ కెరీర్ అద్భుతంగా ఉంది. ఆయన 123 టెస్ట్ మ్యాచ్లలో (210 ఇన్నింగ్స్) 46.85 సగటుతో 9,230 పరుగులు చేశారు. ఈ క్రమంలో 30 సెంచరీలు, 31 అర్ధ సెంచరీలు సాధించారు. ఆయన 68 టెస్ట్ మ్యాచ్లలో కెప్టెన్గా వ్యవహరించి, 40 మ్యాచ్లలో విజయం సాధించారు. ఆయన విజయ శాతం 58.82. ఇది 50 లేదా అంతకంటే ఎక్కువ టెస్ట్ మ్యాచ్లలో కెప్టెన్సీ చేసిన వారిలో మూడో అత్యుత్తమ రికార్డు.
Also Read: Health Tips : మీకు నెయ్యితో రోటీ, చపాతీ తినే అలవాటు ఉందా? దీనివల్ల ఎలాంటి సమస్యలు తలెత్తుతాయి?
విరాట్ కోహ్లీ కెప్టెన్గా ఒక్క ICC టోర్నమెంట్నూ గెలవలేదు. అయితే, టెస్ట్ క్రికెట్లో కెప్టెన్గా ఆయన మహేంద్ర సింగ్ ధోనీ, రోహిత్ శర్మ ఇద్దరినీ మించారు. కోహ్లీ హోమ్ గ్రౌండ్లో ఆడిన 11 సిరీస్లనూ గెలిచారు. ధోనీ, రోహిత్ కెప్టెన్సీలో టీమ్ ఇండియా హోమ్ పిచ్లలో టెస్ట్ సిరీస్లలో ఓటములను ఎదుర్కొంది. రోహిత్ కెప్టెన్సీలో న్యూజిలాండ్తో క్లీన్ స్వీప్ కూడా ఉంది. కోహ్లీ 2015లో సౌతాఫ్రికాతో హోమ్ గ్రౌండ్లో మొదటిసారి కెప్టెన్సీ చేశారు. భారత్ 4 టెస్ట్ మ్యాచ్ల సిరీస్ను 3-0 తేడాతో గెలిచింది. ఆ తర్వాత కోహ్లీ కెప్టెన్సీలో భారత్లో ఆడిన అన్ని టెస్ట్ సిరీస్లనూ గెలిచింది.
టీ-20 నుంచి రిటైర్మెంట్ తీసుకున్న కోహ్లీ
విరాట్ కోహ్లీ టీ-20 వరల్డ్ కప్ గెలిచిన తర్వాత జూన్ 29, 2024న టీ-20 అంతర్జాతీయ క్రికెట్ నుంచి రిటైర్మెంట్ తీసుకున్నారు. ఆయన వన్డే క్రికెట్ ఆడటం కొనసాగిస్తారు.
విరాట్ IPLలో కూడా ఆడుతున్నారు
ఈ సంవత్సరం ఆయన జట్టు రాయల్ ఛాలెంజర్స్ బెంగళూరు IPL టైటిల్ను గెలుచుకుంది. కోహ్లీ 2008 నుంచి ఈ జట్టులో భాగంగా ఉన్నారు. విరాట్ కోహ్లీ ప్రస్తుతం లండన్లోనే ఉన్నారు. ప్రస్తుతం లండన్లో వింబుల్డన్ జరుగుతోంది. విరాట్ తన భార్య అనుష్కా శర్మతో కలిసి నొవాక్ జొకోవిచ్ మ్యాచ్ చూసేందుకు వెళ్లారు. రోజర్ ఫెడరర్తో జో రూట్ కరచాలనం చేశారు. బర్మింగ్హామ్ టెస్ట్ గెలిచిన తర్వాత రిషబ్ పంత్ కూడా వింబుల్డన్ చూసేందుకు వచ్చారు.
Follow us
