టీ20 వరల్డ్ కప్ 2026.. సెమీఫైనల్, ఫైనల్ వేదికలపై ఇంకా వీడని సందిగ్ధత!
ఈ హైబ్రిడ్ మోడల్ అర్థం ఏమిటంటే 2024 నుండి 2027 వరకు జరిగే ఐసీసీ ఈవెంట్లలో భారత్, పాకిస్తాన్ మ్యాచ్లు తటస్థ వేదికలపై జరుగుతాయి.
- Author : Gopichand
Date : 22-02-2026 - 7:54 IST
Published By : Hashtagu Telugu Desk
T20 World Cup 2026: 2026 టీ20 వరల్డ్ కప్ ఫిబ్రవరి 7న ప్రారంభమైంది. ఈ టోర్నమెంట్లో మొత్తం 20 జట్లు పాల్గొనగా వాటిలో ఎనిమిది జట్లు ఇప్పటికే సూపర్-8 దశకు చేరుకున్నాయి. సూపర్-8 మ్యాచ్లు కూడా మొదలయ్యాయి. కానీ ఇప్పటి వరకు వరల్డ్ కప్ సెమీఫైనల్, ఫైనల్ మ్యాచ్లు ఎక్కడ జరుగుతాయనేది స్పష్టత రాలేదు. దీని వెనుక ఉన్న అతి పెద్ద కారణం ఇక్కడ తెలుసుకోండి.
టీ20 వరల్డ్ కప్ 2026కు భారత్, శ్రీలంక సంయుక్తంగా ఆతిథ్యం ఇస్తున్నాయి. దీని ప్రకారం కొన్ని మ్యాచ్లు భారత్లో మరికొన్ని శ్రీలంకలో జరగాల్సి ఉంది. అయితే పాకిస్తాన్ ఆడే ఏ మ్యాచ్ కూడా భారత్లో జరగకూడదు. ఎందుకంటే ఛాంపియన్స్ ట్రోఫీ 2025 కంటే ముందే ఐసీసీ (ICC) మధ్యవర్తిత్వంలో బీసీసీఐ (BCCI), పీసీబీ (PCB) మధ్య ఒక ‘హైబ్రిడ్ మోడల్’పై ఒప్పందం కుదిరింది.
Also Read: ఎల్లుండి నుంచి విజయ్ దేవరకొండ- రష్మిక ప్రీ-వెడ్డింగ్ ఫంక్షన్లు!!
ఈ హైబ్రిడ్ మోడల్ అర్థం ఏమిటంటే 2024 నుండి 2027 వరకు జరిగే ఐసీసీ ఈవెంట్లలో భారత్, పాకిస్తాన్ మ్యాచ్లు తటస్థ వేదికలపై జరుగుతాయి. అయితే ఈ హైబ్రిడ్ మోడల్కు టీ20 వరల్డ్ కప్ 2026 సెమీఫైనల్, ఫైనల్ వేదికలకు ఉన్న సంబంధం ఏమిటి? అనేది ఇప్పుడు చూద్దాం.
పాకిస్తాన్ జట్టే ప్రధాన కారణం
టీ20 వరల్డ్ కప్ 2026 సెమీఫైనల్, ఫైనల్ వేదికలు ఇంకా వెల్లడించకపోవడానికి ప్రధాన కారణం పాకిస్తాన్ జట్టే. పాకిస్తాన్ తన మ్యాచ్లను శ్రీలంకలో ఆడుతుంది. ఒకవేళ పాకిస్తాన్ సెమీఫైనల్కు చేరుకుంటే ఆ మ్యాచ్ శ్రీలంకలో జరుగుతుంది. ఒకవేళ పాకిస్తాన్ సెమీఫైనల్ చేరకపోతే ఆ మ్యాచ్ కోల్కతాలోని ఈడెన్ గార్డెన్స్లో జరుగుతుంది. ఇక రెండో సెమీఫైనల్ ముంబైలోని వాంఖడే స్టేడియంలో జరుగుతుంది.
అదేవిధంగా ఫైనల్ వేదిక కూడా పాకిస్తాన్ ఫైనల్కు చేరుతుందా లేదా అనే దానిపైనే ఆధారపడి ఉంటుంది. ఒకవేళ పాకిస్తాన్ ఫైనల్కు చేరితే, ఆ మ్యాచ్ కొలంబోలోని ఆర్. ప్రేమదాస స్టేడియంలో జరుగుతుంది. ఒకవేళ పాకిస్తాన్ ఫైనల్ చేరకపోతే, ఫైనల్ మ్యాచ్ అహ్మదాబాద్లోని నరేంద్ర మోదీ స్టేడియంలో నిర్వహించనున్నారు.
Follow us
