Wiaan Mulder: సన్రైజర్స్ జట్టులోకి సౌతాఫ్రికా ఆల్ రౌండర్!
ఛాంపియన్స్ ట్రోఫీలో దక్షిణాఫ్రికా ఆటగాడు వియాన్ ముల్డర్ మంచి ప్రదర్శన చేశాడు. ICC టోర్నమెంట్లో ముల్డర్ 3 మ్యాచ్లు ఆడాడు. ఇందులో అతని పేరు మీద 6 వికెట్లు ఉన్నాయి.
- Author : Gopi
Date : 06-03-2025 - 10:25 IST
Published By : Hashtagu Telugu Desk
Wiaan Mulder: ఇంగ్లండ్ బౌలర్ బ్రైడెన్ కార్సే స్థానంలో దక్షిణాఫ్రికా ఆల్రౌండర్ సన్రైజర్స్ హైదరాబాద్లోకి అడుగుపెట్టాడు. ఛాంపియన్స్ ట్రోఫీ సెమీ ఫైనల్లో న్యూజిలాండ్ చేతిలో ఓడి దక్షిణాఫ్రికా జట్టు టోర్నీ నుంచి నిష్క్రమించింది. అయితే వీటన్నింటి మధ్య ఓ దక్షిణాఫ్రికా ఆల్ రౌండర్ తొలిసారి ఐపీఎల్లో ఆడే అవకాశం దక్కించుకున్నాడు. ఇంగ్లండ్ ఫాస్ట్ బౌలర్ బ్రైడెన్ కార్స్ స్థానంలో దక్షిణాఫ్రికా ఆల్ రౌండర్ సన్రైజర్స్ హైదరాబాద్ జట్టులోకి వచ్చినట్లు ప్రకటించింది. ఐపీఎల్ 2025 మార్చి 22 నుంచి ప్రారంభం కానుంది. సన్రైజర్స్ హైదరాబాద్ జట్టు తన తొలి మ్యాచ్ను మార్చి 23న రాజస్థాన్తో ఆడనుంది.
వియాన్ ముల్డర్ IPLలోకి అడుగుపెట్టాడు
దక్షిణాఫ్రికా ఆల్రౌండర్ వియాన్ ముల్డర్ (Wiaan Mulder) తొలిసారి ఐపీఎల్లో చోటు దక్కించుకున్నాడు. వేలంలో అతనిపై ఏ జట్టు కూడా బిడ్ వేయలేదు. కానీ అతను ఇంగ్లండ్ బౌలర్ బ్రైడెన్ కార్స్ స్థానంలో సన్రైజర్స్ హైదరాబాద్లో భాగమయ్యాడు. ఈ మేరకు ఎస్ఆర్హెచ్ ప్రకటించింది. ది వెల్కమ్ ఆన్ బోర్డు. సౌతాఫ్రికా ఆల్ రౌండర్ ఇప్పుడు రైజర్స్లో భాగమయ్యాడు అని ఎక్స్లో పోస్ట్ చేసింది.
Also Read: Nagababu: రేపు ఎమ్మెల్సీ అభ్యర్థిగా నామినేషన్ దాఖలు చేయనున్న నాగబాబు
Welcome onboard 🧡
The all-rounder from 🇿🇦 is now a RISER 🔥#PlayWithFire pic.twitter.com/we4AfNuExc
— SunRisers Hyderabad (@SunRisers) March 6, 2025
ఛాంపియన్స్ ట్రోఫీలో దక్షిణాఫ్రికా ఆటగాడు వియాన్ ముల్డర్ మంచి ప్రదర్శన చేశాడు. ICC టోర్నమెంట్లో ముల్డర్ 3 మ్యాచ్లు ఆడాడు. ఇందులో అతని పేరు మీద 6 వికెట్లు ఉన్నాయి. అతను బ్యాటింగ్ ద్వారా కూడా తన జట్టుకు సహకారం అందించగలడు. దీంతో కార్స్ స్థానంలో సన్రైజర్స్ హైదరాబాద్ జట్టు అతన్ని చేర్చుకుంది.
వియాన్ ముల్డర్ తన అంతర్జాతీయ కెరీర్లో 3 ఫార్మాట్లలో దక్షిణాఫ్రికాకు అరంగేట్రం చేశాడు. అతను 18 టెస్టులు, 25 వన్డేలు, 11 టీ20 మ్యాచ్లు ఆడాడు. ఇందులో అతని పేరిట మొత్తం 970 పరుగులు ఉన్నాయి. ఇది కాకుండా ముల్డర్ మూడు ఫార్మాట్లలో కలిపి 60 వికెట్లు కూడా పడగొట్టాడు.
ఛాంపియన్స్ ట్రోఫీలో ఇంగ్లండ్ జట్టు సభ్యుడిగా ఉన్న కార్సే ఆస్ట్రేలియాతో మ్యాచ్ సందర్భంగా కాలి గాయానికి గురయ్యాడు. ఆ తర్వాత టోర్నీ నుంచి తప్పుకోవాల్సి వచ్చింది. IPL 2025 మెగా వేలంలో సన్రైజర్స్ హైదరాబాద్బ్రై డెన్ కార్స్ను కోటి రూపాయల బిడ్తో కొనుగోలు చేసింది.
Follow us
