Rohit Sharma: రోహిత్ శర్మ రికార్డు.. ప్రపంచంలోనే తొలి ఆటగాడిగా నిలిచిన హిట్ మ్యాన్..!
భారత్, ఆఫ్ఘనిస్థాన్ మధ్య మూడు మ్యాచ్‌ల టీ20 సిరీస్‌లో భాగంగా మొహాలీలోని ఎంసీఏ స్టేడియంలో తొలి మ్యాచ్ జరిగింది. ఈ మ్యాచ్‌లో టీమిండియా 6 వికెట్ల తేడాతో ఆఫ్ఘనిస్థాన్‌పై విజయం సాధించింది. ఈ మ్యాచ్‌లో రోహిత్ శర్మ (Rohit Sharma) 14 నెలల తర్వాత టీ20 క్రికెట్‌లోకి తిరిగి వచ్చాడు.
- By Gopichand Published Date - 07:56 AM, Fri - 12 January 24
Rohit Sharma: భారత్, ఆఫ్ఘనిస్థాన్ మధ్య మూడు మ్యాచ్‌ల టీ20 సిరీస్‌లో భాగంగా మొహాలీలోని ఎంసీఏ స్టేడియంలో తొలి మ్యాచ్ జరిగింది. ఈ మ్యాచ్‌లో టీమిండియా 6 వికెట్ల తేడాతో ఆఫ్ఘనిస్థాన్‌పై విజయం సాధించింది. ఈ మ్యాచ్‌లో రోహిత్ శర్మ (Rohit Sharma) 14 నెలల తర్వాత టీ20 క్రికెట్‌లోకి తిరిగి వచ్చాడు. ఈ మ్యాచ్‌లో రోహిత్ శర్మ బ్యాటింగ్‌లో పెద్దగా రాణించలేకపోయాడు. సున్నాకి ఔట్ అయిన తర్వాత కూడా T20 అంతర్జాతీయ క్రికెట్‌లో అతని పేరు మీద ప్రత్యేక విజయం నమోదు చేయబడింది.
టీ20 క్రికెట్‌లో 100 మ్యాచ్‌లు గెలిచిన ఏకైక ఆటగాడు
ఆఫ్ఘనిస్థాన్‌తో జరిగిన తొలి టీ20 మ్యాచ్‌లో రోహిత్ శర్మ సున్నాకి అవుటయ్యాడు. దీని తర్వాత కూడా టీ20 అంతర్జాతీయ క్రికెట్‌లో రోహిత్ శర్మ పేరిట ఓ ప్రత్యేక రికార్డు నమోదైంది. అంతర్జాతీయ టీ20 క్రికెట్‌లో 100 మ్యాచ్‌లు గెలిచిన తొలి ఆటగాడిగా రోహిత్ శర్మ నిలిచాడు. ఈ మ్యాచ్‌కు ముందు రోహిత్ శర్మ ఆటగాడిగా 99 టీ20 ఇంటర్నేషనల్ మ్యాచ్‌లు గెలిచిన రికార్డును కలిగి ఉన్నాడు. ఇప్పుడు ఆటగాడిగా 100 టీ20 ఇంటర్నేషనల్ మ్యాచ్‌లు గెలిచిన ప్రపంచంలోనే తొలి ఆటగాడిగా రోహిత్ నిలిచాడు.
మొహాలీ వేదికగా భారత్, ఆఫ్ఘనిస్థాన్ మధ్య జరిగిన తొలి టీ20 మ్యాచ్‌లో టీమిండియా 6 వికెట్ల తేడాతో ఘన విజయం సాధించింది. టీ20 చరిత్రలో ఆఫ్ఘనిస్థాన్‌పై భారత్‌కు ఇది ఐదో విజయం. ఈ మ్యాచ్‌లో శివమ్ దూబే ఆల్ రౌండ్ గేమ్‌తో భారత్ అద్భుత విజయం సాధించింది. తొలుత బ్యాటింగ్ చేసిన ఆఫ్ఘనిస్థాన్ 158 పరుగులు చేసింది. 159 పరుగుల లక్ష్యాన్ని 17.3 ఓవర్లలో టీమిండియా ఛేదించి సిరీస్‌లో 1-0 ఆధిక్యంలో నిలిచింది. శివమ్ దూబే ఆల్ రౌండ్ గేమ్‌తో భారత్ 6 వికెట్ల తేడాతో ఆఫ్ఘనిస్థాన్‌ను ఓడించింది.
Also Read: IND vs AFG 1st T20: దంచికొట్టిన దూబే: ఆఫ్ఘనిస్తాన్‌పై భారత్ 6 వికెట్ల తేడాతో విజయం
దూబే 40 బంతుల్లో 60 పరుగులు చేసి నాటౌట్‌గా నిలవగా, రింకు సింగ్ కూడా 9 బంతుల్లో 16 పరుగులతో వేగంగా ఇన్నింగ్స్ ఆడాడు. బౌలింగ్‌లో ఎడ్జ్ చూపించిన తర్వాత శివమ్ దూబే బ్యాటింగ్‌లో కూడా అద్భుతాలు చేశాడు. అతని T20 కెరీర్‌లో రెండవ అర్ధ సెంచరీని నమోదు చేశాడు. దూబే 38 బంతుల్లో 4 ఫోర్లు, ఒక సిక్స్ సాయంతో ఈ ఫీట్ సాధించాడు.
10 ఓవర్లలో భారత జట్టు 3 వికెట్లు కోల్పోయి 83 పరుగులు చేసింది. శివమ్ దూబే 26 పరుగులు చేసి ఆడుతుండగా, జితేష్ శర్మ 6 పరుగులు చేసి అతనికి మద్దతుగా నిలిచాడు. భారత జట్టుకు శుభారంభం లభించకపోవడంతో ఓపెనర్లిద్దరూ 4 ఓవర్లలోపే ఔటయ్యారు. ఇన్నింగ్స్ తొలి బంతికే రోహిత్ శర్మ రనౌట్ కాగా, ముజీబ్ వేసిన బంతికి శుభ్‌మన్ గిల్ స్టంపౌట్ అయ్యాడు.
We’re now on WhatsApp. Click to Join.
ముఖేష్ కుమార్, అక్షర్ పటేల్ అద్భుత బౌలింగ్ కారణంగా భారత్ తొలి టీ20 మ్యాచ్‌లో ఆఫ్ఘనిస్థాన్‌ను 158 పరుగులకే పరిమితం చేసింది. ముఖేష్ కుమార్, అక్షర్ పటేల్ 2-2 వికెట్లు తీయగా, శివమ్ దూబే ఒక వికెట్ తీశాడు. ఆఫ్ఘనిస్థాన్ తరఫున మహ్మద్ నబీ 27 బంతుల్లో గరిష్టంగా 42 పరుగులు చేశాడు.
