Rishabh Pant: రిషబ్ పంత్ చేతికి రూ. 27 కోట్లు వస్తాయా? కటింగ్ తర్వాత ఎంత వస్తుందో తెలుసా?
పంత్ ఉపకరణాలు, ప్రయాణం, బస, మేనేజర్ ఫీజు వంటి ఖర్చులను సర్దుబాటు చేసి కటౌటీ ప్రయోజనాన్ని పొందితే అతని చేతికి వచ్చే జీతం పెరగవచ్చు.
- Author : Gopichand
Date : 23-05-2025 - 3:52 IST
Published By : Hashtagu Telugu Desk
Rishabh Pant: రిషబ్ పంత్ (Rishabh Pant) ఐపీఎల్ చరిత్రలో అత్యంత ఖరీదైన ఆటగాడు. ఐపీఎల్ 2025 కోసం లక్నో సూపర్ జెయింట్స్ అతన్ని 27 కోట్ల రూపాయలకు కొనుగోలు చేసింది. అయితే, అతను తన ధరకు తగిన ప్రదర్శన చేయలేకపోయాడు. ఇప్పటివరకు ఆడిన 13 మ్యాచ్లలో పంత్ 13 సగటుతో కేవలం 151 పరుగులు మాత్రమే చేశాడు. ఇది ఐపీఎల్లో పంత్ అత్యంత చెత్త ప్రదర్శన. లక్నో అతన్ని కొనుగోలు చేసినప్పుడు అతని కెప్టెన్సీలో జట్టు మొదటి టైటిల్ గెలుస్తుందని ఆశించింది. కానీ ఈ సారి జట్టు లీగ్ దశ నుండే బయటకు వెళ్లిపోయింది. అయితే, అతనికి ఎంత మొత్తం చేరుతుందనేది ఇప్పుడు అందిరిలో మెదిలే ప్రశ్న.
ఐపీఎల్ 2025 కోసం జరిగిన వేలంలో చరిత్ర నమోదైంది. లక్నో పంత్ను 27 కోట్ల రూపాయలకు కొనుగోలు చేసింది. అతను చరిత్రలో అత్యంత ఖరీదైన ఆటగాడిగా నిలిచాడు. ఇంతకు ముందు అతను ఢిల్లీ క్యాపిటల్స్లో ఉన్నాడు. కానీ ఢిల్లీ అతన్ని రిటైన్ చేయలేదు. అయితే వేలంలో వారు రైట్ టు మ్యాచ్ (RTM) ఆప్షన్ను ఉపయోగించారు. కానీ లక్నో ఇంత పెద్ద మొత్తాన్ని బిడ్ చేసిన తర్వాత వారు వెనక్కి తగ్గారు.
Also Read: DK Aruna: ఎంపీ డీకే అరుణకు కేంద్ర ప్రభుత్వం కీలక బాధ్యత!
27 కోట్లలో పంత్ ఎంత పన్ను చెల్లించాలి?
పంత్కు పూర్తి 27 కోట్ల రూపాయలు లభించవు. అంచనా పన్ను గణన ప్రకారం.. పంత్ ప్రొఫెషనల్ ఆదాయం (27 కోట్ల రూపాయలు)పై 11.48 కోట్ల రూపాయల పన్ను విధించబడుతుంది. అతని ప్రొఫెషనల్ ఆదాయంపై 30 శాతం పన్ను విధించబడుతుంది. ఇది 8 కోట్ల 6 లక్షల రూపాయలు అవుతుంది. సర్ఛార్జ్ తర్వాత పన్ను 11.04 కోట్ల రూపాయలు అవుతుంది. అతని ఆదాయం 5 కోట్ల రూపాయల కంటే ఎక్కువ ఉన్నందున 37 శాతం సర్ఛార్జ్ వర్తిస్తుంది. ఆరోగ్యం, విద్యా సెస్ 4 శాతం జోడించిన తర్వాత అతని మొత్తం పన్ను 11.48 కోట్ల రూపాయలు అవుతుంది. అంటే పంత్ చేతికి 15.52 కోట్ల రూపాయలు వస్తాయి.
పంత్ ఉపకరణాలు, ప్రయాణం, బస, మేనేజర్ ఫీజు వంటి ఖర్చులను సర్దుబాటు చేసి కటౌటీ ప్రయోజనాన్ని పొందితే అతని చేతికి వచ్చే జీతం పెరగవచ్చు. న్యూస్18 ఎక్విలాక్ ఎగ్జిక్యూటివ్ డైరెక్టర్-టాక్స్, రాజర్షి దాస్గుప్తా ఉటంకిస్తూ.. “కొత్త పన్ను విధానం కింద పంత్ జట్టుతో సీజన్కు 27 కోట్ల రూపాయల సేవల నుండి భారత ప్రభుత్వం 10.53 కోట్ల రూపాయల పన్ను (30% ఆదాయ పన్ను, 25% సర్ఛార్జ్, 4% సెస్) వసూలు చేస్తుంది. దీని వల్ల పంత్కు సీజన్కు ఐపీఎల్ జట్టు నుండి 16.47 కోట్ల రూపాయల నికర జీతం లభిస్తుంది” అని అన్నారు. ఫ్రాంచైజీ ఈ మొత్తాన్ని చెల్లించేటప్పుడు 10 శాతం టీడీఎస్ కట్ చేస్తుంది. దీనిని పంత్ ఆదాయ పన్ను రిటర్న్ దాఖలు చేసేటప్పుడు తిరిగి పొందవచ్చు.
Follow us
