ఎంఎస్ ధోనీకి షాక్ ఇచ్చిన పోలీసులు!

MS Dhoni

MS Dhoni Fined: ఐపీఎల్ 2026 సీజన్‌కు ఎంఎస్ ధోనీ సిద్ధమవుతున్నారు. ఇప్పటికే ఆయన చెన్నైలో జరుగుతున్న సీఎస్కే శిక్షణ శిబిరంలో పాల్గొన్నారు. అయితే టోర్నీ ప్రారంభానికి ముందే ధోనీకి ఒక ఎదురుదెబ్బ తగిలింది. రాంచీలో వాహనాన్ని వేగంగా నడిపినందుకు ట్రాఫిక్ పోలీసులు ఆయనపై జరిమానా విధించారు.

ధోనీకి జరిమానా వివరాలు

ఎంఎస్ ధోనీపై మోటార్ వాహనాల చట్టం సెక్షన్ 183 కింద ఈ-చలాన్ జారీ చేయబడింది. ఇటీవల రాంచీలో ఒక నివాస స్థల వినియోగంపై జార్ఖండ్ స్టేట్ హౌసింగ్ బోర్డు జారీ చేసిన నోటీసుల వివాదం తర్వాత ఇప్పుడు ఈ ట్రాఫిక్ చలాన్ ధోనీకి మరో చిక్కుగా మారింది. ధోనీకి బైకులు, కార్లంటే ఎంత పిచ్చో అందరికీ తెలిసిందే. ఆయన రాంచీలో తరచుగా తన వాహనాలను స్వయంగా నడుపుతూ కనిపిస్తుంటారు.

Also Read: RCB అభిమానులకు గుడ్ న్యూస్!

ఐపీఎల్ 2026 సన్నాహాలు

ఐపీఎల్ 2026 మార్చి 28 నుండి ప్రారంభం కానుంది. అన్ని జట్లు తమ సన్నాహాలను వేగవంతం చేశాయి. ఎంఎస్ ధోనీ సీఎస్కే క్యాంపులో చేరి నెట్స్‌లో బ్యాటింగ్‌ ప్రాక్టీస్ చేస్తూ నిరంతరం శ్రమిస్తున్నారు. ఎంఎస్ ధోనీని సీఎస్కే 4 కోట్ల రూపాయలకు రిటైన్ చేసుకుంది. తన కెప్టెన్సీలో సీఎస్కేకు 5 సార్లు ట్రోఫీ అందించిన ధోనీ, ఈసారి రుతురాజ్ గైక్వాడ్ కెప్టెన్సీలో జట్టు 6వ టైటిల్ కోసం బరిలోకి దిగుతోంది.

సీఎస్కే జట్టులో మార్పులు

ఈ సీజన్‌లో సీఎస్కే జట్టు కొత్త ఉత్సాహంతో కనిపిస్తోంది. రవీంద్ర జడేజా స్థానంలో రాజస్థాన్ రాయల్స్ నుండి స్టార్ ఆటగాడు సంజూ శాంసన్‌ను ట్రేడ్ చేసుకున్నారు. అలాగే సర్ఫరాజ్ ఖాన్ వంటి విధ్వంసకర ఆటగాడు కూడా జట్టులో చేరారు. ధోనీని మైదానంలో చూడటానికి అభిమానులు ఎంతో ఆత్రుతగా ఎదురుచూస్తున్నారు.

Follow us