Most Sixes In Cricket: రోహిత్ శర్మ తన కెరీర్‌లో ఎన్ని సిక్సర్లు కొట్టాడో తెలుసా..?

Most Sixes In Cricket: భారత కెప్టెన్‌గా అద్భుతంగా రాణిస్తున్న‌ రోహిత్ శర్మ ప్రస్తుతం న్యూజిలాండ్‌తో టెస్టు సిరీస్‌కు సిద్ధమవుతున్నాడు. ప్రస్తుతం రోహిత్ రెండు ఫార్మాట్లలో దూకుడుగా బ్యాటింగ్ చేస్తున్నాడు. టెస్టు అయినా.. వన్డే అయినా రోహిత్‌.. ఇప్పుడు ప్రతిచోటా దూకుడుగా బ్యాటింగ్ చేస్తున్నాడు. అతను సిక్సర్లు కొట్టడంలో భారతదేశం అత్యంత విజయవంతమైన (Most Sixes In Cricket) ఫినిషర్ MS ధోనిని వెన‌క్కి నెట్ట‌డానికి ఇదే కారణం.

టీ20 ప్రపంచకప్ గెలిచిన తర్వాత భారత కెప్టెన్ ఇటీవలే టీ20 ఫార్మాట్ నుంచి రిటైర్మెంట్ తీసుకున్నాడు. కానీ వన్డే, టెస్టుల్లోనూ టీ-20 తరహాలో బ్యాటింగ్ చేస్తున్నాడు. ప్ర‌స్తుతం రోహిత్ దృష్టి న్యూజిలాండ్‌తో జరిగే సిరీస్‌పైనే ఉంది. ఈ సిరీస్‌ను గెలిచి ప్రపంచ టెస్టు ఛాంపియన్‌షిప్‌లో భారత జట్టు స్థానాన్ని ఖాయం చేయాలని రోహిత్ భావిస్తున్నాడు. అక్టోబర్ 16న న్యూజిలాండ్‌తో తొలి టెస్టు మ్యాచ్ జరగనుంది. అంతకుముందు బంగ్లాదేశ్‌తో జరిగిన టెస్టు సిరీస్‌లో భారత్ 2-0తో విజయం సాధించింది.

Also Read: Haryana CM Oath Ceremony: అక్టోబ‌ర్ 17న కొత్త సీఎం ప్ర‌మాణం.. ముఖ్య అతిథిగా ప్ర‌ధాని మోదీ

మూడు ఫార్మాట్లలో రోహిత్ ప్రదర్శన అద్భుతంగా ఉంది. భారత్ తరఫున అత్యధిక సిక్సర్లు కొట్టిన ఆటగాడు రోహితే. అంతే కాకుండా అత్యధిక సిక్సర్లు కొట్టిన వారిలో కూడా అతను ప్రపంచంలోనే మొదటి స్థానంలో ఉన్నాడు. రోహిత్ తన అంతర్జాతీయ కెరీర్‌లో ఇప్పటివరకు 485 మ్యాచ్‌లు ఆడి మొత్తం 623 సిక్సర్లు బాదాడు. ఐపీఎల్‌లో ఇప్పటివరకు 257 మ్యాచ్‌లు ఆడిన అతను 280 సిక్సర్లు బాదాడు.

సిక్సర్లు కొట్టే విషయంలో ఎంఎస్ ధోనీ, విరాట్ కోహ్లీ కంటే చాలా ముందున్నాడు. కెప్టెన్ కూల్ తన అంతర్జాతీయ కెరీర్‌లో 538 మ్యాచ్‌ల్లో 359 సిక్సర్లు కొట్టాడు. విరాట్ కోహ్లీ గురించి మాట్లాడుకుంటే..అతను ఇప్పటివరకు ఆడిన 535 అంతర్జాతీయ మ్యాచ్‌లలో 302 సిక్సర్లు కొట్టాడు. రోహిత్ కెరీర్ అద్భుతంగా సాగింది. ఇప్పటి వరకు ఆడిన 61 టెస్టు మ్యాచ్‌ల్లో 43.98 సగటుతో 4179 పరుగులు చేశాడు. అతను 265 వన్డే మ్యాచ్‌ల్లో 10886 పరుగులు చేయగా, 159 టీ-20 మ్యాచ్‌ల్లో 4231 పరుగులు చేశాడు.