BCCI Meet IPL Captains: ఐపీఎల్ ప్రారంభానికి ముందు బీసీసీఐ కీల‌క స‌మావేశం!

BCCI Meet IPL Captains: ఐపీఎల్ 2025 మార్చి 22 నుంచి ప్రారంభం కానుంది. అన్ని జట్లు కూడా తమ కెప్టెన్‌లను ప్రకటించాయి. మొదటి మ్యాచ్ ఆర్‌సీబీ, కేకేఆర్ జ‌ట్ల‌ మధ్య జరుగుతుంది. అయితే సీజన్ ప్రారంభానికి ముందు భారత క్రికెట్ కంట్రోల్ బోర్డు IPL 2025 మొత్తం 10 మంది కెప్టెన్‌లను (BCCI Meet IPL Captains) ముంబైకి పిలిపించింది.

బీసీసీఐ సమావేశాన్ని ఏర్పాటు చేసింది

మార్చి 20న బీసీసీఐ ప్రధాన కార్యాలయంలో ఐపీఎల్ 2025కి సంబంధించిన మొత్తం 10 మంది కెప్టెన్ల సమావేశాన్ని బోర్డు పిలిచింది. కెప్టెన్లతో పాటు మొత్తం 10 ఫ్రాంచైజీల మేనేజర్లు కూడా హాజరు కావాలని కోరారు. క్రిక్‌బజ్ ప్రకారం.. క్రికెట్ సెంటర్‌లో జరిగే సమావేశం దాదాపు 1 గంట పాటు కొనసాగుతుంది. ఈ సమయంలో అన్ని జట్ల కెప్టెన్లకు కొత్త నిబంధనల గురించి తెలియ‌జేయ‌నున్నారు. దీని తర్వాత తాజ్ హోటల్‌లో మరికొన్ని కార్యక్రమాలు కూడా నిర్వహించనున్నారు. మొత్తంమీద ఈవెంట్ దాదాపు 4 గంటల పాటు కొనసాగుతుంది. ఇది కెప్టెన్లందరి సంప్రదాయ ఫోటో షూట్‌తో ముగుస్తుంది.

Also Read: Uppal Stadium: హైద‌రాబాద్‌లో 9 ఐపీఎల్ మ్యాచ్‌లు.. ఉప్ప‌ల్ స్టేడియంలోకి ఇవి నిషేధం!

IPL 2025 కెప్టెన్లందరి జాబితా

ఐదుసార్లు విజేతగా నిలిచిన ముంబై ఇండియన్స్‌కు హార్దిక్ పాండ్యా బాధ్యతలు చేపట్టనున్నాడు. కాగా, సన్‌రైజర్స్ హైదరాబాద్ నుంచి పాట్ కమిన్స్ కెప్టెన్సీని చేపట్టనున్నాడు. దీంతో పాటు ఈసారి RCB కెప్టెన్సీ బాధ్యతలను రజత్ పటీదార్‌, CSKకి రుతురాజ్ గైక్వాడ్ నాయ‌క‌త్వ బాధ్య‌త‌ల‌ను దక్కించుకున్నారు. రిషబ్ పంత్ తొలిసారిగా ఎల్‌ఎస్‌జీకి కమాండ్‌ని తీసుకోనున్నాడు. దీంతో పాటు పంజాబ్ కింగ్స్‌కు శ్రేయాస్ అయ్యర్, 2008 విజేత రాజస్థాన్ రాయల్స్‌కు సంజూ శాంసన్ కెప్టెన్‌గా వ్యవహరిస్తారు. అయితే ఈసారి గ‌త ఏడాది విన్న‌ర్ KKR అజింక్యా రహానేపై విశ్వాసం వ్యక్తం చేసింది. అయితే గుజరాత్ టైటాన్స్‌కు గిల్ కెప్టెన్‌గా బాధ్య‌త‌లు వ‌హించ‌నున్నాడు.

IPL 2025లో మొత్తం 10 జట్ల కెప్టెన్‌ల జాబితా

చెన్నై సూపర్ కింగ్స్ (CSK) – రుతురాజ్ గైక్వాడ్
లక్నో సూపర్ జెయింట్స్ (LSG) – రిషబ్ పంత్
రాజస్థాన్ రాయల్స్ (RR) – సంజు శాంసన్
సన్‌రైజర్స్ హైదరాబాద్ (SRH) – పాట్ కమిన్స్ (విదేశీయుడు)
రాయల్ ఛాలెంజర్స్ బెంగళూరు (RCB) – రజత్ పాటిదార్
పంజాబ్ కింగ్స్ (PBKS) – శ్రేయాస్ అయ్యర్
ముంబై ఇండియన్స్ (MI) – హార్దిక్ పాండ్యా
కోల్‌కతా నైట్ రైడర్స్ (కెకెఆర్) – అజింక్య రహానే
గుజరాత్ టైటాన్స్ (GT) – శుభమాన్ గిల్
ఢిల్లీ క్యాపిటల్స్ (DC) – అక్షర్ పటేల్