IPL 2024: హార్దిక్ కి అండగా దాదా.. అతని తప్పేముందంటూ మద్దతు

IPL 2024: బలమైన జట్టుగా బరిలోకి దిగిన ముంబై ఇండియన్స్ ఈ సీజన్లో తీవ్రంగా నిరాశ పరుస్తుంది. ఇప్పటివరకు ఆడిన మూడు మ్యాచుల్లోనూ ఓడి ముంబై అభిమానుల్ని నిరాశకు గురి చేసింది. హార్దిక్ పాండ్యా కెప్టెన్సీలో ముంబై ఈ పరిస్థితిలో కొనసాగడంపై ఫ్యాన్స్ హార్దిక్ ని నిందితుడిగా చూస్తున్నారు. ముంబై ఆడిన అన్ని మైదానాల్లో హార్దిక్ ని ట్రోల్స్ చేస్తున్నారు. ఎగతాళిగా కామెంట్స్ చేస్తున్నారు. హార్దిక్ చేసే ప్రతీ పనిలో తప్పును వెతుకుతున్నారు. స్టేడియంలో అనేక సార్లు ప్రేక్షకులు హార్దిక్‌ను చూసి రోహిత్ శర్మకు అనుకూలంగా నినాదాలు చేశారు. ఈ క్రమంలో హార్దిక్ కాళ్లలో నీళ్లు తిరిగిన సందర్భాలున్నాయి. అయితే హార్దిక్ కి చాలా తక్కువ మంది మద్దతు తెలుపుతున్నారు. తాజాగా హార్దిక్ విషయంలో బీసీసీఐ మాజీ చీఫ్ సౌరవ్ గంగూలీ కీలక వ్యాఖ్యలు చేశాడు.

రోహిత్ శర్మను కెప్టెన్సీ నుంచి తప్పించడంపై అభిమానులు ఆగ్రహం వ్యక్తం చేస్తూ మిడిల్ ఫీల్డ్‌లో హార్దిక్‌పై తీవ్ర స్థాయిలో విరుచుకుపడుతున్నారు. కాగా, హార్దిక్‌కు భారత మాజీ కెప్టెన్ సౌరవ్ గంగూలీ మద్దతు లభించింది. హార్దిక్ పట్ల అభిమానుల ప్రవర్తన ఏమాత్రం సరిగా లేదని దాదా అంటున్నాడు. ఢిల్లీ క్యాపిటల్స్‌ క్రికెట్‌ డైరెక్టర్‌ సౌరవ్‌ గంగూలీ విలేకరులతో మాట్లాడుతూ.. హార్దిక్‌ పాండ్యాపై విమర్శలు సరైనవని నేను అనుకోవడం లేదు.. ఇది ఏమాత్రం సరికాదు.. ఫ్రాంచైజీ హార్దిక్‌ని కెప్టెన్‌గా చేసింది.. క్రీడల్లో ఇదే జరుగుతుందని చెప్పాడు.

We’re now on WhatsApp. Click to Join

రేపు వాంఖడే వేదికగా ఢిల్లీతో ముంబై బరిలోకి దిగనుంది. రేపటి మ్యాచ్ కి సూర్యకుమారి అందుబాటులో ఉంటాడని తెలుస్తుంది. వాంఖడే సూర్యకుమార్‌కు హోమ్ గ్రౌండ్. కాబట్టి సూర్య తన సొంత గ్రౌండ్ లోనే రీ ఎంట్రీ ఇవ్వనున్నాడు. టీ20 ర్యాంకింగ్స్‌లో నంబర్ వన్ బ్యాటర్‌గా కొనసాగుతోన్న సూర్య బరిలోకి దిగితే ముంబై ఇండియన్స్‌ పరిస్థితి పూర్తిగా మారొచ్చు. ఒంటి చేత్తో జట్టును గెలిపించగల సత్తా ఉన్న సూర్య మెరుపులు చూసేందుకు ఫ్యాన్స్ కూడా ఆతృతగా ఉన్నారు.

Alsso Read: Nayanthara : ఆ స్టార్ హీరో వలనే నయనతార.. విఘ్నేశ్‌ శివన్‌తో ప్రేమలో పడిందట..