Virat Kohli Records: టీమిండియా వ‌ర్సెస్ బంగ్లాదేశ్‌.. కోహ్లీ ముందు రెండు రికార్డులు..!

Virat Kohli

Virat Kohli Records: సెప్టెంబర్ 19 నుంచి భారత్, బంగ్లాదేశ్ మధ్య టెస్టు సిరీస్ ప్రారంభం కానుంది. ఈ సిరీస్‌లో తొలి మ్యాచ్‌లో భారత మాజీ కెప్టెన్ విరాట్ కోహ్లీ తన పేరిట ఓ భారీ రికార్డు (Virat Kohli Records) సృష్టించే అవకాశం ఉంది. చెన్నైలోని చెపాక్ స్టేడియంలో సెంచరీ చేయడంలో విరాట్ విజ‌యం సాధిస్తే టెస్టుల్లో అతడికి 30 సెంచరీలు అవుతాయి. ఇదే జరిగితే ఆస్ట్రేలియా దిగ్గజం సర్ డాన్ బ్రాడ్‌మన్‌ను విరాట్ అధిగ‌మించ‌గ‌ల‌డు. విరాట్ ఇప్పటివరకు 113 టెస్టులు ఆడగా.. అందులో 29 సెంచరీలు చేశాడు. బ్రాడ్‌మాన్ 52 మ్యాచ్‌ల్లోనే 29 సెంచరీలు సాధించాడు.

విరాట్ నాలుగో స్థానంలో ఉన్నాడు

టీమిండియా తరఫున అత్యధిక టెస్టు సెంచరీలు సాధించిన ఆటగాళ్లలో విరాట్ నాలుగో స్థానంలో ఉన్నాడు. ఈ జాబితాలో అతని కంటే ముందు సునీల్ గవాస్కర్, రాహుల్ ద్రవిడ్, సచిన్ టెండూల్కర్ ఉన్నారు. గవాస్కర్ 125 టెస్టుల్లో 34 సెంచరీలు చేయగా, ద్రావిడ్ 163 మ్యాచ్‌ల్లో 36 సెంచరీలు సాధించాడు. మాస్టర్ బ్లాస్టర్ సచిన్ 51 సెంచరీలతో అగ్రస్థానంలో ఉన్నాడు. ప్రస్తుతం టెస్టుల్లో అత్యధిక సెంచరీలు చేసిన బ్యాట్స్‌మెన్‌గా సచిన్‌ నిలిచాడు.

Also Read: Sonam Kapoor Father In Law: రూ. 230 కోట్ల‌తో ఇంటిని కొనుగోలు చేసిన సోన‌మ్ క‌పూర్ మామ‌.. ఎక్క‌డంటే..?

27 వేల పరుగులకు చేరువలో విరాట్

బంగ్లాదేశ్‌తో జరిగే తొలి టెస్టులో విరాట్ టెస్టు, వన్డే, టీ-20 మూడు ఫార్మాట్లలో కలిపి 27 వేల పరుగులు సాధించే అవకాశం ఉంది. ప్రస్తుతం విరాట్‌ పేరిట 26,942 పరుగులు ఉన్నాయి. ఇలాంటి పరిస్థితుల్లో చెపాక్‌లో విరాట్ 58 పరుగులు చేస్తే అంతర్జాతీయంగా 27 వేల పరుగులు చేసిన నాలుగో బ్యాట్స్‌మెన్‌గా రికార్డులకెక్కుతాడు. అతని కంటే ముందు సచిన్, ఆస్ట్రేలియా ఆటగాడు రికీ పాంటింగ్, శ్రీలంక ఆటగాడు కుమార సంగక్కర ఈ రికార్డు సృష్టించారు.

తొలి టెస్టు మ్యాచ్‌కు టీమిండియా జ‌ట్టు

రోహిత్ శర్మ (కెప్టెన్), యశస్వి జైస్వాల్, శుభ్‌మన్ గిల్, విరాట్ కోహ్లీ, కేఎల్ రాహుల్, సర్ఫరాజ్ ఖాన్, రిషబ్ పంత్, ధృవ్ జురెల్ (వికెట్ కీపర్), రవిచంద్రన్ అశ్విన్, రవీంద్ర జడేజా, అక్షర్ పటేల్, కుల్దీప్ యాదవ్, మహ్మద్ సిరాజ్, ఆకాశ్ దీప్, జస్ప్రీత్ బుమ్రా, యష్ దయాల్.

Follow us