India Squad: సౌతాఫ్రికాతో టీ20 సిరీస్కు భారత్ జట్టు ఇదే.. కెప్టెన్ ఎవరంటే?
భారత క్రికెట్ నియంత్రణ మండలి ఈ రోజు టీ20 వరల్డ్ కప్ 2026 కోసం టీమ్ ఇండియా జెర్సీని విడుదల చేసింది. భారత్, దక్షిణాఫ్రికా మధ్య రాయ్పూర్లో జరిగిన రెండో వన్డే మ్యాచ్ ఇన్నింగ్స్ విరామ సమయంలో ఈ కార్యక్రమం జరిగింది.
- Author : Gopichand
Date : 03-12-2025 - 6:37 IST
Published By : Hashtagu Telugu Desk
India Squad: దక్షిణాఫ్రికాతో జరగబోయే ఐదు మ్యాచ్ల టీ20 సిరీస్ కోసం బీసీసీఐ టీమ్ ఇండియా జట్టు (India Squad) ను ప్రకటించింది. ఉప-కెప్టెన్ శుభ్మన్ గిల్ జట్టులోకి తిరిగి వచ్చాడు. మెడ గాయం కారణంగా అతను దక్షిణాఫ్రికాతో జరుగుతున్న వన్డే సిరీస్కు దూరంగా ఉన్నాడు. ఈ జట్టుకు కెప్టెన్గా సూర్యకుమార్ యాదవ్ వ్యవహరించనున్నారు. భారత్- దక్షిణాఫ్రికా మధ్య ఐదు మ్యాచ్ల టీ20 సిరీస్ డిసెంబర్ 9 నుండి డిసెంబర్ 19 వరకు జరగనుంది.
డిసెంబర్ 9 నుండి ప్రారంభమయ్యే ఐదు మ్యాచ్ల టీ20 సిరీస్ కోసం బీసీసీఐ 15 మంది సభ్యుల భారత జట్టును ప్రకటించింది. సెలెక్టర్లు 2025 ఆసియా కప్లో ఆడిన జట్టునే ఎంచుకున్నారు. వరుణ్ చక్రవర్తి, వాషింగ్టన్ సుందర్, అక్షర్ పటేల్, కుల్దీప్ యాదవ్ రూపంలో నలుగురు స్పిన్నర్లు ఉన్నారు. అదనంగా 15 మంది సభ్యుల జట్టులో జస్ప్రీత్ బుమ్రా, అర్ష్దీప్ సింగ్, హర్షిత్ రాణా రూపంలో ముగ్గురు పేసర్లు ఉన్నారు. బ్యాటింగ్ విభాగంలో కెప్టెన్ సూర్యకుమార్ యాదవ్, ఉప-కెప్టెన్ శుభ్మన్ గిల్, అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, జితేష్ శర్మ, సంజు శాంసన్ ఉన్నారు. జితేష్, శాంసన్ రూపంలో ఇద్దరు వికెట్ కీపర్లు అందుబాటులో ఉన్నారు.
Also Read: Flop Cars: భారత మార్కెట్లో అత్యంత తక్కువగా అమ్ముడైన కార్లు ఇవే!
టీ20 షెడ్యూల్ ఇదే!
- తొలి టీ20- డిసెంబర్ 9, కటక్
- రెండో టీ20- డిసెంబర్ 11, న్యూ చండీగఢ్
- మూడో టీ20- డిసెంబర్ 14, ధర్మశాల
- నాల్గవ టీ20- డిసెంబర్ 17, లక్నో
- ఐదో టీ20- డిసెంబర్ 19, అహ్మదాబాద్
టీ20 సిరీస్ కోసం భారత జట్టు
- సూర్యకుమార్ యాదవ్ (కెప్టెన్), శుభ్మన్ గిల్ (ఉప-కెప్టెన్), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేష్ శర్మ, సంజు శాంసన్, జస్ప్రీత్ బుమ్రా, వరుణ్ చక్రవర్తి, అర్ష్దీప్ సింగ్, కుల్దీప్ యాదవ్, హర్షిత్ రాణా, వాషింగ్టన్ సుందర్.
టీమిండియా కొత్త జెర్సీ విడుదల
భారత క్రికెట్ నియంత్రణ మండలి ఈ రోజు టీ20 వరల్డ్ కప్ 2026 కోసం టీమ్ ఇండియా జెర్సీని విడుదల చేసింది. భారత్, దక్షిణాఫ్రికా మధ్య రాయ్పూర్లో జరిగిన రెండో వన్డే మ్యాచ్ ఇన్నింగ్స్ విరామ సమయంలో ఈ కార్యక్రమం జరిగింది. ఈ మ్యాచ్లో రుతురాజ్ గైక్వాడ్, విరాట్ కోహ్లీ అద్భుతమైన సెంచరీల సహాయంతో భారత్ 50 ఓవర్లలో 358 పరుగులు చేసింది. ముఖ్యంగా టీ20 ప్రపంచ కప్ 2026 టోర్నమెంట్ ఫిబ్రవరి 7 నుండి మార్చి 8 వరకు జరగనుండగా.. శ్రీలంకతో పాటు భారత్ సహ-ఆతిథ్యం ఇస్తుంది.
India's jersey for #t20worldcup2026 #TeamIndia #INDvsSA pic.twitter.com/376CAa3eDY
— Aakash Biswas (@aami_aakash) December 3, 2025
జెర్సీ విషయానికి వస్తే ముదురు నీలం రంగు ఆధిపత్యాన్ని కొనసాగిస్తుంది. అయితే ఆరెంజ్ రంగు జెర్సీ వైపులా ఉంది. ఆసక్తికరంగా భారత జెండాలోని త్రివర్ణ పతాకం రంగులు జెర్సీ కాలర్కు మారాయి. అంతేకాకుండా జెర్సీపై నిలువుగా నీలి రంగు చారలు కూడా ఉన్నాయి. బీసీసీఐ కార్యదర్శి దేవాజిత్ సైకియా, అడిడాస్ అధికారి రోహిత్ శర్మ, తిలక్ వర్మలకు టీ20 ప్రపంచ కప్ జెర్సీలను అందించగా, వారు వేదికపై దానిని ఆవిష్కరించారు.
Follow us
