IND vs ENG: ఇంగ్లండ్ వర్సెస్ భారత్.. పూర్తి షెడ్యూల్ ఇదే..!
2026లో భారత్ ఇంగ్లండ్లో వన్-ఆఫ్ మ్యాచ్ కోసం పర్యటిస్తున్నప్పుడు లార్డ్స్ తన తొలి మహిళల టెస్టు మ్యాచ్కు ఆతిథ్యం ఇస్తుందని ECB తెలిపింది. లార్డ్స్ క్రికెట్ గ్రౌండ్ 210 ఏళ్ల చరిత్రలో మహిళల టెస్టు నిర్వహించడం ఇదే తొలిసారి.
- By Gopichand Published Date - 11:26 PM, Thu - 22 August 24
![IND vs ENG: ఇంగ్లండ్ వర్సెస్ భారత్.. పూర్తి షెడ్యూల్ ఇదే..!](https://d1x8bgrwj9curj.cloudfront.net/wp-content/uploads/2024/02/IND-vs-ENG-3rd-Test-Rohit-Sharma-and-Ravindra-Jadeja-show-puts-India-in-front-on-Day-1.jpg)
IND vs ENG: వచ్చే ఏడాది భారత్, ఇంగ్లండ్ జట్ల మధ్య జరగనున్న మ్యాచ్ల షెడ్యూల్ను ఇంగ్లండ్ క్రికెట్ బోర్డు (ఈసీబీ) ప్రకటించింది. భారత పురుషుల, మహిళల జట్లు జూన్ 2025లో ఇంగ్లాండ్లో (IND vs ENG) పర్యటించనున్నాయి. పురుషుల జట్టు జూన్ 20 నుండి ఆగస్టు 4, 2025 వరకు ఐదు మ్యాచ్ల టెస్ట్ సిరీస్ను ఆడనుండగా, మహిళల జట్టు జూన్ 28 నుండి జూలై 12 వరకు ఐదు టెస్ట్ మ్యాచ్లలో పాల్గొంటుంది. దీంతో పాటు ఈసీబీ చారిత్రాత్మక మ్యాచ్ని ప్రకటించింది. ఇది భారత్, ఇంగ్లండ్ మహిళల జట్ల మధ్య జరగనుంది. క్రికెట్ మక్కా లార్డ్స్ మైదానం ఈ మ్యాచ్కు వేదిక కానుంది.
లార్డ్స్ వేదికగా మహిళల తొలి టెస్టు మ్యాచ్ జరగనుంది
2026లో భారత్ ఇంగ్లండ్లో వన్-ఆఫ్ మ్యాచ్ కోసం పర్యటిస్తున్నప్పుడు లార్డ్స్ తన తొలి మహిళల టెస్టు మ్యాచ్కు ఆతిథ్యం ఇస్తుందని ECB తెలిపింది. లార్డ్స్ క్రికెట్ గ్రౌండ్ 210 ఏళ్ల చరిత్రలో మహిళల టెస్టు నిర్వహించడం ఇదే తొలిసారి. ఈ మ్యాచ్ 2026 వేసవిలో జరుగుతుంది. లార్డ్స్ క్రికెట్ గ్రౌండ్ 1814లో స్థాపించబడింది. అయితే మొదటి అంతర్జాతీయ మ్యాచ్ 21 జూలై- 23 జూలై 1884 మధ్య జరిగింది.
Also Read: NPCIL Jobs : టెన్త్, ఇంటర్ పాసయ్యారా ? గవర్నమెంట్ జాబ్ పొందే అవకాశం
దీంతో పాటు వెస్టిండీస్తో జరిగే షెడ్యూల్ను కూడా ఈసీబీ ప్రకటించింది. వెస్టిండీస్ మహిళల, పురుషుల జట్లు సంయుక్తంగా పర్యటించనున్నాయి. దీంతో పాటు జింబాబ్వేతో మే 22 నుంచి మే 25 వరకు నాటింగ్హామ్లో ఏకైక టెస్టు మ్యాచ్ జరగనుంది.
భారత జట్టు షెడ్యూల్
జూన్ 20 నుంచి 24 వరకు లీడ్స్లో ఇంగ్లండ్తో టీమిండియా తొలి టెస్టు మ్యాచ్ ఆడనుంది. దీని తర్వాత భారత జట్టు రెండవ మ్యాచ్ జూలై 2-6 వరకు బర్మింగ్హామ్లో జరుగుతుంది. జూలై 10-14 వరకు లార్డ్స్లో మూడో టెస్టు, జూలై 23-27 వరకు మాంచెస్టర్లో నాలుగో టెస్టు జరగనుంది. పురుషుల జట్టు చివరి మ్యాచ్ జూలై 31 నుండి జూలై 4, 2025 వరకు ది ఓవల్లో జరుగుతుంది.
భారత్, ఇంగ్లండ్ మహిళల జట్ల మధ్య మ్యాచ్లు ఎప్పుడు జరుగుతాయి?
ఐదు మ్యాచ్ల టీ-20 సిరీస్తో మహిళల జట్టు పర్యటన ప్రారంభం కానుంది. ఆ తర్వాత మూడు వన్డేల సిరీస్ ఆడనుంది. భారత మహిళల జట్టు తన మొదటి మ్యాచ్ని నాటింగ్హామ్లో 28 జూన్ 2025న ఆడనుంది. రెండో మ్యాచ్ జూలై 1న బ్రిస్టల్లో, మూడో మ్యాచ్ జూలై 4న ఓవల్లో, నాలుగో మ్యాచ్ జూలై 9న మాంచెస్టర్లో, ఐదవ మ్యాచ్ జూలై 12న ఎడ్జ్బాస్టన్లో జరుగుతాయి. ఆ తర్వాత మూడు వన్డేల సిరీస్ ప్రారంభం కానుంది. మొదటి మ్యాచ్ జూలై 16న సౌతాంప్టన్లో, రెండవది జూలై 19న లార్డ్స్లో, మూడో మ్యాచ్ జూలై 22న డర్హామ్లో జరుగుతుంది.
We’re now on WhatsApp. Click to Join.
![https://d1x8bgrwj9curj.cloudfront.net/wp-content/uploads/2023/09/Drreddy.jpg](https://d1x8bgrwj9curj.cloudfront.net/wp-content/uploads/2023/09/Drreddy.jpg)
Related News
![Cricket Umpire: క్రికెటర్లు మాత్రమే అంపైర్లు కాగలరా? వారి జీతం ఎంత ఉంటుంది..?](https://d1x8bgrwj9curj.cloudfront.net/wp-content/uploads/2024/09/safeimagekit-Screenshot-2024-09-12-132615_11zon.png)
Cricket Umpire: క్రికెటర్లు మాత్రమే అంపైర్లు కాగలరా? వారి జీతం ఎంత ఉంటుంది..?
అంపైర్ కావాలంటే ముందుగా స్టేట్ క్రికెట్ అసోసియేషన్లో రిజిస్టర్ చేసుకోవాలి. స్థానిక మ్యాచ్లలో అంపైరింగ్ చేసిన అనుభవం ఆధారంగా ఈ నమోదు జరుగుతుంది.