మైదానంలో గొడ‌వ ప‌డిన పాండ్యా, ముర‌ళీ కార్తీక్‌.. వీడియో వైర‌ల్‌!

Pandya- Kartik Fight

Pandya- Kartik Fight: భారత్- న్యూజిలాండ్ మధ్య జరుగుతున్న ఐదు మ్యాచ్‌ల టీ20 సిరీస్‌లో హార్దిక్ పాండ్యా ఆడుతున్నారు. ఈ సిరీస్‌లో భాగంగా రెండో మ్యాచ్ గత శుక్రవారం (జనవరి 23) రాయ్‌పూర్‌లో జరిగింది. అయితే ఈ మ్యాచ్‌కు ముందు సోషల్ మీడియాలో ఒక వీడియో విపరీతంగా వైరల్ అయ్యింది. అందులో హార్దిక్ పాండ్యా, మాజీ క్రికెటర్ మురళీ కార్తీక్ మధ్య తీవ్రమైన వాగ్వాదం జరిగినట్లు కనిపిస్తోంది.

వీడియోలో హార్దిక్ పాండ్యా ప్రాక్టీస్ కోసం మైదానంలోకి వెళ్తుండగా చూడవచ్చు. మైదానంలోకి ప్రవేశించగానే హార్దిక్, మురళీ కార్తీక్‌తో ఏదో మాట్లాడుతారు. ఆ సంభాషణ మెల్లమెల్లగా తీవ్ర రూపం దాల్చినట్లు కనిపిస్తుంది. వారిద్దరి హావభావాలను చూస్తుంటే ఒకరిపై ఒకరు గొడవ పడుతున్నట్లు అనిపిస్తుంది.

Also Read: బ్యాంకుల‌కు వ‌రుస‌గా మూడు రోజులపాటు సెల‌వులు!

SHOCKING 😲 Hardik Pandya angry on Murali Kartik before 2nd t20i start against New Zealand in Raipur 🤔

Big Lafda between Hardik & Kartik 💀pic.twitter.com/1tnJ4Zb9ka

— Cricket Central (@CricketCentrl) January 23, 2026

పెద్ద గొడవ

ఈ వీడియోను షేర్ చేస్తూ హార్దిక్, మురళీ కార్తీక్ మధ్య పెద్ద గొడవ జరిగిందని నెటిజన్లు క్లెయిమ్ చేస్తున్నారు. న్యూజిలాండ్‌తో జరిగిన రెండో టీ20 మ్యాచ్‌ ప్రారంభానికి ముందు ఈ ఘటన జరిగినట్లు తెలుస్తోంది. వీడియో క్యాప్షన్‌లో ఇలా రాశారు. రాయ్‌పూర్‌లో న్యూజిలాండ్‌తో జరిగిన రెండో టీ20కి ముందు హార్దిక్ పాండ్యా, మురళీ కార్తీక్‌పై కోప్పడ్డారు. వీరిద్దరి మధ్య పెద్ద గొడ‌వ జరిగిందని పేర్కొన్నారు. అయితే ఈ గొడవకు సంబంధించి ఎటువంటి అధికారిక ధృవీకరణ లేదు.

చాలా సేపు చర్చ

వీడియోలో గమనించదగ్గ విషయం ఏమిటంటే.. హార్దిక్- మురళీ కార్తీక్ మధ్య చాలా సేపు చర్చ జరిగింది. మొదట హార్దిక్ మాట్లాడుతూ కొంచెం దూరం వెళ్ళిపోయారు. ఆ తర్వాత మళ్ళీ ఇద్దరూ ఒకరికొకరు దగ్గరకు వచ్చి మాట్లాడుకున్నారు.

న్యూజిలాండ్ సిరీస్‌లో హార్దిక్ పాండ్యా ప్రదర్శన

నాగ్‌పూర్‌లో జరిగిన మొదటి టీ20లో హార్దిక్ బ్యాటింగ్, బౌలింగ్ రెండింటిలోనూ రాణించారు. బ్యాటింగ్‌లో 25 పరుగులు చేయగా బౌలింగ్‌లో 1 వికెట్ తీశారు. ఇక రెండో టీ20లో హార్దిక్‌కు బ్యాటింగ్ చేసే అవకాశం రాలేదు కానీ బౌలింగ్‌లో ఒక వికెట్‌ను తన ఖాతాలో వేసుకున్నారు.

Follow us