T20 World Cup 2026: టీ20 వరల్డ్ కప్ 2026 షెడ్యూల్ విడుదల.. భారత్-పాకిస్తాన్ మ్యాచ్‌ ఎప్పుడంటే?

T20 World Cup 2026: టీ20 వరల్డ్ కప్ 2026 (T20 World Cup 2026) షెడ్యూల్‌ను ప్రకటించారు. ఈ టోర్నమెంట్‌లో మొత్తం 55 మ్యాచ్‌లు 8 వేదికల్లో ఆడనున్నారు. ప్రపంచ కప్ ఫిబ్రవరి 7న ప్రారంభమై, ఫైనల్ మ్యాచ్ మార్చి 8న జరగనుంది. టీమ్ ఇండియా తన ప్రయాణాన్ని ఫిబ్రవరి 7న అమెరికా (USA)తో ప్రారంభించనుంది. భారత్‌ను గ్రూప్-ఎలో పాకిస్తాన్, నెదర్లాండ్స్, నమీబియా, అమెరికాతో పాటు ఉంచారు. అంటే మరోసారి భారత్-పాకిస్తాన్ మధ్య హై-వోల్టేజ్ మ్యాచ్‌ను చూడనున్నాం. ఎప్పుడు, ఎక్కడ ఈ మహా పోరు జరగనుందో ఇప్పుడు తెలుసుకుందాం.

భారత్-పాకిస్తాన్ మహా పోరు ఎప్పుడు?

• టీ20 వరల్డ్ కప్ 2026లో భారత్- పాకిస్తాన్ మధ్య మహా పోరు ఫిబ్రవరి 15న జరగనుంది.
• ఈ మ్యాచ్‌కి శ్రీలంకలోని ఆర్ ప్రేమదాస క్రికెట్ స్టేడియం ఆతిథ్యం ఇవ్వనుంది.
• టీ20 ప్రపంచకప్‌లో పాకిస్తాన్‌పై భారత జట్టుకు అద్భుతమైన రికార్డు ఉంది.

Also Read: Baba Vanga: భ‌య‌పెడుతున్న బాబా వంగా భవిష్యవాణి!

The schedule for ICC Men’s @T20WorldCup 2026 is here! 📅

The matches and groups were unveiled at a gala event in Mumbai led by ICC Chairman @JayShah, and with new tournament ambassador @ImRo45 and Indian team captains @surya_14kumar and Harmanpreet Kaur in attendance.

✍️:… pic.twitter.com/fsjESpJPlE

— ICC (@ICC) November 25, 2025

సూర్యకుమార్ యాదవ్ కెప్టెన్సీలో టీమ్ ఇండియా 2025 ఆసియా కప్‌లో పాకిస్తాన్‌ను మూడుసార్లు ఓడించింది. ఫైనల్ మ్యాచ్‌లో కూడా భారత జట్టు పాకిస్తాన్‌ను ఓడించి ఛాంపియన్‌గా నిలిచింది. ఈ నేపథ్యంలో టీమిండియా ఇదే బలమైన రికార్డును టీ20 ప్రపంచకప్‌లో కూడా కొనసాగించాలని కోరుకుంటుంది.

టీమ్ ఇండియా పూర్తి షెడ్యూల్

• ఫిబ్రవరి 7- అమెరికా (USA)- వేదిక వివరాలు ఇవ్వలేదు
• ఫిబ్రవరి 12- నమీబియా- న్యూఢిల్లీ
• ఫిబ్రవరి 15- పాకిస్తాన్- శ్రీలంక (ఆర్ ప్రేమదాస స్టేడియం)
• గ్రూప్ చివరి మ్యాచ్- నెదర్లాండ్స్- అహ్మదాబాద్

ఫైనల్ మ్యాచ్ వేదికపై ఉత్కంఠ

టోర్నమెంట్ ఫైనల్ మ్యాచ్ మార్చి 8న జరగనుంది. అయితే ఫైనల్ వేదిక అనేది పాకిస్తాన్ టైటిల్ పోరుకు చేరుతుందా లేదా అనే దానిపై ఆధారపడి ఉంటుంది. ఒకవేళ పాకిస్తాన్ ఫైనల్‌కు చేరుకోవడంలో విజయం సాధిస్తే టైటిల్ మ్యాచ్ కొలంబోలో జరుగుతుంది. పాకిస్తాన్ ఫైనల్‌కు చేరుకోలేకపోతే టైటిల్ మ్యాచ్ అహ్మదాబాద్‌లోని నరేంద్ర మోదీ క్రికెట్ స్టేడియంలో జరుగుతుంది.