టీ-20ల్లో ఫాఫ్ డు ప్లెసిస్ సరికొత్త చరిత్ర..!

టీ-20 క్రికెట్ చరిత్రలో 12 వేల పరుగులు పూర్తి చేసిన ఏకైక దక్షిణాఫ్రికా బ్యాటర్‌గా ఫాఫ్ డు ప్లెసిస్ నిలిచారు. ఇప్పటివరకు మరే ఇతర దక్షిణాఫ్రికా ఆటగాడు కూడా ఈ మైలురాయిని అందుకోలేకపోయారు.

Author : Gopichand Date : 07-01-2026 - 9:25 IST
Published By : Hashtagu Telugu Desk

Faf Du Plessis

Faf Du Plessis: ప్రస్తుతం దక్షిణాఫ్రికాలో SA టీ-20 లీగ్ జరుగుతోంది. ఈ లీగ్‌లో జోబర్గ్ సూపర్ కింగ్స్ జట్టుకు ఫాఫ్ డు ప్లెసిస్ కెప్టెన్‌గా వ్యవహరిస్తున్నారు. ప్రస్తుతం డు ప్లెసిస్ బ్యాట్ నుండి పరుగుల వరద పారుతోంది. తన చివరి రెండు మ్యాచ్‌ల్లో ఆయన 91 పరుగులు సాధించారు. ముఖ్యంగా ‘ఎంఐ కేప్ టౌన్’తో జరిగిన మ్యాచ్‌లో ఆయన ఒక అద్భుతమైన రికార్డును నెలకొల్పారు. తద్వారా ఈ ఘనత సాధించిన మొట్టమొదటి దక్షిణాఫ్రికా ఆటగాడిగా నిలిచారు.

చరిత్ర సృష్టించిన ఫాఫ్

టీ-20 క్రికెట్ చరిత్రలో 12 వేల పరుగులు పూర్తి చేసిన ఏకైక దక్షిణాఫ్రికా బ్యాటర్‌గా ఫాఫ్ డు ప్లెసిస్ నిలిచారు. ఇప్పటివరకు మరే ఇతర దక్షిణాఫ్రికా ఆటగాడు కూడా ఈ మైలురాయిని అందుకోలేకపోయారు. 41 ఏళ్ల వయస్సులోనూ ఆయన అద్భుతమైన ఫామ్‌ను కనబరుస్తున్నారు. డు ప్లెసిస్ ఇప్పటికే అంతర్జాతీయ క్రికెట్‌కు రిటైర్మెంట్ ప్రకటించినప్పటికీ ప్రపంచవ్యాప్తంగా జరుగుతున్న వివిధ ఫ్రాంచైజీ లీగ్‌లలో ఆడుతున్నారు. ఐపీఎల్ 2025లో ఆయన ఢిల్లీ జట్టుకు ప్రాతినిధ్యం వహించారు.

టీ-20ల్లో అత్యధిక పరుగులు చేసిన దక్షిణాఫ్రికా ఆటగాళ్ల జాబితాలో క్వింటన్ డి కాక్ (11,813 పరుగులు) రెండో స్థానంలో ఉండగా, డేవిడ్ మిల్లర్ (11,631 పరుగులు) మూడో స్థానంలో ఉన్నారు. రైలీ రూసో 9,705 పరుగులతో తర్వాతి స్థానంలో ఉన్నారు.

Also Read: టీవీఎస్ ఎన్-టార్క్ 150.. హైపర్ స్పోర్ట్ స్కూటర్ యుగం ప్రారంభం!

కెరీర్ గణాంకాలు (దక్షిణాఫ్రికా తరపున)

టెస్ట్ క్రికెట్: 69 మ్యాచ్‌ల్లో 40.02 సగటుతో 4163 పరుగులు.

వన్డే క్రికెట్: 143 మ్యాచ్‌ల్లో 47.47 సగటుతో 5507 పరుగులు.

T20 ఇంటర్నేషనల్: 50 మ్యాచ్‌ల్లో 1528 పరుగులు.

టీ-20ల్లో అత్యధిక పరుగులు చేసిన టాప్-5 దక్షిణాఫ్రికా ఆటగాళ్లు