IPL auction: IPL వేలంలో 405 మంది ఆటగాళ్లు.. డిసెంబర్ 23న కొచ్చిలో వేలం
వచ్చే ఐపీఎల్ సీజన్ కోసం ఆటగాళ్ల వేలం (IPL auction) డిసెంబర్ 23న కొచ్చిలో జరగనుంది. ఇందుకోసం 405 మంది ఆటగాళ్లను షార్ట్లిస్ట్ చేశారు. ప్రపంచవ్యాప్తంగా 991 మంది ఆటగాళ్లు వేలం (IPL auction)లో పాల్గొనేందుకు నమోదు చేసుకున్నారు.
- By Gopichand Published Date - 11:55 AM, Wed - 14 December 22
వచ్చే ఐపీఎల్ సీజన్ కోసం ఆటగాళ్ల వేలం (IPL auction) డిసెంబర్ 23న కొచ్చిలో జరగనుంది. ఇందుకోసం 405 మంది ఆటగాళ్లను షార్ట్లిస్ట్ చేశారు. ప్రపంచవ్యాప్తంగా 991 మంది ఆటగాళ్లు వేలం (IPL auction)లో పాల్గొనేందుకు నమోదు చేసుకున్నారు. ఇందులో మొదటగా 369 మంది పేర్లను ఎంపిక చేశారు. తర్వాత ఫ్రాంచైజీల అభ్యర్థన మేరకు మరో 36 మంది పేర్లను చేర్చారు. 10 టీమ్లతో మొత్తం 87 స్థానాలు ఖాళీగా ఉన్నాయి.
405 మంది ఆటగాళ్లలో 273 మంది భారతీయులు కాగా 132 మంది విదేశీయులు. ఐసీసీ అసోసియేట్ నేషన్స్ నుంచి నలుగురు ఆటగాళ్ల పేర్లు ఎంపికయ్యాయి. అసోసియేట్ దేశాల నుండి నలుగురు ఆటగాళ్లతో పాటు, 119 మంది క్యాప్డ్, 282 అన్క్యాప్డ్ క్రికెటర్లు వేలంలో పాల్గొంటారు. ఫ్రాంచైజీలు విదేశీ ఆటగాళ్ల కోసం మిగిలిన 87 ఖాళీలలో 30 ఉన్నాయి. 19 మంది ఆటగాళ్లు తమ పేర్లను రెండు కోట్ల బేస్ ప్రైస్గా ఇచ్చారు. 11 మంది తమ పేర్లను 1.5 కోట్లు, 20 మంది ఒక కోటిలో తమ పేర్లను ఉంచారు. భారత ఆటగాళ్లు మనీష్ పాండే, మయాంక్ అగర్వాల్లు కోటి రూపాయల ప్రాథమిక ధర. డిసెంబర్ 23 మధ్యాహ్నం 2:30 గంటలకు వేలం ప్రారంభమవుతుంది.
నిబంధనల ప్రకారం.. ఐపీఎల్ స్పెషలైజేషన్ ఆధారంగా జాబితాను వేర్వేరు సెట్లుగా విభజించి ఆర్డర్ను రూపొందించడంతో పాటు, క్యాప్డ్ ప్లేయర్ల బిడ్డింగ్తో వేలం ప్రారంభమవుతుంది. మంగళవారం ఫ్రాంచైజీలకు పంపిన ఈ-మెయిల్లో బ్యాట్స్మన్, ఆల్ రౌండర్, వికెట్ కీపర్-బ్యాట్స్మన్, ఫాస్ట్ బౌలర్, స్పిన్నర్ అనే ఆర్డర్ను IPL జాబితా చేసింది. అన్క్యాప్డ్ ప్లేయర్లకు కూడా అదే క్రమం ఉంటుంది.
Also Read: Iranian footballer: సంచలన నిర్ణయం.. ఆ దేశ ఆటగాడికి మరణ శిక్ష
వేలంలో కనిపించే ప్రముఖ ఆటగాళ్లలో కొందరు: మయాంక్ అగర్వాల్ (భారత్), హ్యారీ బ్రూక్ (ఇంగ్లండ్), జో రూట్ (ఇంగ్లండ్), రిలే రస్సో (దక్షిణాఫ్రికా), కామెరాన్ గ్రీన్ (ఆస్ట్రేలియా), సికందర్ రజా (జింబాబ్వే), బెన్ స్టోక్స్ (ఇంగ్లండ్), అజింక్యా రహానే (భారత్), ట్రావిస్ హెడ్ (ఆస్ట్రేలియా), నికోలస్ పూరన్ (వెస్టిండీస్), పాల్ స్టిర్లింగ్ (ఐర్లాండ్), షాయ్ హోప్ (వెస్టిండీస్), డారెల్ మిచెల్ (న్యూజిలాండ్), రాస్సీ వాన్ డెర్ డస్సెన్ (దక్షిణాఫ్రికా), టామ్ లాథమ్ (న్యూజిలాండ్), జాసన్ రాయ్ (ఇంగ్లండ్), కార్తీక్ మెయ్యప్పన్ (యుఎఇ), హ్యారీ టెక్టర్ (ఐర్లాండ్) , రీజా హెండ్రిక్స్ (దక్షిణాఫ్రికా), బ్లెస్సింగ్ ముజర్బానీ (జింబాబ్వే), ముజీబ్ ఉర్ రెహమాన్ (ఆఫ్ఘనిస్థాన్), డేవిడ్ మలాన్ (ఇంగ్లండ్), దసున్ షనక (శ్రీలంక).
Tags
Related News
LSG vs RR: నేడు ఐపీఎల్లో మరో రసవత్తర పోరు.. లక్నో వర్సెస్ రాజస్థాన్..!
IPL 2024లో 44వ మ్యాచ్ శనివారం లక్నో సూపర్ జెయింట్స్- రాజస్థాన్ రాయల్స్ మధ్య జరగనుంది.