TTD : నేడు టీటీడీ కొత్త పాలకమండలి తొలి సమావేశం

TTD : తిరుమల తిరుపతి దేవస్థానం (టీటీడీ) విషయంలో కూటమి ప్రభుత్వం ప్రత్యేక దృష్టి సారిస్తోంది. గతంలో టీటీడీలో పాలనపై వచ్చిన విమర్శలను దృష్టిలో పెట్టుకుని, ప్రక్షాళన చర్యలు చేపట్టడానికి సిద్ధమైంది. ముఖ్యంగా శ్రీవాణి ట్రస్టు వ్యవహారంపై కొత్త పాలకమండలి వివరణాత్మక చర్చకు సిద్ధమవుతోంది. గత ఐదేళ్లలో శ్రీవాణి ట్రస్ట్ ద్వారా రూ. 1450 కోట్ల ఆదాయం సమకూరింది. అయితే, ఈ ట్రస్టు విషయంలో పాత ప్రభుత్వంపై వచ్చిన అక్రమ ఆరోపణల నేపథ్యంలో దీని భవిష్యత్‌పై కీలక నిర్ణయం తీసుకోనున్నట్లు సమాచారం.

Ruturaj Gaikwad: భార‌త్‌కు ప‌య‌న‌మైన ఇద్ద‌రు టీమిండియా ఆట‌గాళ్లు!

శ్రీవాణి ట్రస్ట్ భవిష్యత్‌పై చర్చ
టీటీడీ చైర్మన్ బీఆర్ నాయుడు, ఈవో అధ్యక్షతన కొత్త పాలకమండలి సమావేశం కానుంది. ఈ సమావేశంలో ప్రధానంగా శ్రీవాణి ట్రస్ట్ కొనసాగించాలా, రద్దు చేయాలా అనే అంశంపై చర్చ జరగనుంది. ఇప్పటికే బీఆర్ నాయుడు మీడియాతో మాట్లాడినప్పుడు శ్రీవాణి ట్రస్ట్ రద్దు చేసే దిశగా చర్యలు తీసుకోవాలని అభిప్రాయపడ్డారు. అయితే, ప్రస్తుతం టీటీడీ తీసుకుంటున్న చర్యలను చూస్తే ఈ ట్రస్ట్ కొనసాగించే అవకాశాలు ఎక్కువగా ఉన్నట్లు అనిపిస్తోంది.

శ్రీవాణి ఆఫ్‌లైన్ టికెట్ల సులభతరం
తిరుమలలో శ్రీవాణి దర్శన టికెట్ల కేటాయింపును మరింత సులభతరం చేయడం కోసం అడ్మినిస్ట్రేషన్ కొత్త విధానాలను అమలు చేసింది. ఈనెల 13న శ్రీవాణి ఆఫ్‌లైన్ టికెట్లకు కొత్త కౌంటర్‌ను ప్రారంభించారు. కొత్త పాలక మండలిలోని కొందరు సభ్యులు కూడా శ్రీవాణి ట్రస్ట్ కొనసాగించడానికి ప్రాధాన్యత ఇస్తున్నారు. అయితే, గత ప్రభుత్వంలా కాకుండా జవాబుదారితనంతో పని చేస్తామని సభ్యులు స్పష్టం చేస్తున్నారు.

భక్తుల మద్దతు
శ్రీవాణి ట్రస్ట్‌కు విరాళం చెల్లిస్తే VIP బ్రేక్ దర్శనం పొందవచ్చని భావించే భక్తుల మద్దతు ట్రస్ట్ కొనసాగింపుకే ఎక్కువగా లభిస్తోంది. ఈ విధానం ద్వారా దళారీ వ్యవస్థను నియంత్రించగలమనే అభిప్రాయాలు వ్యక్తమవుతున్నాయి.

నిర్ణయం పై ఉత్కంఠ
ట్రస్ట్ భవిష్యత్‌పై భిన్న వాదనలు ఉన్నప్పటికీ, టీటీడీ పాలకమండలి చర్చ అనంతరం కీలక నిర్ణయం తీసుకోనుంది. శ్రీవాణి ట్రస్ట్ కొనసాగింపు లేదా రద్దు నిర్ణయం భక్తులు, విశ్లేషకుల మధ్య ఉత్కంఠ రేపుతోంది.

Vemulawada Temple: వేములవాడ దేవస్థానంపై కాంగ్రెస్ ప్రభుత్వం ఫోకస్.. కొత్త మాస్టర్ ప్లాన్‌తో అభివృద్ధిపై‌ దృష్టి