President Rule: మణిపూర్ సీఎం బీరెన్ సింగ్ రాజీనామాతో రాష్ట్రపతి పాలన!

President Rule: మణిపూర్ ముఖ్యమంత్రి పదవికి ఎన్ బీరెన్ సింగ్ రాజీనామా చేయ‌డంతో రాష్ట్రంలో రాష్ట్రపతి పాలన (President Rule) విధించారు. మెయిటీ, కుకీ వర్గాల మధ్య జరుగుతున్న హింస కారణంగా మణిపూర్‌లో శాంతిభద్రతల పరిస్థితి కూడా క్లిష్టంగానే ఉంది. మణిపూర్‌ సీఎం బీరెన్‌సింగ్‌ రాజీనామా చేయడంతో రాష్ట్రంలో రాష్ట్రపతి పాలన విధించారు. రాష్ట్రంలో దాదాపు రెండేళ్ల కుల హింస తర్వాత ముఖ్యమంత్రి ఎన్ బీరెన్ సింగ్ ఆదివారం సాయంత్రం (ఫిబ్రవరి 9) తన పదవికి రాజీనామా చేశారు. రాష్ట్రంలో హింసాత్మక ఘటనల అనంతరం ఆయన ప్రభుత్వంపై పలు అంశాలపై విమర్శలు వెల్లువెత్తుతున్నాయి.

రాజ్యాంగం ప్రకారం.. రాష్ట్ర శాసనసభల రెండు సమావేశాల మధ్య 6 నెలల కంటే ఎక్కువ గ్యాప్ ఉండకూడదు. అయితే మణిపూర్ అసెంబ్లీ సమావేశాన్ని ఏర్పాటు చేసేందుకు రాజ్యాంగం కల్పించిన గడువు బుధవారంతో ముగిసింది. అలాగే రాష్ట్రంలో అనేక రౌండ్ల సమావేశాలు జరిగినప్పటికీ ఏ పార్టీ లేదా కూటమి ప్రభుత్వాన్ని ఏర్పాటు చేయడానికి దావా వేయలేదు. ఈ నేపథ్యంలో రాష్ట్రంలో రాష్ట్రపతి పాలన విధించారు.

Also Read: Viral News : రంగారెడ్డి కోర్టులో కలకలం.. జీవితఖైదు విధించిన జడ్జిపై నిందితుడి చెప్పు దాడి

రాజీనామాపై బీరేన్ సింగ్ ఏం చెప్పారు?

ఇప్పటి వరకు మణిపూర్ ప్రజలకు సేవ చేయడం నాకు గౌరవంగా భావిస్తున్నానని బీజేపీ నేత బీరెన్ సింగ్ తన రాజీనామా లేఖలో రాశారు. కేంద్ర ప్రభుత్వానికి చాలా కృతజ్ఞతలు. సకాలంలో చర్యలు తీసుకుని, సహాయం చేసి అభివృద్ధి పనులు చేశారు. అలాగే ప్రతి మణిపురి ప్రయోజనాలను కాపాడేందుకు అనేక ప్రాజెక్టులను ప్రారంభించారు. రాష్ట్రంలో శాంతిభద్రతలను పునరుద్ధరించేందుకు అవసరమైన చర్యలు తీసుకోవాలని బీరెన్ సింగ్ తన రాజీనామాలో కేంద్ర ప్రభుత్వానికి విజ్ఞప్తి చేశారు. దీనితో పాటు రాష్ట్రంలో శాంతి భద్రతలకు సంబంధించిన 5 ప్రధాన డిమాండ్లను కూడా ఆయన కేంద్రం ముందుంచారు. రాష్ట్ర చారిత్రక, సాంస్కృతిక సమగ్రతను కాపాడుకోవడం చాలా ముఖ్యమని ఆయన అన్నారు.